மன்னார் மாவட்ட சமுர்த்தி உத்தியோகத்தர்கள் சங்கத்தின் உறுப்பினர்கள் நேற்று மாலை 3.30 மணியளவில் மன்னார் மாவட்ட செயலகத்தில் மன்னார் மாவட்ட செயலாளர் திரு. க. கனகேஸ்வரன் அவர்களை சந்தித்து கலந்துரையாடினர்.
இந்த சந்திப்பின் போது சமுர்த்தி உத்தியோகத்தர்கள் எதிர்நோக்கும் பணிச்சூழல் தொடர்பான விடயங்கள், சேவை நடவடிக்கைகளில் காணப்படும் சவால்கள் மற்றும் பல்வேறு கோரிக்கைகள் குறித்து விரிவாக எடுத்துரைக்கப்பட்டது.
மேலும், குறித்த பிரச்சனைகளுக்கு உரிய தீர்வுகளை முன்னெடுக்க தேவையான நடவடிக்கைகள் குறித்து கலந்துரையாடப்பட்டதுடன், சில முக்கிய தீர்மானங்களும் இச்சந்திப்பில் எடுக்கப்பட்டது.
அத்துடன், இக்கலந்துரையாடலில் மன்னார் மாவட்ட சமுர்த்தி திணைக்கள பணிப்பாளர், உதவி மாவட்ட செயலாளர் மற்றும் சமுர்த்தி உத்தியோகத்தர்கள் உள்ளிட்ட பலரும் கலந்து கொண்டனர்.
