பொதுநிர்வாக உள்நாட்டலுவல்கள், மாகாண சபைகள் மற்றும் உள்ளுராட்சி அமைச்சினால் நாடு முழுவதும் அரச கரும மொழிக்கொள்கையை வினைத்திறனுடன் நடைமுறைப்படுத்தும்பொருட்டு, நூலகங்களுக்கு மும்மொழி நூல்கள் வழங்கும் நிகழ்ச்சித்திட்டத்தின் ஒரு அங்கமாக மன்னார் பொது நூலகத்திற்கு மன்னார் மாவட்ட செயலாளர் திரு.க.கனகேஸ்வரன் அவர்கள் இன்று 2024.01.22 மன்னார் மாவட்ட செயலகத்தில் வைத்து மும்மொழி நூல்களை திரு.சே.லெ.றெனால்ட் செயலாளர் மன்னார் நகரசபை அவர்களிடம் கையளித்தார்.
மக்களிடையே வாசிப்பு கலாசாரத்தை உருவாக்க வேண்டும் என்ற நோக்கத்துடன் இந்த திட்டம் தொடங்கப்பட்டது. பரஸ்பர புரிதலை அதிகரிக்கவும் பொதுமக்கள் தம் நாட்டு தேசிய மொழியில் தமது அறிவு மற்றும் திறனை வளர்த்துக்கொள்ளவும் தமிழ், சிங்களம் மற்றும் ஆங்கில மொழிகளில் புத்தகங்கள் வழங்கிவைக்கப்பட்டன.
மன்னார் மாவட்டச்செயலாளருடன் இணைந்து திரு.ய.பரந்தாமன் மேலதிக மாவட்டச்செயலாளர் (நிர்வாகம்), திரு.பு.டிலிசன் பயஸ் உதவி மாவட்ட செயலாளர் மற்றும் மாவட்டச்செயலக அலுவலர்கள் ஆகியோர் கலந்துகொண்டனர்.