"உங்களுக்கு வீடு நாட்டிற்கு எதிர்காலம்" எனும் தொணிப் பொருளின் கீழ் 2021, 2022 ஆம் ஆண்டுகளுக்கான வீட்டு திட்டத்தின் கீழ் நிர்மாணிக்கப்பட்டு பூரணமாக்கப்பட்ட வீடுகளுக்கான காசோலையானது கிராமியப் பொருளாதார இராஜாங்க கௌரவ அமைச்சர் மஸ்தான் அவர்களினால் 76 பயனாளிகளுக்கு வழங்கி வைக்கப்பட்டது. இந் நிகழ்வானது இன்று (2023.05.17) காலை மன்னார் மாவட்ட செயலக கேட்போர் கூடத்தில் இடம்பெற்றது.

மன்னார் மாவட்ட அரசாங்க அதிபர் திருமதி அ. ஸ்டான்லி டீ மெல் அவர்களின் தலைமையில் இடம்பெற்ற இந்நிகழ்வில் தேசிய வீடமைப்பு அபிவிருத்தி அதிகார சபையின் மாவட்டப் பணிப்பாளர் மற்றும் முகாமையாளர், மன்னார் பிரதேசச் செயலக பிரதேசச் செயலாளர், மாவட்டத் திட்டமிடல் பணிப்பாளர் உள்ளிட்ட பலரும் கலந்து கொண்டனர்.