மன்னார் மாவட்டத்தின் 5 பிரதேச செயலகங்களுக்கும் புதிதாக நியமிக்கப்பட்டுள்ள 35 கிராம அலுவலர்களுக்கான 03 மாதகால பயிற்சி இன்றிலிருந்து ஆரம்பிக்கப்பட்டுள்ளது.

இதில் மன்னார் பிரதேச செயலகத்துக்கு 12 பேரும், நானாட்டான் பிரதேச செயலகத்துக்கு 12 பேரும், முசலி பிரதேச செயலத்துக்கு 7பேரும், மடு பிரதேச செயலகத்துக்கு 2 பேரும், மாந்தை மேற்கு பிரதேச செயலகத்துக்கு 2 பேரும் நியமிக்கப்பட்டுள்ளமை குறிப்பிடத்தக்கது.

ஆரம்ப நாள் நிகழ்வில் மன்னார் மாவட்ட மேலதிக அதிபர்கள்( நிர்வாகம் மற்றும் காணி), பிரதம உள்ளக கணக்காய்வாளர், திட்டமிடல் பணிப்பாளர் உதவி மாவட்ட செயலாளர், நிர்வாக உத்தியோகத்தர், சமுர்த்தி முகாமையாளர், மாவட்டச் செயலக உத்தியோகத்தர்கள், பயிலுனர் கிராம அலுவலர்கள் என அனைவரும் கலந்து கொண்டிருந்தனர்.