தலைமன்னாரில் 10 வயது சிறுமி பாலியல் வல்லுறவுக்கு உட்படுத்தப்பட்டு கொலை செய்யப்பட்டதற்கு எதிர்ப்பு தெரிவிக்கும் வகையில் இன்று(19) மன்னார் மாவட்ட செயலக அனைத்து உத்தியோகத்தர்களும் கருப்பு பட்டி அணிந்து தங்களது கண்டனங்களை தெரிவித்து வருகின்றனர்.
மாவட்ட செயலக பதவி நிலை உத்தியோகத்தர்களுக்கிடையிலான அரச அதிபர் வெற்றிக்கிண்ண மென்பந்து சுற்று போட்டி இவ்வருடம் யாழ் மாவட்ட செயலக ஏற்பாட்டில் யாழ் மத்திய கல்லூரி எதிர்வீரசிங்கம் விளையாட்டு மைதானத்தில் சிறப்பாக இடம்பெற்றது. தற்போதைய கிளி நொச்சி மாவட்ட அரசாங்க அதிபர் திருமதி ரூபவதி கேதீஸ்வரன் அவர்களின் எண்ணத்தில் 2018 இல் முல்லைத்தீவில் ஆரம்பிக்கப்பட்டு இவ் வருடம் யாழ்பப்பாணத்தில் நடைபெற்றது. வருகின்ற வருடம் மன்னார் மாவட்டத்தில் நடைபெறவுள்ளது கடந்த வருடம் போன்று இம்முறையும் இரண்டாவது தடவையாக மன்னார் மாவட்டம் கிண்ணத்தினை சுவிகரித்து கொண்டது. வெற்றிக்கு உழைத்த அனைவருக்கும் வாழ்த்துக்களும் நன்றிகளும் உரித்தாகட்டும்.
கடற்றொழில் நீரியல் வள அமைச்சர் கெளரவ K.N. டக்ளஸ் தேவானந்தா அவர்கள் மாவட்ட செயலகம் மன்னார் வருகை தந்து காற்றாலை, கனிய மணல் அகழ்வு மற்றும் வெள்ள நிவாரணம், வளமாக்கிக்கான மானிய கொடுப்பனவு தாமதம் தொடர்பாக மக்களினால் முன் வைக்க பட்ட பிரச்சினை தொடர்பாக கலந்துரையாடினார்.
மாந்தை மேற்கு பிரதேச செயலக பிரிவில் அமைந்துள்ள ஆண்டாங்குள விசேட தேவையுடை யோருக்கான கல்வி அலகில் எங்களால் முடியும்(WE CAN) என்ற மாற்று வலுவுடையோர் அமைப்பினரால் விசேட தேவையுடைய பிள்ளைகளுக்கு போசாக்கு உணவு வழங்கும் நிகழ்வின் பதிவு.
மாந்தை மேற்கு பிரதேச செயலகத் திற்கு நேற்று விஜயம் செய்த மாவட்ட செயலாளர் புதிதாக அமைக்கப்பட்ட சிற்றுண்டிசாலையினை திறந்து வைத்த துடன் ஒரு தொகுதி அளிப்பு உறுதியினையும் பொதுமக்களுக்கு வழங்கிவைத்தார் இந்நிகழ்வில் பிரதேச செயலக அனைத்து உத்தியோகத்தருடன் கலந்துரையாடியதுடன். அவர்களது தேவைப்பாடுகள் தொடர்பாகவும் கேட்டறிந்து கொண்டார்.
மன்னார் மாவட்டத்திற்கு உட்பட்ட 05 பிரதேச செயலக பிரிவில் வசிக்கும் பின் தங்கிய மக்களின் வாழ்வாதாரத்தினை உயர்த்துவதற்காக மேற்கொள்ளப்பட்ட ஆடு வளர்ப்பு திட்டத்தின் கீழ் ஒரு நபருக்கு மூன்று ஆடுகள் வீதம் ரூபாய் 75,000 பெருமதியான ஆடுகள் 120 பயனாளிகளுக்கு வழங்கும் திட்டத்தின் கீழ் இன்று வெள்ளிக்கிழமை நானாட்டான் பிரதேச செயலாளர் பிரிவில் வழங்கி வைக்கப்பட்டது.
வடக்கு கிழக்கு மாகாண கிராம உத்தியோகத்தர் சங்கத்தின் பிரதிநிதிகளுடன் மாவட்ட செயலாளரின் சந்திப்பு 11.01.2024 நேற்றையதினம் நடைபெற்றது. கிராம உத்தியோகத்தரினால் எதிர்நோக்கும் பிரச்சனை தொடர்பில் ஆராயப்பட்டது கலந்துரைடலில் மேலதிக மாவட்ட செயலலாளரும் உடனிருந்தார்.
மன்னார் மாவட்டத்தில் இரண்டாம் கட்டமாக காற்றாலை மின் உற்பத்திக்கான காற்றாலைகள் அமைக்கும் தேசிய நிகழ்ச்சி திட்டத்தின் சாத்திபாடுகளினை ஆராயும்கலந்துரையாடல் இன்று காலை 11.00 மணிக்கு மன்னார் மாவட்ட செயலகத்தில் அமைந்துள்ள நீலோற்பவ மாநாட்டு மண்டபத்தில் அரசாங்க அதிபர் தலைமையில் இடம்பெற்றது. இக் கலந்துரையாடலில் சம்பந்தப்பட்ட திணைக்களங்களின் தலைவர்கள் பங்கேற்கிருந்ததுடன் இக் கலந்துரையாடலை மன்னார் மாவட்ட கரையோரம் பேணல் திணைக்களம் ஒழுங்குபடுத்தியிருந்தது. கலந்துரையாடலைத் தொடர்ந்து காற்றாலை அமைக்கப்படவிருக்கும் பகுதிகளுக்கு கள விஜயம் மேற்கொள்ளப்பட்டு நிலமைகள் ஆராயப்பட்டதுடன் பிரதேச வாழ் மக்கள், கிராம மட்ட அமைப்புகளின் கருத்துக்களை கேட்டறிந்து விடயம் தொடர்பில் விளக்கங்கள் வழங்கப்பட்டு அனுமதிகள் பெறப்பட்டு, தொடர்ந்து மாவட்ட ஒருங்கிணைப்பு குழு கூட்டத்தில் அனுமதி பெறப்பட்டதன் பின்னரே அரசாங்க அதிபரால் அதற்குரிய அனுமதி வழங்கப்படும் என அரசாங்க அதிபர் தெரிவித்தார்.
மன்னார் யாழ்ப்பாண ஏ 32 வீதியில் பள்ளமடு கிராமத்தில் இன்று 10/01/2024 பங்கு தந்தை அவர்களால் இறைவழிபாடுகள் நடைபெற்று மன்னார் மாவட்ட அரசாங்க அதிபர் மற்றும் பெற்றோலிய கூட்டுதாபன பிராந்திய முகாமையாளர் இணைந்து நாடாவினை வெட்டி உத்தியோக பூர்வமாக திறந்து வைக்கப்பட்டது. இந் நிகழ்வில் மாவட்ட அரசாங்க அதிபர் க.கனகேஸ்வரன் அவர்கள் மேலதிக மாவட்ட செயலாளர் பிரதம உள்ளக கணக்காய்வாளர் மற்றும் விடத்தீவு அன்பர்கள் அனைவரும் இத்திறப்பு விழாவில்கலந்து சிறப்பித்ததோடு சகல வசதியினை கொண்ட எரிபொருள் நிலையம் இது என்பது குறிப்பிடத்தக்கது.
மன்னார் மாவட்டத்தில் டெங்கு நுளம்புப் பரவலைக் கட்டுப்படுத்துதல் தொடர்பான கலந்துரையாடல் மாவட்ட செயலக மாநாட்டு மண்டபத்தில் இன்று(9) இடம்பெற்றது.
மன்னார் மாவட்ட அரசாங்க அதிபர் திரு க.கனகேஸ்வரன் அவர்கள் தலைமையில் இடம்பெற்ற கலந்துரையாடலில் மாவட்ட பிராந்திய சுகாதாரப் பணிப்பாளர் வைத்தியர் ரி.வினோதன் டெங்குப் பரவலைக் கட்டுப்படுத்த மேற்கொள்ள வேண்டிய நடவடிக்கைகள் குறித்தும் ஆலோசனை மற்றும் வழிகாட்டல்களை வழங்கினார்.
இதன்போது மாவட்டத்தில் டெங்கு நுளம்பு பரவக் கூடிய இடங்களை அடையாளம் காணுதல், அவற்றை துப்பரவு செய்து நிலைபேறானதாக தொடர்ந்து அவ்விடங்களை நுளம்புப் பரவலில் இருந்து பாதுகாத்தல், அதற்காக எவ்வாறான நடவடிக்கைகளை மேற்கொள்ள வேண்டும் என்பன தொடர்பாக விரிவாக ஆராயப்பட்டது.
அத்துடன் பிராந்திய தொற்றுநோயியலாளர் வைத்தியர் டெங்கு நுளம்புப் பரவலில் மாவட்டத்தின் நிலைப்பாடு தொடர்பாகத் தெளிவுபடுத்தினார்.
குறித்த நிகழ்வில் மாவட்டத்தின் பிரதேச செயலாளர்கள், பிரதி திட்டமிடல் பணிப்பாளர், உதவிப் பிரதேச செயலாளர்கள், உதவி திட்டமிடல் பணிப்பாளர்கள், நகர சபை மற்றும் பிரதேச சபைகளின் செயலாளர்கள், பொதுச் சுகாதார வைத்தியர்கள், பொதுச் சுகாதாரப் பரிசோதகர்கள், எனப் பலர் கலந்துகொண்டனர்.
மிகவும் தரமானமுறையிலும் சிறப்பாகவும் மேற்கொள்ளப்பட்டு வரும் உள்ளுர் உற்பத்தியாளரான திருமதி ஜெனா அவர்களின் விற்பனை மெம்படுத்தல் நிகழ்வில் முதன்மை விருந்தினராக அரசாங்க அதிபர் உயர்திரு க. கனகேஸ்வரன் ஐயா அவர்கள் கலந்து சிறப்பித்தார். Good Life என்ற பெயரில் ஆரம்பிக்கப்பட்ட உள்ளூர் மூலப்பொருட்களைக் கொண்டு தாயரிக்கப்படும் ஆரோக்கியமான தயாரிப்புக்களின் சிறந்த நனமதிப்பை பெற்று வளர்ந்து வரும் நிறுவனத்தின் 3வது ஆண்டு நிறைவு நிகழ்வு நேற்றையதினம் (6.01.2024) வாழ்வுதயம் மண்டபத்தில் நடைபெற்றது. இந்நிகழ்வில் கலந்து கொண்ட மாவட்ட செயலாளர்கள் அவர்கள் இன்றைய வாழ்க்கை முறையில் இவ்வகையான உற்பத்திகள் மிகவும் முக்கியமானது எனதும், இவ்வகையான தரமான உற்பத்திகளை ஊக்கப்படுத்துவதற்கும், மேம்படுத்துவதற்கும் மாவட்ட செயலகம் மிகவும் உறுதுனையான செயற்படும் எனவும், தெரிவித்ததோடு, கடந்த காலங்களில் சிறப்பாக செயற்பட்ட விற்பனையாளர்களை பாராட்டி பரிசில்களும் வழங்கி வைத்தார், இந்நிகழ்வில் மாவட்ட செயலகம் சார்பில் மாவட்ட கிராம அபிவிருத்தி உத்தியோத்தர், பெண்கள் அபிவிருத்தி உத்தியோகத்தர், விதாதா உத்தியோத்தர், உற்பத்தித்திறன் அபிவிருத்தி உத்தியோகத்தர், சிறு கைத்தொழில் அபிவிருத்தி உத்தியோத்தர்கள் ஆகியோரும் கலந்து கொண்டமை குறிப்பிடத்தக்கது.
மதிப்புக்குரிய அரசாங்க அதிபர் அவர்களின் சிந்தனைக்கமைவாக ஆரம்பிக்கப்பட்ட 'அறிவுப்பரிமாற்றம்' செயற்பாட்டின் முதலாவது நிகழ்ச்சி (3.1.2024) பிரதான மாநாட்டு மண்டபத்தில் ஆரம்பித்து வைக்கப்பட்டது. இத்தொடரின் முதலாவது நிகழ்வினை மன்னார் மாவட்ட உதவித் தேர்தல்கள் ஆணையாளர் திரு. சிவராஜா அவர்கள் வழங்கினார். இன்றைய நிகழ்வின் கருப்பொருளாக, அலுவல முகாமைத்துவ செயற்பாடுகள், ஊழியர் ஒருவர் அலுவலகத்தில் எவ்வாறு பணியாற்ற வேண்டும், நடத்தைச் செயற்பாடுகள், இலக்கு, நோக்கு, தூரநோக்கு எவ்வாறு அமைகின்றது போன்ற விடயங்களை மிகவும் உற்சாகமூட்டும் வகையில் வழங்கியிருந்தார். இந்நிகழ்வில் மதிப்பக்குரிய மாவட்ட செயலாளர், மேலதிக மாவட்ட செயலாளர்கள், பிரதம கணக்காளர், பிரதம உள்ளகக் கணக்காய்வாளர் உட்பட சகல பதவி நிலை உத்தியோகத்தர்கள், மற்றும் சகல அலுவலக பணியார்கள்களும் கலந்து கொண்டு பயன்பெற்றனர்.
இன்று (01.03.2024) அரசாங்க அதிபர் திரு.க.கனகேஸ்வரன் அவர்கள் மத்திய சுற்றாடல் அதிகார சபைக்கு கட்டடத்தை கையளித்து திறந்து வைத்தார் . குறித்த நிகழ்வில் பதவி நிலை உத்தியோகத்தர் உட்பட ஏனைய உத்தியோகத்தர்களும் கலந்து சிறப்பித்தனர்.
2024 ஆம் ஆண்டுக்கான கடமைகளை வைபவ ரீதியாக ஆரம்பிக்கும் நிகழ்வானது இன்று (2024 -01-01) மாவட்ட செயலாளர் திரு க.கனகேஸ்வரன் தலைமையில் மாவட்ட செயலகத்தில் சிறப்பாக நடைபெற்றது. இதில் மேலதிக மாவட்ட செயலாளர்கள் , பதவிநிலை அலுவலர்கள், அலுவலர்கள் உட்பட அனைவரும் கலந்து கொண்டார்கள். இதன் போது மாவட்ட செயலாளர் , மேலதிக மாவட்ட செயலாளர்கள் , பதவிநிலை அலுவலர்கள் மற்றும் அலுவலர்களால் சத்திய பிரமாணம் மேற்கொள்ள பட்டதோடு மரக்கன்றுகளும் நாட்டி வைக்கப்பட்டன.
மன்னார் மாவட்ட ஒருங்கிணைப்புக்குழு கூட்டம் கடந்த வெள்ளிக்கிழமை அன்று (29) பிற்பகல் 2 மணி அளவில் மன்னார் மாவட்ட அரசாங்க அதிபர் திரு க.கனகேஸ்வரன் அவர்களின் ஏற்பாட்டில் பொருளாதார இராஜாங்க அமைச்சரும் மாவட்ட அபிவிருத்திக் குழுத் தலைவருமான கௌரவ காதர் மஸ்தான் அவர்களின் தலைமையில் இடம்பெற்றது.
மன்னார் மாவட்டத்தின் புதிய அரசாங்க அதிபராக திரு க.கனகேஸ்வரன் அவர்கள் பதவி ஏற்கும் வைபவம் சனிக்கிழமை (2023.12.23) காலை மன்னார் மாவட்ட செயலகத்தில் நடைபெற்றது. அரசாங்க அதிபராக பதவி ஏற்க முன்னர் அனைத்து கடவுள்களினதும் ஆசிர்வாதம் பெறுமுகமாக மன்னார் திருக்கேதீஸ்வர ஆலயத்திற்கும் மன்னார் புனித செபஸ்தியார் ஆலயத்திற்கும் சென்று இறைவழிபாட்டில் ஈடுபட்டு தனது பதவியேற்பை இறையருளோடு ஆரம்பித்திருந்தார்.
மன்னார் மாவட்ட அரசாங்க அதிபராக திரு க.கனகேஸ்வரன் அவர்கள் தனது கடமைகளை உத்தியோபூர்வமாக மன்னார் மாவட்ட செயலகத்தில் பொறுப்பேற்றார்.
மன்னார் மாவட்ட செயலகத்தினால் 2023ம் ஆண்டுக்கான ஒளி விழா இன்று (20) சிறப்புற இடம்பெற்றது.
இந்நிகழ்வினை பதில் அரசாங்க அதிபர் திரு.ய . பரம்தாமன் அவர்களின் தலைமையில் மாவட்ட அருட்தந்தையர்கள், பதவிநிலை உத்தியோகத்தர்கள் ஆகியோருடன் இந் நத்தார் ஒளி விழாவினை மாவட்ட செயலக உத்தியோகத்தர்கள் சிறப்பித்திருந்தனர்.
குறித்த ஒளி விழா நிகழ்வில் கரோல் கீதம் இசைக்கப்பட்டு கலை நிகழ்வுகளும் பரிசளிப்பு நிகழ்வும் இடம்பெற்றன.
மன்னார் மாவட்ட செயலக வளாகத்தில் பதில் அரசாங்க அதிபர் திரு. பரம்தாமன் அவர்களின் தலைமையில் 2023-11-03 அன்று சிரமதான பணி சிறப்பான முறையில் இடம்பெற்றது.
குறித்த நிகழ்வில் பதவி நிலை உத்தியோகத்தர் உட்பட ஏனை அனைத்து உத்தியோகத்தர்களும் கலந்து சிறப்பித்தனர்.
மன்னார் மாவட்ட செயலக நலன்புரிச்சங்கம் நடாத்தும் வாணி விழா நிகழ்வு மன்னார் மாவட்ட பதில் அரசாங்க அதிபர் திரு பரம்தாமன் அவர்களின் தலைமையில் (2023-10-24) அன்று மாவட்ட செயலகத்தில் மிகச்சிறப்பாக கொண்டாடப்பட்டது.
கௌரவ ஜனாதிபதி மற்றும் சமய மற்றும் கலாசார அலுவல்கள் அமைச்சர் விதுர விக்ரமநாயக்க, வட மாகாண ஆளுநர் பி.எஸ்.எம்.சார்ள்ஸ், பாராளுமன்ற உறுப்பினர் கே. திலீபன், பௌத்த சமய அலுவல்கள் அமைச்சின் செயலாளர் சோமரத்ன விதானபத்திரன, முஸ்லிம் சமய கலாசார அலுவல்கள் திணைக்களத்தின் பணிப்பாளர் ஏ.எம். பைசல், மகாசங்கத்தினர் தலைமையிலான சமயத் தலைவர்கள், தூதுவர்கள், பாதுகாப்புப் படைப் பிரதானிகள், பாடசாலை மாணவர்கள், பிரதேசவாசிகள் மற்றும் பெருந்திரளான மக்கள் இந்நிகழ்வில் (2023-10-22) கலந்துகொண்டனர்.
கிளிநொச்சி மாவட்ட செயலகத்தினால் நடாத்தப்பட்ட வட மாகாண மாவட்ட செயலகங்களுகிடையிலான பதவிநிலை உத்தியோகத்தவர்களுக்கான மென்பந்து துடுப்பாட்ட சுற்றின் இறுதிப்போட்டியில் மன்னார் மாவட்ட செயலக அணி கிளிநொச்சி மாவட்ட செயலக அணியை வெற்றி பெற்று கிண்ணத்தை தனதாக்கிக் கொண்டது.
வடக்கு மாகாண கல்வி,பண்பாட்டலுவல்கள் , விளையாட்டுத்துறை மற்றும் இளைஞர் விவகார அமைச்சின் பண்பாட்டலுவல்கள் அலகின் அனுசரணையுடன் மன்னார் மாவட்டச் செயலகமும், மன்னார் மாவட்ட கலை, பண்பாட்டு பேரவையும் இணைந்து ஏற்பாடு செய்த மன்னார் மாவட்ட கலை பண்பாட்டு பெருவிழா(2023/10/06) வெள்ளிக்கிழமை மாலை மன்னார் மாவட்டச் செயலக மண்டபத்தில் மிகச் சிறப்பாக இடம் பெற்றது.
மன்னார் மாட்ட அரசாங்க அதிபரின் மணிவிழாவும் நந்தினி அம்மா மலர் வெளியீட்டு நிகழ்வும்
மன்னார் மாட்ட அரசாங்க அதிபருக்கு மணிவிழாவும் நந்தினி அம்மா மலர் வெளியீட்டு நிகழ்வும் கடந்த வெள்ளிக்கிழமை அன்று (25.08.2023) மன்னார் மாவட்ட செயலகத்தில் மாவட்ட மேலதிக அரசாங்க அதிபர் திரு. ம. பரம்தாமன் (நிர்வாகம்) அவர்களின் தலைமையில் நடைபெற்றது.குறித்த நிகழ்வில் மன்னார் மறைமாவட்ட ஆயர் இம்மானுவேல் பெர்னாண்டோ ஆண்டகை, சர்வமத தலைவர்கள், பிரதேசச் செயலாளர்கள்,திணைக்கள தலைவர்கள்,இராணுவ பொலிஸ் அதிகாரிகள் என பலர் கலந்து கொண்டனர்.
மாந்தை மேற்கு பிரதேச செயலகபிரிவு பாலைப்பெருமாள்கட்டு கிராமத்தில் முதியோர் பகல் பராமரிப்பு நிலைய அடிக்கல் நாட்டல் நிகழ்வு
மாந்தை மேற்கு பிரதேச செயலகபிரிவு பாலைப்பெருமாள்கட்டு கிராமத்தில் முதியோர் பகல் பராமரிப்பு நிலையம் அமைக்கும் வேலைதிட்டத்தை மாவட்ட செயலாளர் அடிக்கல் நாட்டி ஆரம்பித்து வைத்ததுடன், அக்கிராம மக்களால் மாவட்ட செயலாளருக்கு சேவைநலன் பாராட்டு நிகழ்வும் சிறப்பாக இடம்பெற்றது.
மன்னார் மாவட்ட ஒருங்கிணைப்புக் குழுக் கூட்டம்!
மன்னார் மாவட்ட தனியார் கல்வி நிலையங்களின் இயக்குனர்களுடனான கூட்டம்
வீட்டு திட்டத்தில் நிர்மாணிக்கப்பட்ட வீடுகளை கையளிக்கும் நிகழ்வு
மன்னாரை சேர்ந்த குறும்பட இயக்குனருக்கு பாராட்டு விழா!!!
தள்ளாடியில் வெசாக் வைபவம்
நேற்று(2023/05/05) மாலை மன்னார் மாவட்ட கட்டளை தளபதி, மன்னார் மாவட்ட அரசாங்க அதிபர் மற்றும் மன்னார் பிரதேச செயலாளர் ஆகியோர் இந் நிகழ்வில் கலந்து கொண்டு நிகழ்வை ஆரம்பித்து வைத்தனர்.
மன்னார் மாவட்ட செயலகத்தில் வருடாந்த இப்தார் நிகழ்வு
2023 ஆம் வருடத்திற்கான இப்தார் நிகழ்வானது நேற்று(2023/04/20) மாலை 5:30 மணி அளவில் மாவட்ட செயலகத்தில் மன்னார் மாவட்ட அரசாங்க அதிபர் திருமதி அ.ஸ்டான்லி டிமெல் அவர்களின் தலைமையில் இடம்பெற்றது. நிகழ்வின் பிரதம விருந்தினராக கௌரவ இராஜாங்க அமைச்சர் காதர் மஸ்தான் அவர்கள் கலந்து கொண்டார். மேலும் இந்நிகழ்வில் சர்வ மதத் தலைவர்கள், திணைக்களத் தலைவர்கள், பிரதேச செயலாளர் மன்னார், சிரேஷ்ட பதவி நிலை உத்தியோகத்தர்கள், பிரதேச செயலகங்களின் பதவி நிலை உத்தியோகத்தர்கள் மற்றும் மாவட்ட செயலக உத்தியோகத்தர்கள் என பலர் கலந்து கொண்டனர்.
இலங்கை ஜனநாயக சோசலிச குடியரசின் 75வது சுதந்திர தின நிகழ்வு மன்னார் மாவட்ட அரசாங்க அதிபர் திருமதி. அ. ஸ்ரான்லி டிமல் அவர்களின் தலைமையில் மன்னார் மாவட்ட செயலகத்தில் இன்று (04.02.2023) காலை 7.50 மணியளவில் ஆரம்பமானது.
மன்னார் பிரதான பாலத்தில் இருந்து சுதந்திர தின பேரணி ஆரம்பித்து மன்னார் மாவட்ட செயலகத்தை காலை 8.15 அளவில் வந்தடைந்தது. பின்னர் அரசாங்க அதிபரும் மாவட்ட செயலாளரும் ஆன திருமதி.ஸ்ரான்லி டிமல் அவர்கள் தேசிய கொடியை ஏற்றிவைத்தார். அதனைத்தொடர்ந்து இரு தேசிய மொழிகளிலும் தேசிய கீதம் இசைக்கப்பட்டது.
தேச விடுதலைக்காக போராடி உயிர்நீர்த்த அனைவருக்கும் இரண்டு நிமிட நேர அமைதிபிராத்தனை இடம்பெற்றது. அத்தோடு சமாதானத்தை வலியுறுத்தும் வகையில் புறாக்களும், பலூன் பறக்கவிடப்பட்டது. அதனைத் தொடர்ந்து மங்கல விளக்கேற்றலுடனும், சர்வமதகுருமார்களின் ஆசியுரைகளுடனும் நிகழ்வுகள் ஆரம்பமானது.
இந் நிகழ்வின்போது சுதந்திர தினத்தின் தங்களது 75வது பிறந்த தினத்தை கொண்டாடும் பிரஜைகளின் பிறந்ததினக்கொண்டாட்டம் மாவட்ட செயலாளரின் தலைமையில் இடம்பெற்றதோடு இம்மாதத்தில் தமது 75வது பிறந்த தினத்தை கொண்டாடும் பிரஜைகளை கௌரவித்தலும் இடம்பெற்றது. பின் சுதந்திரதின போட்டிகளில் பங்குபற்றி வெற்றி பெற்ற அனைவருக்கும் பரிசில்கள் வழங்கி கௌரவிக்கப்பட்டது. அதனைத்தொடர்ந்து கலை கலாசார நிகழ்ச்சிகளும், மூலிகை மரநடுகையும் இடம்பெற்று நிகழ்வுகள் இனிதே நிறைவடைந்தது.
மேற்படி நிகழ்வில் பொலிஸ் பொறுப்பதிகாரி, முப்படைகளின் பொறுப்பதிகாரிகள், மேலதிக அரசாங்க அதிபர்கள், பிரதம கணக்காளர், பிரதம உள்ளககணக்காய்வாளர். பிரதேச செயலாளர்கள், பதவிநிலை உத்தியோகத்தர்கள். கிளைத்தலைவர்கள், மாவட்ட செயலக உத்தியோகத்தர்கள், ஏனைய உத்தியோகத்தர்கள் மற்றும் பொதுமக்கள் அனைவரும் இந்நிகழ்வில் கலந்து சிறப்பித்து இருந்தனர்.
2023 ஆம் ஆண்டுக்கான கடமைகளை ஆரம்பித்தல் நிகழ்வு மன்னார் மாவட்ட செயலகத்தில் அரசாங்க அதிபர் திருமதி.ஸ்டான்லி டீமெல் அவர்களின் தலைமையில் மாவட்ட செயலக வளாகத்தில் இன்று (02) நடைபெற்றது.
மன்னார் மாவட்ட செயலகத்தினால் 2022ம் ஆண்டுக்கான ஒளி விழா தகவல் தொழில்நுட்ப பூங்கா மேல் மண்டபத்தில் இன்று (27) சிறப்புற இடம்பெற்றது.
இந்நிகழ்வினை மாவட்ட அரசாங்க அதிபர் திருமதி.ஸ்டான்லி டீமெல் அவர்களின் தலைமையில் மாவட்ட அருட்தந்தையர்கள், மேலதிக அரசாங்க அதிபர், திட்டமிடல் பணிப்பாளர், பிரதி திட்டமிடல் பணிப்பாளர், ஏனைய பதவிநிலை உத்தியோகத்தர்கள் ஆகியோருடன் இந் நத்தார் ஒளி விழாவினை மாவட்ட செயலக உத்தியோகத்தர்கள் சிறப்பித்திருந்தனர்.
குறித்த ஒளி விழா நிகழ்வில் கரோல் கீதம் இசைக்கப்பட்டு கலை நிகழ்வுகளும் பரிசளிப்பு நிகழ்வும் இடம்பெற்றன.
2022 ஆம் ஆண்டுக்கான கடமைகளை ஆரம்பித்தல் நிகழ்வு மன்னார் மாவட்ட செயலகத்தில் அரசாங்க அதிபர் திருமதி.ஸ்டான்லி டீமெல் அவர்களின் தலைமையில் மாவட்ட செயலக வளாகத்தில் இன்று (03) நடைபெற்றது.
 |
 |
 |
 |
 |
 |
 |
 |
 |
 |
கமத்தொழில் அமைச்சினால் மாகாண விவசாய திணைக்களத்தின் ஊடாக COVID-19 அவசர நிலைமைகளின் கீழ் உலக வங்கியின் நிதி உதவியுடன் மன்னார் மாவட்டத்தின் மாந்தை மேற்கு பிரதேச செயலகப் பிரிவிற்குட்பட்ட பெரியமடு கிழக்குப் பகுதிகள் 11.4 மில்லியன் ரூபாய் செலவில் நிர்மாணிக்கப்பட இருக்கின்ற விவசாயிகளின் உற்பத்தி பொருட்களைப் பாதுகாக்கும் குளிரூட்டப்பட்ட களஞ்சிய அறை அமைப்பதற்கான அடிக்கல்லை வன்னி மாவட்ட நாடாளுமன்ற உறுப்பினரும் மன்னார் மற்றும் முல்லைத்தீவு மாவட்ட அபிவிருத்திக் குழுத் தலைவருமான கௌரவ காதர் மஸ்தான் அவர்களினால் இன்று (15) அடிக்கல் நாட்டி வைக்கப்பட்டது.
குறித்த நிகழ்வில் மன்னார் மாவட்ட அரசாங்க அதிபர் திருமதி.ஸ்டான்லி டீமெல், மாந்தை மேற்கு பிரதேசச் செயலாளர் திரு.என்.கேதீஸ்வரன், மன்னார் மாவட்ட திட்டமிடல் பணிப்பாளர் திரு.மகேஸ்வரன், மாகாண விவசாய பணிப்பாளர் திரு.சிவகுமார், மன்னார் மாவட்ட விவசாய பணிப்பாளர் ஜனாப்.ஷுகூர், மாந்தை மேற்கு பிரதேச சபை உறுப்பினர்களான எ.ஸி.நௌபில் மற்றும் பி.என். லாபிர் ஆகியோருடன் பொது மக்கள் பலரும் கலந்து கொண்டமைக் குறிப்பிடத்தக்கது.
 |
 |
 |
மனித வலு வேலைவாய்ப்புத் திணைக்களத்தின் பிரதான செயற்பாடான தொழில் வழிகாட்டல் தொடர்பான எண்ணக் கருவினை மக்களிடையே கொண்டு செல்வதற்காக "தொழில் வழிகாட்டல் வாரத்தை" இவ்வருடம் ஒக்டோபர் 04ம் திகதி தொடக்கம் 10ம் திகதி வரை நடாத்துவதற்கு மனிதவலு வேலை வாய்ப்புத் திணைக்களம் தீர்மானித்துள்ளது.
அதனடிப்படையில் குறித்த தொழில் வழிகாட்டல் வாரத்தினை முன்னிட்டு இடைநிலை(தரம் 09,10,11) பாடசாலை மாணவர்களிடையே நிகழ்நிலை(Online) முறையினூடாகவும் மற்றும் 18 வயதிற்கு மேற்பட்டவர்களுக்கு திறந்த போட்டிகளுமாக சித்திரம், கவிதை, கட்டுரை, பேச்சு, வினாடிவினா போட்டிகளை நடாத்த மனித வலு வேலைவாய்ப்புத் திணைக்களம் தீர்மானித்துள்ளது.
குறித்த போட்டிகளில் கலந்து கொள்பவர்களுக்கு பரிசில்களும், சான்றிதழ்களும் வழங்கப்படவுள்ளது.
விண்ணப்ப முடிவுத்திகதி ஆகஸ்ட் 23ம் திகதி தொடக்கம் செப்டெம்பர் 12ம் திகதி வரையிலான காலப்பகுதியில் online ஊடாக விண்ணப்பிக்க முடியும். இது தொடர்பான மேலதிக விபரங்கள் இத்துடன் இணைக்கப்பட்டுள்ளது.
மேலதிக விபரங்களுக்கு மாவட்ட செயலக மற்றும் தத்தமது பிரதேச செயலக மனித வள அபிவிருத்தி உத்தியோகத்தரை தொடர்பு கொள்ளவும்.
நாட்டில் ஏற்பட்டுள்ள அசாதாரண சூழ்நிலை காரணமாக மேலதிக தகவல்களை பெற மாவட்ட செயலக மனிதவள அபிவிருத்தி உத்தியோகத்தருடன் 0770743231/ 0771157433 தொலைபேசி இலக்கமூடாக தொடர்பு கொள்ள முடியும்.
மேலதி தகல்கள் இத்துடன் இணைக்கப்பட்ட துண்டுப்பிரசுரங்களில் விளக்கமாக உள்ளது.
தாமதியாது உடன் விண்ணப்பியுங்கள்.
இலங்கை அரசாங்கம் நடப்பாண்டு தொடக்கம் "டங்கன் வைட்" அவர்கள் ஒலிம்பிக் போட்டியில் வெள்ளிப் பதக்கத்தை வென்றெடுத்த நாளாகிய ஜீலை 31ஆந் திகதியை விளையாட்டு ஊக்குவிப்பு மற்றும் உடற்பயிற்சி நிகழ்ச்சிகளை நடைமுறைப்படுத்தும் நோக்கில் தேசிய விளையாட்டு தினமாக பிரகடனம் செய்துள்ளது.
அதனை முன்னிட்டு தேசிய விளையாட்டு தின நிகழ்வுகள் மன்னார் மாவட்ட செயலகத்தில் இன்று (3) காலை மன்னார் மாவட்ட அரசாங்க அதிபர் திருமதி.ஸ்டான்லி டீமெல் அவர்களின் தலைமையில் மாவட்ட செயலக வளாகத்தில் அரச நிருவாக சுற்றிக்கையின் பிரகாரம் இடம்பெற்றது.
மாவட்ட விளையாட்டு உத்தியோகத்தர் ஒருங்கிணைப்பில் இடம்பெற்ற இந் நிகழ்வில் முதலில் தேசிய கொடி ஏற்றப்பட்டு, தேசிய கீதம் இசைக்கப்பட்டதனைத் தொடர்ந்து, உடற்பயிற்சி மற்றும் உள்நாட்டு இயற்கை உற்பத்தி உணவுகளின் முக்கியத்துவத்தினை வலியுறுத்துவதாக அரசாங்க அதிபர் அவர்களின் விசேட உரையும் இடம்பெற்றது.
அதனைத் தொடர்ந்து அலுவலக உத்தியோகத்தர்கள் அலுவலக உடையில் பங்கேற்கக்கூடியதான 15 நிமிட எளிய உடற்பயிற்சி நிகழ்ச்சிகள் என்பன இடம்பெற்றன.
மேலும் ஆரோக்கியமான சந்ததியினை உருவாக்கி வினைத்திறனும் உற்பத்தித் திறனும் மிக்க மனித வளத்தை உருவாக்குவதே தேசிய விளையாட்டு தினத்தின் குறிக்கோளாகும்.
தற்போது நாடு எதிர்நோக்கியுள்ள கொவிட் 19 வைரஸ் காரணமாக சுகாதார வழிமுறைகளை பின்பற்றி இடம்பெற்ற குறித்த நிகழ்வுகளில் மேலதிக அரசாங்க அதிபர் திரு.குணபாலன், பிரதம கணக்காளர் திரு.செல்வரட்ணம், திட்டமிடல் பணிப்பாளர் திரு.மகேஸ்வரன், உதவி மாவட்ட செயலாளர் மாவட்டச் செயலக பதவிநிலை உத்தியோகத்தர்கள் மற்றும் மாவட்ட செயலகத்தின் உத்தியோகத்தர்கள் கலந்துகொண்டிருந்தமைகுறிப்பிடத்தக்கது.
தமிழர் வாழ்வியலில் சிறப்பு மிகுந்த தினமான ஆடிப்பிறப்பு இன்று(17/07/2021) வடக்கு மாகாண கல்வி, பண்பாட்டலுவல்கள், விளையாட்டுத்துறை மற்றும், இளைஞர் விவகார அமைச்சின் பண்பாட்டலுவல்கள் திணைக்களம் மற்றும் மன்னார் மாவட்ட செயலகத்தின் ஒழுங்கமைப்பில் மன்னார் மாவட்ட அரசாங்க அதிபர் திருமதி . அ . ஸ்ரான்லி டிமெல் அவர்களின் தலைமையில் அன்னை இல்ல வளாகத்தில் வெகு விமர்சையாக கொண்டாடப்பட்டது.
நிகழ்வின் முதல் அம்சமாக மங்கள விளக்கேற்றலுடன் நவாலியூர் சோமசுந்தரப் புலவரின் உருவப்படத்திற்கு மாவட்ட அரசாங்க அதிபர் மாலை அணிவித்தார். தொடர்ந்து நிகழ்விற்கு வருகை தந்த அனைவரும் புலவரின் படத்திற்கு மலர் தூவி மரியாதை செய்தனர்.
மேலும் அன்னை இல்லத்தின் மாணவர்களுக்கு அரசாங்க அதிபரினால் அன்பளிப்பு வழங்கி வைக்கப்பட்டது.
இந்நிகழ்வில் திருக்கேதீஸ்வர ஆலயத்தின் உறுப்பினர் ராமகிருஷ்ணன், அன்னை இல்லத்தின் நிர்வாகி, கலாச்சார அபிவிருத்தி உத்தியோகத்தர், விளையாட்டுத்துறை உத்தியோகத்தர், ஊடகவியலாளர்கள் மற்றும் அன்னை இல்லத்தின் மாணவர்கள் என பலரும் கலந்து கொண்டனர்.
அத்துடன் விழாவில் கலந்து கொண்ட மாணவர்கள் பெரியோர்கள் உட்பட அனைவருக்கும் ஆடிக் கூழ் மற்றும் கொழுக்கட்டை என்பன பரிமாறப்பட்டன.
இந்நிகழ்வானது சுகாதார வழிமுறைகளை பின்பற்றி நடத்தப்பட்டமை குறிப்பிடத்தக்கது.
 |
 |
 |
| |
 |
 |
 |
 |
 |
 |
 |
ஆரோக்கியம் மற்றும் வினைத்திறன்வாய்ந்த பிரஜைகளை உருவாக்குவதற்கு, நச்சுத்தன்மையற்ற உணவுக்கான மக்களின் உரிமைகள், “சுபீட்சத்தின் நோக்கு“ கொள்கைப் பிரகடனத்தில் உறுதி செய்யப்பட்டுள்ளது. இதற்காக, விவசாயத்துறைக்குள் சேதனப் பசளைப் பாவனையைக் கொண்டுவருவது அரசாங்கத்தின் நோக்கமாகும்.
அந்த வகையில் மன்னார் மாவட்டத்தில் மன்னார் பிரதேச செயலாளர் பிரிவில் இயற்கை உற்பத்தி பசளையினை மேற்கொள்ளும் இடம் மற்றும் இயற்கை பசளையூடாக மேற்கொள்ளும் பயிர்ச் செய்கையினையும் மன்னார் மாவட்ட அரசாங்க அதிபர் திருமதி ஏ.ஸ்ரான்லி டி மேல் 09/06/2021 காலை 9.30 மணியளவில் நேரடியாக சென்று பார்வையிட்டார்.
இந்நிகழ்வில் கமநல சேவை உதவி ஆணையாளர், விவசாய பணிப்பாளர் , மன்னார் நகர சபையின் செயலாளர்,மாவட்ட விவசாய உத்தியோகத்தர் ஆகியோர் கலந்து கொண்டமை குறிப்பிடத்தக்கது.
 |
 |
 |
 |
 |
வட மாகாண பண்பாட்டலுவல்கள் திணைக்களம் மற்றும் கலாசார அலுவல்கள் திணைக்களம் ஆகியவற்றின் அனுசரணையுடன்
மன்னார் மாவட்ட செயலகமும், மன்னார் மாவட்ட கலை, பண்பாட்டுப் பேரவையும் இணைந்து நடாத்திய மன்னார் மாவட்ட கலை, பண்பாட்டுப் பெருவிழா கடந்த 2019.10.29 செவ்வாய்க் கிழமை அன்று மன்னார் நகர மண்டபத்தில் வெகுசிறப்பாக நடைபெற்றது . விழாவின் முதல் கட்டமாக மன்னார் பாலத்திலிருந்து பண்பாட்டு பேரணி தமிழின்னியம் பண்பாட்டு ஊர்திகள் மற்றும் வேடப்புனைவிலர்கள், குதிரையாட்டம் ஆகியவற்றுடன் இனிதே ஆரம்பமானது.
இந் நிகழ்வில் 5 பிரதேச செயலாளர்கள் ,மாவட்ட செயலக மற்றும் பிரதேச செயலக பதவி நிலை உத்தியோகத்தர்கள் மற்றும் அலுவலர்கள் ,சர்வ மத தலைவர்கள், கலைஞர்கள் மற்றும் கலை விரும்பிகள் என பல நூற்றுக்கணக்கானோர் கலந்து கொண்டனர்.
மன்னார் மாவட்ட செயலாளர் திரு .சி .ஏ .மோகன்றாஸ் அவர்களின் தலைமையில் நடைபெற்ற இந் நிகழ்வில் பிரதம விருந்தினராக திருவாட்டி . சரஸ்வதி மோகநாதன் (செயலாளர் – உள்ளூராட்சி அமைச்சு வடக்கு மாகாணம்.) அவர்கள் கலந்து கொண்டார். இந்த நிகழ்வில், “மன்னெழில்” சிறப்பு மலர் வெளியீடும், பிரதேச செயலகங்களினூடாக தெரிவு செயப்பட்ட 25 கலைஞர்களுக்கு “மன்கலை சுரபி” விருது வழங்கலும் இடம்பெற்றது.
இவ் விழாவில் பட்டிமன்றம், நாடகம், நடனம் , நாட்டுகூத்து என பல்வேறு நிகழ்வுகள் மேடையேற்றபட்டன.
தகவல்
திரு .இ .நித்தியானந்தன்
மாவட்ட கலாசார உத்தியோகத்தர்
மன்னார்.
மன்னார் மாவட்ட அரசாங்க அதிபர் அவர்களின் தலைமையில் திருக்குறள் பெருவிழா மன்னாரில் சிறப்பாக இடம்பெற்றது .
அதிமேதகு ஜனாதிபதி அவர்களின் எண்ணக்கருவில் வடக்கு மாகாண கௌரவ ஆளுநரின் நெறிப்படுத்தலில் திருக்குறள் பெருவிழா-2019 வடக்கு மாகாண பண்பாட்டலுவல்கள் திணைக்களம் மற்றும் மன்னார் மாவட்ட செயலகம் என்பவற்றின் இணைந்த செயற்பாட்டில் மன்னார் மாவட்ட அரசாங்க அதிபர் திரு .சி.ஏ .மோகன்றாஸ் அவர்களின் தலைமையில் திருக்குறள் பெருவிழா 25.08.2019 ஞாயிற்றுக்கிழமை மன்னார் அல் .அஸ்ஹர் தேசிய பாடசாலையில் சிறப்பாக இடம்பெற்றது.
இவ்விழாவில் பிரதம விருந்தினராக திரு.அ .பத்திநாதன் (பிரதம செயலாளர் ,வட மாகாணம் ) அவர்களும் சிறப்பு விருந்தினர்களாக முனைவர் திரு.மனோன்மணி சண்முகத்தாஸ் (முன்னாள் ஆய்வு பேராசிரியர் கச்சுயின் பல்கலைக்கழகம், யப்பான்),வண பிதா தமிழ் நேசன் அடிகளார் (தமிழ் சங்கம், மன்னார்) அவர்களும் கலந்து கொண்டனர் .
காலை 10.00 மணிக்கு மன்னார் மாவட்ட செயலகம் முன்பாக திருவள்ளுவர் சிலைக்கு மாலை அணிவிக்கப்பட்டு மன்னார் மாவட்ட செயலகத்திலிருந்து மன்னார் அல் .அஸ்ஹர் தேசிய பாடசாலை வரை விருந்தினர்களும் மன்னார் மாவட்ட செயலக அலுவலர்களும் ஊர்வலமாக அழைத்துவரப்பட்டனர் .அதனை தொடர்ந்து பாடசாலை மண்டபத்தில் நிகழ்வுகள் மங்கள விளக்கேற்றலுடன் ஆரம்பமாகி தமிழ் தாய் வாழ்த்து மற்றும் திருக்குறள் கடவுள் வாழ்த்து இசைக்கப்பட்டு வரவேற்புரை செந்தமிழ் அருவி மகாதர்ம குமாரக் குருக்கள் அவர்களால் வழங்கப்பட்டது. பின்னர் தலைமை உரை மற்றும் சிறப்புரையுடன் பிரதம விருந்தினர் உரையும் இடம்பெற்று கலை நிகழ்வுகளை தொடர்ந்து நன்றி உரையுடன் விழா நிறைவடைந்தது .
மன்னார் மாவட்ட ஒருங்கிணைப்பு குழுக் கூட்டம் மாவட்ட செயலாளர் திரு.சி.ஏ.மோகன்றாஸ் அவர்களின் தலைமையில் மாவட்டச் செயலகத்தில் 01.08.2019 (வியாழக்கிழமை) அன்று காலை 10 மணியளவில் நடைபெற்றது. இக் கூட்டத்தில் கௌரவ அமைச்சர் திரு. றிசாட் பதியுதீன், கௌரவ பாராளுமன்ற உறுப்பினர் திரு .சார்ள்ஸ் நிர்மலநாதன், கௌரவ பாராளுமன்ற உறுப்பினர் திரு.சிவசக்தி ஆனந்தன், கௌரவ ஆளுநரின் செயலாளர் திரு.எஸ்.சத்தியசீலன், வடக்கு மாகாண சபை அரச அதிகாரிகள், நகர சபை மற்றும் பிரதேச சபை தலைவர்கள் மற்றும் செயலாளர்கள், பிரதேச செயலகங்களின் செயலாளர்கள், மாவட்டச் செயலக மற்றும் பிரதேச செயலக பதவிநிலை உத்தியோகத்தர்கள் மற்றும் மாவட்ட திணைக்களங்களின் தலைவர்களும் சமூகமளித்திருந்தனர்.
இக் கூட்டத்தில் மன்னார் மாவட்ட அபிவிருத்தி தொடர்பான முன்னேற்றங்கள்,பிரச்சனைகள் போன்றவை கலந்துரையாடி தீர்வு காணப்பட்டதுடன் இறுதியில் பட்டதாரி பயிலுனர்களுக்கான நியமனமும் வழங்கி வைக்கப்பட்டது.
மன்னார்மாவட்டத்தின் 2019ம் ஆண்டிற்கான மாற்றுத்திறனாளிகள் விளையாட்டு விழா மன்னார் நகர சபை விளையாட்டு மைதானத்தில் கடந்த 16.07.2019 ( செவ்வாய்) அன்று பி.ப 2.30 மணியளவில் மேலதிக அரசாங்க அதிபர் திரு. S. குணபாலன் அவர்களின் தலைமையில் சிறப்பாக நடைபெற்றது. இதில் பிரதம விருந்தினராக மாவட்ட செயலாளர் திரு. C.A. மோகன்றாஸ் அவர்களும் சிறப்புவிருந்தினர்களாக 05 பிரதேச செயலகங்களுடைய செயலாளர்கள்,தேனீ அமைப்பின் ஒருங்கிணைப்பாளர் மற்றும் MARDAP இயக்குனர் ஆகியோரும் கலந்து கொண்டனர்.
இந் நிகழ்வில் 150ற்கும் மேற்பட்ட மாற்றுத்திறனாளிகளுக்கு 15ற்கும் மேற்பட்ட போட்டிகள் ஒழுங்கு செய்யப்பட்டன.
இந் நிகழ்விற்குரிய அனுசரணைகளை, அங்கவீனர்களுக்கான தேசிய செயலகம்,ஆரம்ப கைத்தொழில் மற்றும் சமூக வலுவூட்டல் அமைச்சு மற்றும் தேனீ - மாற்றுத்திறனாளிகளுக்கான மாவட்ட சுய உதவி அமைப்பு என்பனவும் மேற்கொண்டிருந்தன.
தேசிய ஒருமைப்பாடு, அரச கரும மொழிகள் அமைச்சின் அனுசரணையுடன் மன்னார் மாவட்ட செயலகத்தின் ஏற்பாட்டில் மாவட்ட மட்ட நல்லிணக்கக்குழு கூட்டமானது ஏப்ரல் மாதம் 30ம் திகதி பி.ப 2 மணியளவில் மாவட்ட செயலக பிரதான மாநாட்டு மண்டபத்தில் ஆரம்பமானது.
மாவட்ட செயலாளர் திரு.மோகன்றாஸ் அவர்களின் தலைமையில் ஆரம்பிக்கப்பட்ட இக்கூட்டத்திற்கு குழு உறுப்பினர்களாக அதி மேதகு இம்மானுவேல் பெர்னாண்டோ ஆண்டகை, குரு முதல்வர் வண.அருட்தந்தை விக்டர் சோசை, மௌளவி வண.எஸ்.ஏ.அசீம், வண.அப்போஸ்தலிக்க சபை போதகர் ஏ.நிமால் கூஞ்ஞ, வண.தர்மகுமார குருக்கள், வண.திரு.ஜி.அன்ரனி டேவிற்சன் மன்னார் நகர சபை தவிசாளர், வண.திரு.எஸ்.எச்.எம்.முஜாகிர் மன்னார் பிரதேச சபை தவிசாளர், வண.திரு.ஏ.ஜி.ஏ.சுபீகான் முசலி பிரதேச சபை தவிசாளர், மன்னார் நகர சிரேஸ்ட பொலிஸ் அத்தியட்சகர், பிரதேச செயலாளர்கள்(மன்னார், நானாட்டான், மாந்தை மேற்கு, முசலி, மடு), திரு.சபுர்தீன் சிரேஸ்ட சட்டத்தரணி, திரு. கதிர்காமநாதன் சைவ மத ஒன்றியம்,திரு.திலீபன் அனர்த்த முகாமைத்துவ உதவி பணிப்பாளர், திரு விக்ரமசிங்க மன்னார் நகர பொலிஸ் பொறுப்பதிகாரி, திரு.புஸ்பகுமார சிலாவத்துறை பிரதேச பொலிஸ் பொறுப்பதிகாரி, திரு.வதுலியத்த இலுப்பைக்கடவை பிரதேச பொலிஸ் பொறுப்பதிகாரி, திரு.சசந்த அடம்பன் பிரதேச பொலிஸ் பொறுப்பதிகாரி, திரு.இ.ஜி.குணரத்ன உதவிஃதலைமையிடத்து ஆய்வாளர் மன்னார், திரு உடவத்த தலைமையிடத்து ஆய்வாளர் தலைமன்னார், திரு.சோமஜித் பேசாலை பிரதேச பொலிஸ் பொறுப்பதிகாரி, CCT நிறுவனத்தின் பணிப்பாளர் திரு ஜெகான் பெரேரா, திரு ஜோ வில்லியம் தவிசாளர், மன்னார் மற்றும் மடு பிரதேச பிரதி கல்விப் பணிப்பாளர்கள், மாவட்ட செயலக மத ஒன்றிய தலைவர்கள், மாவட்ட செயலக உத்தியோகத்தர்கள் போன்றோர் கலந்து கொண்டனர்.
கடந்த 21ம் திகதி குண்டுதாக்குதலில் பலியானவர்களுக்கு மௌன அஞ்சலி செலுத்தி ஆரம்பிக்கப்பட்ட இக்கூட்டத்தில் மன்னார் மாவட்டத்தில் முன்னெடுக்கப்பட்டுள்ள பாதுகாப்பு நடவடிக்கைகள் தொடர்பாக கலந்தாலோசிக்கப்பட்டது.
தொடர்ந்து மன்னார் மாவட்ட மக்களின் பாதுகாப்புக்காக சிரேஸ்ட பொலிஸ் அத்தியட்சகரினால் முன்னெடுக்கப்பட்ட பின்வரும் பாதுகாப்பு நடவடிக்கைகள் பற்றி கலந்தாலோசிக்கப்பட்டது.
மேலும் அவர் கூறுகையில் வெடிகுண்டுகளுக்கு மதம் மொழி தெரியாது என்பதால் இந்நாட்களில் நாம் மிக அவதானமாக இருக்குமாறும் எவரிலேனும் சந்தேகம் ஏற்பட்டால் உடனடியாக தகவல் வழங்குமாறும் கேட்டுக்கொண்டார். இதற்காக மக்களின் விசேட உதவிகளை தாம் நாடி நிற்பதாக கூறினார்.
தலைமைத்துவ ஆளுமை விருத்தி எனும் தலைப்பில் இந்தியாவில் இருந்து வருகை தந்திருந்த அருட்தந்தை லோறன்ஸ் அடிகளார் அவர்களால் மன்னார் மாவட்ட செயலக ஊழியர்களுக்கு இன்று (12.04.2019) வெள்ளிக்கிழமை மாட்ட செயலாளரும் அரசாங்க அதிபருமான திரு. சி. ஏ மோகன்றாஸ் தலைமையில் மிக சிறப்பான முறையில் நடாத்தப்பட்டது.
இக்கருத்தரங்கில் மடு பங்குகின் முன்னால் பங்குத்தந்தையும் குடும்பநல பணியகத்தின் தலைவருமான அருட்தந்தை எமிலியாஸ்பிள்ளை அவர்களும், மற்றும் பிரதம கணக்காளர், கணக்காளர், பதவிநிலை உத்தியோகத்தர்கள், மற்றும் உத்தியோகத்தர்கள் கலந்து கொண்டனர்.
இக்கருத்தரங்கில் நேர முகாமைத்துவம், வினைத்திறனான தொடர்பாடலின் அவசியம், தேவைகளை இனங்காணல் போன்ற விடையங்கள் மிக சிறப்பான முறையில் நடாத்தப்பட்டது..
சமுர்த்தி பயனாளிகளின் 'சௌபாக்கியா' வர்த்தக கண்காட்சி மன்னார் நகர பிரதேச செயலகத்தில் இன்று (10.04.2019) சிறப்பான முறையில் பிரதேச செயலாளர் திருமதி க. சிவசம்பு தலைமையில் நடைபெற்றது. இந்நிகழ்விற்கு பிரதம விருந்தினராக கலந்து கொண்ட மன்னார் மாவட்ட செயலகத்தின் மேலதிக அரசாங்க அதிபரும் மாவட்ட சமுர்த்தி பணிப்பாளருமான திரு. சி. குணபாலன் அவர்களால் சமுர்த்தி விற்பனை கண்காட்சியானது ஆரம்பித்து வைக்கப்பட்டது.
இந்நிகழ்வில் மன்னார் நகர பிரதேச செயலக அதிகாரிகள், உத்தியோகத்தர்கள், சமுர்த்தி பயனாளர்கள், பொதுமக்கள் என பலரும் கலந்துகொண்டனர்.
கூட்டறிக்கை – 28.03.2019
மாவட்ட மற்றும் பிரதேச செயலகங்களின் இணையத்தள முன்னேற்றங்களை மீளாய்வு செய்தல்.
உள்ளக உள்நாட்டு அலுவல்கள் மாகாணசபை அமைச்சின் மேலதிக செயலாளரின் HA/05/04/03/01 ஆம் இலக்க 2019.03.10 ஆம் திகதிய கடிதத்திற்கு அமைவாக,
மாவட்ட மற்றும் பிரதேச செயலகங்களின் இணையத்தள முன்னேற்ற மீளாய்வு செய்தல் தொடர்பான கூட்டமானது மன்னார் மாவட்ட அரசாங்க அதிபரின் பரிந்துரையின் கீழ்,
மேலதிக அரசாங்க அதிபர் சி.குணபாலன் அவர்களின் தலைமையில் 28.03.2019 அன்று மு.ப 09.30 மணிக்கு மன்னார் மாவட்ட செயலக தாமரை தடாகம் (ICT UNIT) மண்டபத்தில் நடைபெற்றது.
கூட்டத்திற்கு தலைமை தாங்கிய மேலதிக அரசாங்க அதிபர் தமது உரையில் உள்ளக உள்நாட்டு அலுவல்கள் மாகாணசபை அமைச்சின் சுற்றறிக்கைக்கு இணங்க இக் கூட்டம் ஒழுங்கு செய்யப்படுள்ளது என்றும் இங்கு சமூகம் அளித்து இருக்கும் அனைவரும் அமைச்சின் நோக்கம் நிறைவேறவும் மன்னார் மாவட்டம் இணைத்தள வடிவமைப்பு மற்றும் இற்றைப்படுத்தலை முன்னேடுத்து செல்ல பூரண ஒத்துழைப்பு வழங்க வேண்டும் என்றும் கேட்டுக்கொண்டார்.
இக் கூட்டத்தில் மாவட்ட செயலக ICT துறைக்கு பொறுப்பான அலுவலர்களும் 5 பிரதேச செயலகங்களில் தலா 02 அலுவலர்கள் வீதம் 10 அலுவலர்களும் கலந்து கொண்டனர்.
ICT பிரிவில் கடமை புரியும் திரு.க .பரத் என்பவரால் Internet, Intranet, Extranet சொற்களுக்கு விளக்கம் அளிக்கப்பட்டு Joomla மென்பொருளின் தன்மை, அது இயங்கும் விதம், அதன் உட்கட்டமைப்பு, Software, Freeware, Shareware போன்றவைகளுக்கும் விளக்கம் அளிக்கப்பட்டது.
மேலும் தேடல் பொறிகளும்,அரச இணையத்தளங்களும் அதில் பிரசுரிக்கப்படும் ஆக்கங்களும் தேடல் பொறியின் இயல்பான கட்டமைப்பு தொடர்பான விடயங்களும், இணையத்தளங்களே எதிர்கால பிரதான தகவல் ஊடகம் என்பது பற்றியும் அவற்றைப் பாதுகாப்பானதாகவும்,வினைத்திறன் மிக்க வகையிலும் அரச சார்பான செயற்பாடுகளுக்கு பயன்படுத்தும் விதம் பற்றியும் விளக்கம் அளிக்கப்பட்டது.
மன்னார் மாவட்ட செயலக மற்றும் பிரதேச செயலகங்களின் (05) இணைய தளங்கள் பார்வையிடப்பட்டு ,அவற்றுடன் பிற மாவட்ட இணையத்தளங்களும் ஒப்பு நோக்கி அவற்றில் இருக்கும் நல்ல விடயங்கள் கருத்தில் எடுக்கப்பட்டது.
உள்ளக உள்நாட்டு அலுவல்கள் மாகாணசபை அமைச்சின் மேலதிக செயலாளரின் HA/05/04/03/01 ஆம் இலக்க 2019.03.10 ஆம் திகதிய கடிதத்தின் இணைப்பான மாவட்ட மட்ட பிரதேச செயலகங்களின் இணையத்தள முன்னேற்ற படிவத்துக்கு அமைவாக எமது மாவட்டத்திற்குரிய 06 இணைய தளங்களும் தனித்தனியே ஆய்வு செய்யப்பட்டன.
11.00 am – 11.30 am - சிற்றுண்டி இடைவேளை (Tea brake)
மேற்படி படிவத்திற்கு அமைய அவ் ஆய்வில் இனங்காணப்பட்ட இற்றைப்படுத்தப்படாத(Update) தரவுகள் /தகவல்கள் இனங்காணப்பட்டு அந்ததந்த பிரதேச அலுவலர்களினால் தரவுகள் இற்றைப்படுத்தப்பட்டது. மேற்படி இற்றைப்படுத்தலின் போது இணையதளத்தின் இயக்க வேகமானது வெகுவாக குறைத்து இருந்ததால் இற்றைப்படுத்தலின் வேகத்தில் பின்னடைவு ஏற்பட்டதால் மேற்படி விடயத்திற்கு பொறுப்பதிகாரியான இலங்கையின் ICTA வில் கடமைப்புரியும் கருத்திட்ட முகாமையாளர் பாக்யா குமாரசிங்க அவர்களுக்கு மின்னஞ்சல் ,தொலைபேசி ஊடாக முறைப்பாடும் அளிக்கப்பட்டது .
தொடர்ச்சியாக அலுவலர்கள் தரவு இற்றை படுத்தும் பணியில் ஈடுபடுத்தப்பட்டனர்.
தொடர்ந்து இணையத்தளங்களில் பிரசுரிக்கப்படும் செய்திகள் மற்றும் நிகழ்ச்சிகள் தொடர்பான விடயங்கள் மிக முக்கியத்துவம் வாய்ந்த படியினால்,அவற்றிற்கு என தனியான கோப்பு (File) முகாமைத்துவம் செய்வதுடன் உரிய அலுவலர்களின் அனுமதிப்பெற்று அவர்களின் மேற்பார்வையில் செய்திகளை இற்றைப்படுத்துமாறும் அறிவுறுத்தப்பட்டது.
1.30 pm -2.30 pm – lunch time
மேலும் மேலதிக செயலாளரினால் இணைக்கப்பட்ட மேற்படி கடிதத்தின் படிவத்திற்கு அமைவாக 31.03.2019 திகதிக்கு முன்னராக இற்றைப்படுத்தும் பணிகளை நிறைவேற்றுமாறு அறிவுறுத்தப்பட்டது.
தொடர்ச்சியாக இவ் இற்றைப்படுத்தல் பணியில் பிரதேச செயலக பிரிவில் கடமை புரியும் அலுவலர்கள் எதிர் நோக்கும் கீழ்வரும் பிரச்சனைகள் இனங்காணப்பட்டது.
3.15 pm -3.30 pm – Tea time
அலுவலர்களின் மின்னஞ்சல் மற்றும் தொலைபேசி இலக்கம் சேகரிக்கப்பட்டு தொடர்பாடல்களை மேலும் இலகுபடுத்தல் தொடர்பான “ICT MANNAR” எனும் பெயரில் Viber மூலம் குழு ஒன்று உருவாக்கப்பட்டது.
தொடர்ச்சியாக இப் பயற்சி தொடர்பான நிறை, குறைகள் பயிற்சியில் பங்குபற்றியவர்களிடம் வினவப்பட்டதுடன் பிற்பகல் 4.30 மணியளவில் முன்னேற்றங்களை மீளாய்வு செய்தல் தொடர்பான செயலமர்வு/கூட்டம் முடிவுறுத்தப்பட்டது.
வடமாகாண விளையாட்டுத்திணைக்களத்தினால் நடாத்தப்படும் வடமாகாண ஹொக்கி போட்டியில் மன்னார் மாவட்ட ஆண்கள் அணியினர் முதலாம் இடத்தினையும், மன்னார் மாவட்ட பெண்கள் அணியினர் இரண்டாம் இடத்தினையும் பெற்றுக்கொண்டனர்.
இதில் கலந்து கொண்டு வெற்றியீட்டிய அனைத்து வீர, வீராங்கனைகளுக்கும், மற்றும் பயிற்றுனர்களுக்கும் எமது மாவட்ட செயலகத்தின் சார்பில் வாழ்த்துக்களையும், பாராட்டுக்களையும் தெரிவித்துக்கொள்ளுகின்றோம்.
அனர்த்த தயார்ப்படுத்தல் மற்றும் அவசரகால அனர்த்த சேவைகள் தொடர்பான கருத்தரங்கு மன்னார் பொலிஸ் நிலையத்தை சேர்ந்த 60 உத்தியோகத்தர்களுக்கு மன்னார் மாவட்ட அனர்த்த முகாமை ஒருங்கிணைத்தல் பிரிவினால் 02.04.2019 அன்று நடாத்தப்பட்டது.
யுத்த இடம்பெயர்வால் பாதிக்கப்பட்டவர்களுக்கான நீடித்த தீர்வுகள் மீதான தேசிய கொள்கைகள் பற்றிய விளக்க கருத்தரங்கானது மன்னார் மாவட்ட செயலகத்தில் 5.4.2019 வெள்ளிக்கிழமை அரசாங்க அதிபர் திரு. சி. ஏ. மோகன்றாஸ் தலைமையில் நடைபெற்றது.
இக்கருத்தரங்கில் யுத்தத்தால் பாதிக்கப்பட்டவர்களுக்கான அரச கொள்கைகள் , பாதிக்கப்பட்டவர்கள் எதிர்கொள்ளும் பிரச்சனைகள், அவர்களுக்கான உரிமைகள் போன்ற விடையங்கள் விளங்கப்படுத்தப்பட்டது. இக்கருத்தரங்கின் வளவாளராக திரு. என். புகேந்திரன் கலந்துகொண்டார்.
இக்கருத்தரங்கில் மேலதிக அரசாங்க அதிபர், 5 பிரதேச செயலகங்களின் பிரதேச செயலாளர்கள், கிராம சேவையாளர்கள், அபிவிருத்தி உத்தியோகத்தர்கள், என 200ககும் மேற்பட்ட அலுவலர்கள் கலந்து கொண்டனர்.
MR M.PIRATHEEP
Focal Point
Phone Number - 023 2222236
Whatsapp Number - 077 9905324
Email ID - This email address is being protected from spambots. You need JavaScript enabled to view it.
Scan this QR code using your mobile camera to access the IAU Complaint Portal
DISTRICT SECRETARIAT - MANNAR
வீடமைப்பு நிர்மாணத்துறை மற்றும் கலாசார அலுவல்கள் அமைச்சின் 'சமட்ட செவன' கலைஞர்களுக்கு உதவி வழங்கும் திட்டத்தின் கீழ் (கலைக்கிராமங்கள் உருவாக்குதல்) மன்னார் மாவட்டத்திலிருந்து கலைஞர் வீட்டுத்திட்டத்திற்கு விண்ணப்பித்தவர்களுக்கான நேர்முகத்தேர்வு இன்று (02.04.2019) செவ்வாய்க்கிழமை மாவட்ட செயலகத்தில் நடைபெற்றது.
இதன்போது எடுக்கப்பட்ட சில புகைப்படங்கள் இணைக்கப்பட்டுள்ளன.
மன்னார் மாவட்ட கரையோர பாதுகாப்பு திணைக்களத்தின் ஏற்பாட்டில் இலங்கை உயிர் காப்புச் சங்கம் மற்றும் பீப்பிள் லீசிங் நிறுவனத்தின் நிதி பங்களிப்புடன் எருக்கலம்பிட்டி கல்லடி களப்பு பகுதியில் 27.03.2019 அன்று ஆயிரம் கண்டல் தாவரங்கள் நாட்டப்பட்டன இந் நிகழ்வில் மாவட்ட மேலதிக அரசாங்க அதிபர், இலங்கை உயிர்காப்புச் சங்கத்தின் பணிப்பாளர், பீப்பிள் லீசிங் முகாமையாளர், ஊழியர்கள், மன்னார் பிரதேச சபை தவிசாளர், கிராம சேவகர்கள்,பொருளாதார அபிவிருத்தி உத்தியாகத்தர்கள், தப்ரபேன் கடலுணவு ஏற்றுமதி நிறுவனத்தினர் என பலரும் கலந்து கொண்டு கண்டல் மரங்களை நாட்டி வைத்தனர் இந் நிகழ்வுகளை மன்னார் மாவட்டச் செயலகத்தில் இயங்கும் கரையோர பாதுகாப்பு திணைக்களத்தின் உத்தியோகத்தர்கள: சிறப்பாக ஒழுங்கமைத்திருந்தனர்.
Designated Officer
Mr.K.Kanakeshwaran
District Secretary/Government Agent
Tel: +94 23-2222235 Fax:+94 23-2222232
Information Officer
Mr.M.Piratheep
Addtional District Secretary
Tel:+94 23-2222236
E-Mail Address :- This email address is being protected from spambots. You need JavaScript enabled to view it.
Postal Address :- District Secretariat,Mannar
&;
