News

Details: 26views

தூய்மையான இலங்கை (Clean Srilanka) வேலைத்திட்டத்தின் கீழ் மன்னார் மாவட்டத்தில் உள்ள கடற்கரை பிரதேசங்களைச் சுத்தம் செய்யும் நிகழ்ச்சித்திட்டம் 23.02.2025 அன்று மன்னார் மாவட்ட அரசாங்க அதிபர் திரு க.கனகேஸ்வரன் தலைமையில் மன்னார் சுற்றுலா கடற்கரையான கீரி கடற்கரையில் காலை8.00 மணிக்கு ஆரம்பமானது.

”சுத்தமான கடற்கரை – கவர்ந்திழுக்கும் சுற்றுலாத்தளம்” எனும் தொனிப்பொருளை அடைவதற்கு மாவட்ட மட்டத்தில் உள்ள கடற்கரைகளை தூய்மைப்படுத்துவதற்கும் தொடர்ச்சியாக சுத்தமாகப் பேணுவதற்கும் இந்த வேலைத்திட்டம் முன்னெடுக்கப்படவுள்ளது.

இதன்போது அதிகளவான பிளாஸ்டிக் கழிவுப் பொருட்கள், கண்ணாடியிலான கழிவுப் பொருட்கள், இலகுவில் அழிந்து போகக்ககூடிய கழிவுப் பொருட்கள் என ஏராளமான கழிவுகள் உரிய முறையில் அகற்றப்பட்டுள்ளதோடு தொடர்ந்துவரும் காலங்களிலும் நிலைபேறான தூய்மையாக்கலை முன்னெடுக்கவும் திட்டமிடப்பட்டுள்ளமை குறிப்பிடத்தக்கது.

இந்த பணியின் ஆரம்ப நிகழ்வில் வன்னி மாவட்ட நாடாளுமன்ற உறுப்பினர் கௌரவ ஜெகதீஸ்வரன் மன்னார் இராணுவ மற்றும் கடற்படை கட்டளையிடும் அதிகாரிகள் சிரேஸ்ட பொலிஸ் அத்தியக்சகர் ,பிரதேச செயலாளர்கள்,,அரச திணைக்களங்களின் உத்தியோகத்தர்கள், சமூக அமைப்புக்களின் பிரதிநிதிகள், அரசசார்பற்ற நிறுவனங்களின் பிரதிநிதிகள், பொலிஸ், முப்படையினர் மற்றும் பொதுமக்கள் என பலரும் கலந்து கொண்டு தூய்மைப்படுத்தும் பணியினை முன்னெடுத்தனர்.

மேலும் இதனுடன் இணைந்ததாக மன்னார் மாவட்டத்தின் ஏனைய இடங்களிலும் சம நேரத்தில் கடற்கரை பிரதேசங்களைச் சுத்தம் செய்யும் நிகழ்ச்சித்திட்டம் அன்றையதினம் காலை செயற்படுத்தப்பட்டது.

Details: 2views

மன்னார் மாவட்ட பெரிய மடு கிராமத்தின் எதிர்காலத்தில் மேற்கொள்ளப்படவேண்டிய அபிவிருத்தி திட்டங்கள் மற்றும் செயற்பாடுகள் தொடர்பாக வடமாகாண ஆளுநர் தலைமையில் மன்னார் மாவட்ட செயலாளர், வட மாகாண பிரதம செயலாளர், வடமாகாண காணி ஆணையாளர் மற்றும் வடமாகாண அபிவிருத்தியிலும் மன்னார் மாவட்ட அபிவிருத்திச் செயற்பாடுகள் அனைத்திலும் முன்னின்று செயற்படும் அதிகாரிகள் உடன் பெரியமடு கிராமத்தின் வீதிகள், குளங்கள், மருத்துவ செயற்பாடுகள் மற்றும் மேலதிக விடையங்கள் தொடர்பாக கள ஆய்வுகள் மேற்கொள்ளப்பட்டு கிராமத்தில் எதிர்கொள்ளும் சவால்கள் தொடர்பாகவும் கலந்துரையாடப்பட்டது.

21.02.2025 அன்று பிற்பகல் 4.00 மணியளவில் பெரியமடு கிராமத்தின் பொதுமக்கள் சந்திப்பில் அனைத்து அதிகாரிகள் முன்னிலையில் பெரியமடு கிராமத்தின் அபிவிருத்தி திட்டங்கள் தொடர்பான கூட்டம் நிறைவு பெற்றது.

Details: 59views

(CYBER Security/SAFE Program )வைய வலையமைப்பு எதிர்கொள்ளும் சவால்கள் மற்றும் விழிப்புணர்வு தொடர்பான கருத்தமர்வு மன்னார் மாவட்ட செயலாளர் திரு. க. கனகேஸ்வரன் அவர்கள் தலைமையில் மருதம் மாநாடு மண்டபத்தில் மன்னார் மாவட்ட பதவி நிலை அலுவலர்களுக்கு அமைச்சின் தொழில்நுட்ப சேவைகள் உத்தியோகத்தர் குழுக்கள் ஊடக இடம்பெற்றது. மேலும் தொழில்நுட்ப இலத்திரனியல் உலகின் இன்றைய காலப்பகுதியில் எதிர்கொள்ளும் பௌதிக மற்றும் உளவியல் ரீதியான பிரச்சனைகள் தொடர்பாக மற்றும் இவற்றில் இருந்து எவ்வாறு மனித சமுதாயம் மற்றும் அலுவலர் என்ற மட்டில் நாம் எவ்வாறு முன்னுதாரணமாக இருக்கலாம் போன்ற பல விடயங்கள் கலந்துரையாடப்பட்டது.

thiu5 thiu6

thiu6 thiu8

Details: 11views

மன்னார் திருக்கேதீஸ்வர ஆலயத்தின் மகா சிவராத்திரி விழாவை முன்னிட்டு முன்னாயத்த கலந்துரையாடல் நேற்று(19)காலை திருக்கேதீஸ்வர ஆலய சம்பந்தர் மண்டபத்தில் இடம்பெற்றது.

-மன்னார் மாவட்ட அரசாங்க அதிபர் க.கனகேஸ்வரன் தலைமையில் இடம்பெற்ற குறித்த கலந்துரையாடலில் திருக்கேதீஸ்வர ஆலய திருப்பணி சபையின் தலைவர் ராமகிருஷ்ணன் கலந்து கொண்டார்.

மேலும் பிரதேச செயலாளர்கள்,திணைக்கள தலைவர்கள்,அரச தனியார் போக்குவரத்துச் சங்க பிரதிநிதிகள், பொலிஸார் ஆகியோர் கலந்து கொண்டனர்.

இதன்போது எதிர்வரும் 26 ஆம் திகதி (26-02-2025) இடம்பெற உள்ள மகா சிவராத்திரி விழாவிற்கான முன் ஆயத்த நடவடிக்கைகள் குறித்து கலந்துரையாடப்பட்டது.

நாட்டின் பல பாகங்களில் இருந்தும் கடந்த வருடங்களை போன்று இம்முறையும் இலட்சக்கணக்கான மக்கள் கலந்து கொள்ள உள்ள நிலையில் முன்னெடுக்கப்பட வேண்டிய முன் ஆயத்த நடவடிக்கைகள் குறித்து ஆராயப்பட்டது.

குறிப்பாக போக்குவரத்து ஒழுங்குகள்,சுகாதாரம்,மின்சாரம்,நீர் விநியோகம்,உணவு,பாதுகாப்பு,மருத்துவ வசதிகள்,உள்ளடங்களாக முன்னெடுக்கப்பட வேண்டிய அனைத்து விடையங்கள் குறித்தும் கலந்துரையாடப்பட்டது.

Details: 11views

மன்னார் மாவட்டச் செயலகத்தின் பசுமை சங்கத்தினால் மேற்கொள்ளப்பட்டுவரும் அலுவலக வீட்டுத்தோட்டத்தின் அறுவடை நிகழ்வானது மன்னார் மாவட்ட செயலாளர் திரு க.கனகேஸ்வரன் அவர்களின் தலைமையில் 2025-02-14 இடம்பெற்றது.

அறுவடையில் விளைந்த காய்கறிவகைகளை மாவட்ட செயலக உத்தியோகத்தர்களுக்கு 30 வீத விலை கழிவுடன் வழங்கப்பட்டது.

மேலும் இந்நிகழ்வில் மேலதிக அரசாங்க அதிபர்(காணி) உட்பட பதவிநிலை உத்தியோகத்தர்கள், மாவட்ட செயலக உத்தியோகத்தர்கள் கலந்து கொண்டனர்.
 
 

Details: 31views

காலநிலை மாற்றத்தினால் ஏற்படும் அனர்த்தம் காரணமாக சமூக மட்டத்தில் ஏற்படும் பாதிப்புக்களை தவிர்த்தல் அல்லது குறைப்பதற்கான செயற்திட்டம் ஒன்றினை உலக உணவு திட்டமானது மன்னார் மாவட்ட செயலாளர் திரு. க கனகேஸ்வரன் ஐயா தலைமையில் சுற்றாடல் அமைச்சின் ஊடாக எமது மாவட்டத்தில் செயற்படுத்தவுள்ளது. குறித்த செயற்திட்டத்தினை வைபவ ரீதியாக ஆரம்பிக்கும் முகமாக 13.02.2025ம் திகதி காலை 9.30 மணிக்கு மாவட்ட செயலக நெய்தல் மாநாட்டு மண்டபத்தில் கருத்தமர்வு ஒன்று உலக உணவு திட்டத்தின் அனுசரணையுடன் நடைபெற்றது. குறித்த கருத்தமரவில் செயற்படுத்தப்படவுள்ள திட்டத்தின் நோக்கம் மற்றும் தொடர்புடைய திணைக்களங்களின் பொறுப்புக்கள் தொடர்பில் விரிவாக கலந்துரையாடப்பட்டது.

01ax1

Details: 13views

2025/02/11அன்று மன்னார் நகர சபை மைதானத்தில், உதவி மாவட்டச் செயலாளர் அவர்களின் தலைமையில், மன்னார் மாவட்டச் செயலகமும் சமூக சேவைகள் திணைக்களமும் இணைந்து நடத்தும் மாற்றுத்திறனாளிகளுக்கான விளையாட்டு நிகழ்வுகள் நடைபெற்றன. இந்த நிகழ்வில் சிறப்பு விருந்தினராக மன்னார் மாவட்ட மேலதிக அரசாங்க அதிபர் திரு ஸ்ரீஸ்கந்தகுமார் அவர்கள் கலந்து கொண்டார்.

மேலும், மன்னார் மாவட்ட செயலகத்திலிருந்து வருகைதந்த அதிகாரிகள், நானாட்டான், மாந்தை, முசலி பிரதேச சபை உத்தியோகத்தர்கள், தேனி அமைப்பின் தலைவர், அரச சார்பற்ற நிறுவனங்களின் உத்தியோகத்தர்கள், ஆகியோரும் நிகழ்வில் கலந்து கொண்டனர்.

வெற்றி பெற்ற மாற்றுத்திறனாளிகளுக்கு பரிசுகள் வழங்கப்பட்டதுடன், பங்கேற்ற அனைவருக்கும் பரிசுப்பொதிகளும் வழங்கப்பட்டன.

Details: 14views

மன்னார் மாவட்டத்தில் தொடர்ச்சியாக பெய்து வந்த கனமழை காரணமாக தொடர்ச்சியான பாதிப்பினை பொதுமக்கள் எதிர்நோக்கி இருந்தனர்

இவ்வாறான மழையின் பாதிப்புக்கு உள்ளான பொதுமக்களுக்கென சீன அரசாங்கம் உலர் உணவு பொதிகளை வழங்கி இருந்தது.

சீன அரசாங்கத்தின் சகோதர பாசம் செயல்திட்டத்தின் ஒரு அங்கமாக இவ் உலர் உணவுப் பொதிகள் இன்றைய தினம் வழங்கி வைக்கப்பட்டன.

10.02.2025 அன்று பிற்பகல் 2 .00 மணியளவில் துள்ளுகுடியிருப்பு றோ.த.க .பாடசாலையில் இவ் உலர் உணவுப்பொதிகள் பொதுமக்களிடம் கையளிக்கப்பட்டன.

இந் நிகழ்விற்கு இலங்கைக்கான சீனத் தூதரகத்தின் பொறுப்பதிகாரி Mr. Zhu Yanwei, chargé d'affaires ad interim.

Mr. Qin Ligong, Chief of Political Section

Mr. Jin Enze, Third Secretary

Mr. Xing Chaoyang, Attache

Mr. Yu Boce, Attache ஆகியோர் வருகை உலர் உணவுப்பொதிகளை நேரடியாக பொதுமக்களுக்கு கையளித்திருந்தனர்.

Details: 18views

மன்னார் மாவட்டத்தில் வெள்ள அனர்த்தத்தினால் பாதிக்கப்பட்ட மக்களுக்கான சீனாவின் உலர் உணவுப் பொதிகள் விநியோகம்.

மன்னார் மாவட்டத்தில் தொடர்ச்சியாக பெய்து வந்த கனமழை காரணமாக தொடர்ச்சியான பாதிப்பினை பொதுமக்கள் எதிர்நோக்கி இருந்தனர்

இவ்வாறான மழையின் பாதிப்புக்கு உள்ளான பொதுமக்களுக்கென சீன அரசாங்கம் உலர் உணவு பொதிகளை வழங்கி இருந்தது.

சீன அரசாங்கத்தின் சகோதர பாசம் செயல்திட்டத்தின் ஒரு அங்கமாக இவ் உலர் உணவுப் பொதிகள் இன்றைய தினம் வழங்கி வைக்கப்பட்டன.

இன்ற பிற்பகல் 2 .00 மணியளவில் துள்ளுகுடியிருப்பு றோ.த.க .பாடசாலையில் இவ் உலர் உணவுப்பொதிகள் பொதுமக்களிடம் கையளிக்கப்பட்டன.

இந் நிகழ்விற்கு இலங்கைக்கான சீனத் தூதரகத்தின் பொறுப்பதிகாரி Mr. Zhu Yanwei, chargé d'affaires ad interim.

Mr. Qin Ligong, Chief of Political Section

Mr. Jin Enze, Third Secretary

Mr. Xing Chaoyang, Attache

Mr. Yu Boce, Attache ஆகியோர் வருகை உலர் உணவுப்பொதிகளை நேரடியாக பொதுமக்களுக்கு கையளித்திருந்தனர்.

Details: 15views

7.2.2025 அன்று நடைபெற்ற கலந்துரையாடல் மேலும் 6.2.2025 ஆவது கலந்துரையாடலின் தொடர்ச்சியாக மாவட்ட செயலகம், மாவட்ட அனர்த்த முகாமைத்துவ பிரிவினால் பாதுகாப்பு அமைச்சின் செயலாளருக்கு அனுப்பி வைக்கப்பட்ட வேண்டுகோள் கடிதத்திற்கு அமைய அதாவது மன்னார் தீவுக்கான நீரியல் ஆய்வு அறிக்கை ஒன்று செய்து தருமாறு கேட்டுக் கொண்டதற்கு இணங்க குறித்த செயற்பாடு பாதுகாப்பு அமைச்சின் செயலாளரினால் தேசிய நீரியல் ஆய்வு நிறுவனத்திற்கு அனுப்பி வைக்கப்பட்டு அங்கிருந்து அதனுடன் இணைந்து செயல்படுகின்ற தலைமன்னார் இலங்கை கடற்படையினால்
அது தொடர்பான குறித்த நீரியல் ஆய்வு மற்றும் சமவுயர கோட்டு வரைபடம் தயாரித்தல் தொடர்பான கலந்துரையாடல் இன்று மாவட்ட செயலாளர் தலைமையில் நடைபெற்றது.

குறித்த கலந்துரையாடலில் மேலதிக அரசாங்க அதிபர், பிரதேச செயலாளர் மற்றும் அனைத்து முகமைத்துவ உதவி பணிப்பாளர் ஆகியோர். கலந்து கொண்டனர்.

Details: 8views

 
மாவட்ட செயலாளர் திரு. க.கனகேஸ்வரன் தலைமையில் மற்றும் மாவட்ட அனர்த்த முகாமைத்துவ பிரிவின் ஒருங்கிணைப்பில் 6.2.2025 அன்று நடைபெற்றது.

குறித்த கலந்துரையாடலில் மேலதிக அரசாங்க அதிபர், பிரதேச செயலாளர், மன்னார் அனர்த்த முகாமத்துவ உதவி பணிப்பாளர், மேலும் தொடர்புபட்ட திணைக்களங்களின் பொறியியளாளர்கள், மன்னார் பொறியியலாளர் சங்கத்தின் தலைவர் மற்றும் ஏனைய பொறியியலாளர்களும் இதில் கலந்து கொண்டனர்.

குறித்த கலந்துரையாடலில் வெள்ள அனர்த்தம் தொடர்பான விடயங்கள் கலந்துரையாடப்பட்டதுடன் இந்த வெள்ள அனர்த்தம் ஏற்படுவதற்கான காரணங்களை ஆராய்வதுடன் அதை குறைப்பதற்கான எதிர்கால நடவடிக்கைகள் தொடர்பாகவும் கலந்துரையாடப்பட்டது. குறித்த கலந்துரையாடலில் பின்வரும் தீர்மானங்கள் எடுக்கப்பட்டன.

1. மன்னார் தீவுப் பகுதிகளில் அதிகளவு வெள்ளத்தினால் பாதிக்கப்படுகின்ற பிரதேசங்கள் அடையாளம் காணப்பட்டு குறித்த பிரதேசங்களுக்கான சமவுயரக் கோட்டு வரைபடம் தயாரித்தல் அதற்கமைய நீரியல் ஆய்வு மேற்கொள்ளுதல் இதன் அடிப்படையில் வடிகாலமைப்பு அமைத்தல் தொடர்பாக தீர்மானங்கள் மேற்கொள்ளப்பட்டது.

2. ஏற்கனவே தீவுப் பகுதியில் காணப்பட்ட சிறு குளங்கள், குட்டைகள் மண்ணிறப்பப்பட்டு அடாத்தாக பிடிக்கப்பட்டு வருவதால் அவை அழிவடைந்த நிலையில் காணப்படுகின்றன. எனவே அவைகளை புதுப்பிப்பதற்காக கமநல அபிவிருத்தி திணைக்களம் குறித்த நீர்நிலைகளை பராமரிக்க வேண்டும் எனவும் அதற்கான எல்லைகள் இடப்பட வேண்டும் எனவும் தீர்மானிக்கப்பட்டது இதன் மூலம் வெள்ள அனர்த்தத்தை குறைப்பதுடன் வறட்சியையும் தாங்கக்கூடிய நிலைக்கு கொண்டு வரலாம் எனவும் தீர்மானிக்கப்பட்டது.

3. மேலும் எதிர்காலத்தில் மேற்கொள்ளப்படும் அபிவிருத்தித் திட்டங்கள் யாவும் அனர்த்த ஆபத்தை அடிப்படையாகக் கொண்டே மேற்கொள்ளப்பட வேண்டும் எனவும் குறித்த அபிவிருத்தி திட்டங்களின் போது சம்மந்தப்பட்ட திணைக்களங்களின் ஆலோசணைக்கு ஏற்பவே மேற்கொள்ளுதல் எனவும் தீர்மானிக்கப்பட்டது.

Details: 15views

மன்னார் பள்ளிமுனை கடற்தொழிலாளர்கள் இலகுவாக மீன் பிடிக்க சென்று வருவதற்காக ஓடை ஆழப்படுத்தல் செயற்திட்டம் நிறைவடைந்த நிலையில் இன்று(7) அரசாங்க அதிபர் திரு க.கனகேஸ்வரன் அவ்ரகளினால் வைபவரீதியா திறந்து வைக்கப்பட்டது.

குறித்த நிகழ்வில் மேலதிக அரசாங்க அதிபர், மன்னார் பிரதேச செயலாளர், கடற்தொழில் உதவி பணிப்பாளர், கடற்படை அதிகாரிகள், துறைசார் அதிகாரிகள், புனித லூசியா மீனவர் கூட்டுறவு சங்க நிர்வகிக்கள், பள்ளிமுனை கிராமிய அமைப்பின் நிர்வாகிகள் அனைவரும் கலந்துகொண்டனர்.

Details: 10views

தேசிய அனர்த்த நிவாரண சேவைகள் நிலையத்தின் மாவட்ட செயலகம் மற்றும் பிரதேச செயலகத்தில் கடமையாற்றும் அனர்த்த நிவாரண சேவைகள் உத்தியோகத்தர்களிற்கான முன்னேற்ற மீளாய்வு மற்றும் பாதுகாப்பு அமைச்சின் செயலாளரினால் வெளியிடப்பட்ட 01/2025ஆம் இலக்க அனர்த்த நிவாரண சேவைகள் சுற்றறிக்கை மற்றும் வழிகாட்டல்கள் தொடர்பான கலந்துரையாடலானது மாவட்ட செயலாளரின் தலைமையில் 2025/02/05 ஆம் திகதி மாவ‌‌ட்ட செயலாளரின் மாநாட்டு மண்டபத்தில் காலை 10 .00மணிக்கு ஆரம்பிக்கப்பட்டது .

இக் கலந்துரையாடலில் மாவட்ட செயலாளரினால் கடந்த கால வெள்ளத்தின் போது பாதிக்கப்பட்டவர்களிற்கான உதவிகள் குறித்து வழங்கப்பட்ட ஒத்துழைப்பு மற்றும் அர்ப்பணிப்பு மிக்க சேவைகளிற்காக நன்றியினையும் பாராட்டுக்களையும் கூறினார்.

மேலும் அனர்த்த காலங்களின் போது நிவாரணம் வழங்குவதற்காக 01/2025 ஆம் திகதிய சுற்றறிக்கைக்கும் மற்றும் வழிகாட்டல் தொடர்பாக சம்மந்தப்பட்ட உத்தியோகத்தர்களிற்கு தெளிவுபடுத்தப்பட்டது.

Details: 17views

இலங்கை சனநாயக சோசலிச குடியரசின் 77 ஆவது சுதந்திரதின நிகழ்வானது இன்று(4) மன்னார் மாவட்ட செயலகத்தில் அரசாங்க அதிபரும் மாவட்ட செயலாளருமான திரு க. கனகேஸ்வரன் அவர்களின் தலைமையில் மிக சிறப்பான முறையில் இடம்பெற்றது.

அந்தவகையில் சுதந்திரதின நிகழ்வினை ஆரம்பிக்கும் முகமாக அனைத்து சமயம் சார்ந்த வழிபாடுகள் காலை 6.30 மணிக்கு இடம்பெற்றது அதனை தொடர்ந்து 8.05 மணிக்கு தேசிய கொடி ஏற்றப்பட்டு தேசிய கீதம் இசைக்கப்பட்டது மேலும் அரசாங்க அதிபர் மற்றும் மேலதிக அரசாங்க அதிபர்களால் சமாதான புறாக்கள் பறக்கவிடப்பட்டன.

தொடர்ந்து காலை 8.09 மணிக்கு நாட்டிற்காக உயிரை தியாகம் செய்த தேசாபிமானிகளுக்காக 2 நிமிட மௌன அஞ்சலி செலுத்தப்பட்டது தொடர்ந்து மேன்மை தங்கிய அதி மேதகு ஜனாதிபதி அனுரகுமார திஸநாயக்க அவர்களின் 77 ஆவது சுதந்திரதின சிறப்புரையினை காணொளியாக அனைத்து உத்தியோகத்தர்களும் மாவட்ட செயலக மருதம் மாநாட்டு மண்டபத்தில் பார்வையிட்டனர்.

மேலும் கடந்த வருடம் சிறப்பாக சேவையாற்றிய மாவட்ட செயலக உத்தியோகத்தர்களுக்கு அரசாங்க அதிபரினால் மெச்சுரை வழங்கிவைக்கப்பட்டது தொடர்ந்து இல்லவிளையாட்டிப்போட்டிக்கான பரிசில்களும் வழங்கிவைக்கப்பட்டது. இறுதியாக மாவட்ட செயலக வளாகத்தில் மரக்கன்றுகள் நாடிவிக்கப்பட்டன.

Details: 19views

மன்னார் மாவட்டச் செயலகத்தில் இன்று (28) செவ்வாய்க்கிழமை காலை 10 மணியளவில் மன்னார் மாவட்ட அரச அதிபர் க.கனகேஸ்வரன் ஏற்பாட்டில் பிரதியமைச்சரும் அபிவிருத்திக் குழுத் தலைவருமான உபாலி சமரசிங்கவின் தலைமையில் இடம்பெற்றது.

குறித்த கூட்டத்தில் வன்னி மாவட்ட பாராளுமன்ற உறுப்பினர்களான செல்வம் அடைக்கலநாதன், ரிஷாட் பதியுதீன், காதர் மஸ்தான், து.ரவிகரன், பா.சத்தியலிங்கம்., மயில்வாகனம் ஜெகதீஸ்வரன், செல்லத்தம்பி திலகநாதன், முத்து முஹமட்
ஆகியோர் கலந்து கொண்டதுடன் பிரதேச செயலாளர்கள், அழைக்கப்பட்ட திணைக்களத் தலைவர்கள், பொலிஸ் கடற்படை, அதிகாரிகள் சிவில் சமூக அமைப்புக்கள் எனப் பலரும் கலந்து கொண்டனர்.

குறித்த கூட்டத்தில் மாவட்ட மட்டத்தில் கலந்துரையாட பட வேண்டிய பல்வேறு விடயங்கள் மற்றும் தீர்க்கப்பட வேண்டிய பிரச்சினைகள் குறித்தும் விசேடமாக கலந்துரையாடப்பட்டது.

குறிப்பாக 2ஆம் கட்ட காற்றாலை மின் உற்பத்தி நடவடிக்கைகள் இடை நிறுத்தப்பட்டுள்ள நிலையில், குறித்த விடயம் தொடர்பாகவும் ஆராயப்பட்டது.

மேலும் மன்னார் தீவு பகுதியில் முன்னெடுக்கப்பட்டு வருகின்ற கணிய மணல் அகழ்வு குறித்து கலந்துரையாடப்பட்டது. எனினும் குறித்த கலந்துரையாடலில் கலந்து கொண்ட மன்னார் பிரஜைகள் குழு மற்றும் மீனவ அமைப்புக்களின் பிரதி நிதி ஆகியோர் தமது கடுமையான எதிர்ப்பை தெரிவித்ததோடு, மன்னார் மாவட்ட மக்கள் மன்னார் தீவு பகுதியில் முன்னெடுக்கப்படும் கணிய மணல் அகழ்வை எதிர்ப்பதாகவும் குறித்த விடையம் தொடர்பாக இங்கு ஆராயப்பட வேண்டிய தேவை இல்லை எனவும் தெரிவித்ததோடு, மன்னார் தீவில் கனிம மண் அகழ்வுக்கு ஒரு போதும் அனுமதியை வழங்க முடியாது என அவர்கள் தெரிவித்தனர்.

இதன் போது மக்களின் எதிர்ப்பை மீறி மாவட்டத்தில் எவ்வித நடவடிக்கைகளையும் முன்னெடுக்க அனுமதி வழங்க முடியாது என்றும், குறிப்பாக மன்னார் தீவு பகுதியில் முன்னெடுக்கப்பட்டு வருகின்ற கனிம மண் அகழ்வு குறித்து மக்கள் தொடர்ந்து எதிர்ப்பு தெரிவித்து வருகின்ற மையினால் இவ்விடயம் தொடர்பாக வன்னி மாவட்ட பாராளுமன்ற உறுப்பினர்கள் அனைவரும் ஒன்றிணைந்து ஜனாதிபதியை சந்தித்து குறித்த விடையம் தொடர்பாக கலந்துரையாட வேண்டியுள்ளது.

எனவே ஜனாதிபதியிடம் சந்திப்பிற்கான நேரத்தை ஒதுக்கி தருமாறு வன்னி மாவட்ட பாராளுமன்ற உறுப்பினர்கள் அனைவரும் ஒன்றாக பிரதிய மைச்சரும் அபிவிருத்திக் குழுத் தலைவருமான உபாலி சமரசிங்க விடம் கோரிக்கை விடுத்தனர்.

இதன் போது உடனடியாக குறித்த சந்திப்புக்கான ஏற்பாடுகளை ஜனாதிபதியுடன் கலந்துரையாடி முன்னெடுப்பதாக அவர் தெரிவித்தார். மேலும் மாவட்டத்தில் உள்ள பல்வேறு பிரச்சினைகள் குறித்து விரிவாக ஆராயப்பட்டமை குறிப்பிடத்தக்கது.

Details: 19views

மன்னார் மாவட்டச் செயலக நலன்புரிக்கழகத்தினால் வருடாந்த ஒன்றுகூடலும் கௌரவிப்புக்களும் தலைவர் திரு செல்வகுமார் அவர்களின் தலைமையில் கடந்த சனிக்கிழமை 25.01.2025 அன்று பேசாலை இராணுவ விடுதியில் நடைபெற்றது.

இந் நிகழ்வில் பிரதம விருந்தினராக அரசாங்க அதிபர் திரு. க.கனகேஸ்வரன் அவர்களோடு பதவிநிலை உத்தியோகத்தர்கள், மாவட்டச் செயலக உத்தியோகத்தர்கள் கலந்துகொண்டார்கள்.

வருடாந்த ஒன்று கூடல் மற்றும் கௌரவிப்பு நிகழ்வில் ஓய்வு பெற்ற மற்றும் இடமாற்றலாய் சென்றவர்களுக்கான கௌரவிப்பு, மாவட்ட செயலக உத்தியோகத்தர்களின் பிள்ளைகள் புலமைப்பரிசில் பரீட்சை மற்றும் கா.பொ.த சாதாரண தர பரீட்சையில் சித்தியடைந்த மாணவர்களிற்கும் க.பொ.த உயர்தரத்தில் சித்தியடைந்து பல்கலைக்கழகம் தெரிவுசெய்யப்பட்ட மாணவர்களுக்கு கௌரவிப்பு நடைபெற்றதோடு நடனம், கவிதை, பாடல்கள் ஆகிய கலைநிகழ்ச்சிகளும் நடைபெற்றன.

Details: 15views

மன்னார் மாவட்ட செயலாளர் அதிபர் திரு.க.கனகேஸ்வரன் அவர்களின் தலைமையில் மாவட்ட விதாதாப் பிரிவினரின் ஏற்பாட்டில் , மாவட்டத்திலுள்ள சுய தொழில் முயற்சியாளர்களுடன் கடமையாற்றும் உத்தியோகத்தர்கள் மற்றும் சுய தொழில் முயற்சியாளர்களுக்கான "எதிர்கால வியாபாரத் தொடர்பாடல் தொடர்பான விழிப்புணர்வுக்கருத்தமர்வு" வவுனியா பல்கலைக்கழக தொழில் முயற்சியாண்மை கற்கைநெறிப்பிரிவு விரிவுரையாளர்களினால் 24.01.2025 அன்று எமது மாவட்ட செயலகத்தில் முன்னெடுக்கப்பட்டது.

vida1 vida2

vida3

Details: 17views

மன்னார் மாவட்டத்தில் இயங்கு நிலையில் இருக்கும் அரசசார்பற்ற நிறுவனங்களுக்கிடையிலான முன்னேற்ற ஆய்வு கூட்டம் நேற்று(23) மன்னார் மாவட்ட செயலக மதுரம் மாநாட்டு மண்டபத்தில் மு.ப 9.00 மணிக்கு மாவட்ட அரசாங்க அதிபர் திரு.க.கனகேஸ்வரன் தலைமையில் நடைபெற்றது.

2025 ஆம் ஆண்டுக்கான முதல் காலாண்டுக் கூட்டமாக இக் கலந்துரையாடல் அமைந்தது.

மன்னார் மாவட்டத்தில் பல்வேறு நலத்திட்டங்கள் அபிவிருத்திகளில் பங்காற்றிக்கொண்டிருக்கும் அரசசார்பற்ற நிறுவனங்களின் முன்னேற்ற மீளாய்வு செயற்பாடுகள் தொடர்பில் கலந்துரையாடப்பட்டன.

கடந்த வருடம் மேற்குறித்த நிறுவனங்களின் செயற்பாடுகள் அதன் நிலமைகள் தொடர்பிலும் விரிவாக கலந்துரையாடப்படதுடன் இந்த வருடம் மேற்கொள்ளப்படவுள்ள வேலைத்திட்டங்கள் தொடர்பிலும் முக்கியமான கலந்துரையாடப்பட்டது.

இந்தக் கலந்துரையாடலில் மாவட்ட திட்டமிடல் பணிப்பாளர், பிரதேச செயலாளர்கள், உதவித் திட்டமிடல் பணிப்பாளர்கள், மன்னார் வலயக்கல்விப் பணிப்பாளர், ஏனைய உத்தியோகத்தர்கள், அரசசார்பற்ற நிறுவனங்களின் அதிகாரிகள் முதலானோர் கலந்துகொண்டனர்.

Details: 7views

மன்னார் பிரதான பாலத்திற்கு அருகாமையில் உருவாக இருக்கின்ற அழகிய கடற்கரை பூங்கா அமைப்பதற்கான கட்டுமானப் பணிகளுக்கான ஆரம்ப கட்ட வேலை நடைபெறவுள்ள நிலையில் இன்று காலை 10 மணியளவில் அரசாங்க அதிபர் திரு திரு க.கனகேஸ்வரன் அவர்கள் கள விஜயமொன்றை மேற்கொண்டு நிலவரம் குறித்து அறிந்துகொண்டு பணிகளை உடனே ஆரம்பிப்பதற்கு ஆலோசனைகளை வழங்கினார்.

குறித்த விஜயத்தின்போது மேலதிக அரசாங்க அதிபர் உட்பட துறைசார் அதிகாரிகளும் கலந்துகொண்டமை குறிப்பிடத்தக்கது.

Details: 11views

மன்னார் மாவட்ட செயலக நலன்புரிக் கழகத்தினால் நடாத்தப்படும் வருடாந்த தைப் பொங்கல் நிகழ்வு 17.01.2025 அன்று காலை 9.00 மணிக்கு மன்னார் மாவட்ட செயலகத்தில் மாவட்ட செயலக நலன்புரிச் சங்க தலைவரும் மற்றும் கணக்காளருமான திரு. செல்வகுமார் அவர்களின் தலைமையில் நடைபெற்றது.

இதில் மாவட்ட அரசாங்க அதிபர் திரு க.கனகேஸ்வரன் அவர்கள் உட்பட மேலதிக அரசாங்க அதிபர்கள், மாவட்ட செயலக பதவிநிலை உத்தியோகத்தர்கள், மாவட்ட செயலகத்தின் அனைத்து உத்தியோகத்தர்களும் கலந்து கொண்டமை குறிப்பிடத்தக்கது.

Details: 3views

sp4 sp5

sp6 sp7

Details: 14views

sp1 sp2

sp3

Details: 30views

புத்தாண்டு அன்று எடுத்துக்கொண்ட உறுதிமொழிக்கு செயல்வடிவம் கொடுக்கும் வகையில் அரச பணியாளர்கள் செயற்படவேண்டும் எனக் கோரிக்கை விடுத்த வடக்கு மாகாண கௌரவ ஆளுநர் நா.வேதநாயகன் அவர்கள், மக்களை அலைக்கழிக்காமல் அவர்களின் தேவைகளை நிறைவேற்றிக் கொடுங்கள் எனவும் கேட்டுக்கொண்டார்.

மன்னார் மாவட்டச் செயலகத்தில் இன்று வியாழக்கிழமை காலை (02.01.2025) காணிப் பிரச்சினை தொடர்பான நடமாடும் சேவை இடம்பெற்றது. நடமாடும் சேவைக்கு முன்னதான மன்னார் மாவட்டம் எதிர்கொள்ளும் முக்கிய சவால்கள் தொடர்பில் மன்னார் மாவட்டச் செயலர் க.கனகேஸ்வரனால் ஆளுநருக்கு விளக்கமளிக்கப்பட்டது.
புலவுக்காணிகளில் அமைக்கப்பட்டுள்ள அரச கட்டடங்கள் தொடர்பில் சுட்டிக்காட்டப்பட்டது. புலப்படுகையில் அமைக்கப்பட்டுள்ள அரச கட்டடங்களுக்கு அனுமதி வழங்க முடியாது எனக் குறிப்பிடப்பட்ட நிலையில், எதிர்காலத்தில் அந்தக் கட்டடங்களை வேறிடங்களை அமைப்பதற்கான ஒழுங்குகள் தொடர்பில் ஆராயுமாறு ஆளுநர் அறிவுறுத்தினார். அதேவேளை மன்னார் மாவட்டத்தில் காணியற்ற மக்களுக்கு காணிகளை வழங்குவதற்கும் பெரும் சவால்களை எதிர்கொள்வதாக மன்னார் மாவட்டச் செயலர் குறிப்பிட்டார். குறிப்பாக வனவளத் திணைக்களம் மற்றும் வன உயிரிகள் திணைக்களம் என்பன மக்கள், அரச திணைக்களங்கள் பயன்படுத்திய பல காணிகளை தமக்குரியது என வர்த்தமானி அறிவித்தலை வெளியிட்டுள்ளமையால் இந்த நிலைமை ஏற்பட்டுள்ளதாகத் தெரிவித்தார்.

வடக்கு மாகாணத்தில் இந்தப் பிரச்சினை பொதுவாக இருப்பதாகவும் இதில் தொடர்பில் ஜனாதிபதி செயலகம் கோரியுள்ள விவரங்களை அனுப்பி வைக்குமாறும் அறிவுறுத்திய ஆளுநர், அது தொடர்பான தொடர் நடவடிக்கைகள் எதிர்காலத்தில் முன்னெடுக்கப்படும் என்றும் குறிப்பிட்டார்.
காணி சீர்திருத்த ஆணைக்குழுவின் காணிகள் தொடர்பில் எழுந்துள்ள பிரச்சினைகள் தொடர்பிலும் சுட்டிக்காட்டப்பட்டது. காணி சீர்திருத்த ஆணைக்குழுவின் தவிசாளரை அழைத்து இந்தப் பிரச்சினைகள் தீர்க்கலாம் என ஆளுநர் குறிப்பிட்டார். மேலும் மன்னார் மாவட்டத்தில் லட்சக்கணக்கான கால்நடைகள் காணப்படும் நிலையில் அவற்றுக்குரிய மேய்ச்சல் தரவைகள் இல்லை எனக் குறிப்பிடப்பட்டது.

மேலும், குத்தகை அடிப்படையில் காணி வழங்கல்களில் உள்ள தாமதத்தை தவிர்ப்பதற்கு மேலதிக ஆளணிகளை தற்காலிகமாக வழங்கி அதனை முடிக்குமாறு ஆளுநர் ஆலோசனை வழங்கினார்.
இந்தக் கலந்துரையாடலில் பேசப்பட்ட விடயங்கள் தொடர்பாக, மாவட்ட ஒருங்கிணைப்புக்குழுக் கூட்டத்தில் தீர்மானங்களை மேற்கொள்ளுமாறும் ஆளுநர் அறிவுறுத்தினார்.
இதன் பின்னர் மன்னார் மாவட்டத்தின் ஒவ்வொரு பிரதேச செயலர் பிரிவுகளிலும் மக்களால் முன்வைக்கப்பட்ட காணிப் பிரச்சினைகள் தனித்தனியாக ஆராயப்பட்டு தீர்வுகள் காணப்பட்டன.
இந்தக் கலந்துரையாடலில் மன்னார் மாவட்டச் செயலர் க.கனகேஸ்வரன், மேலதிக மாவட்டச் செயலர் ம.சிறிஸ்கந்தகுமார், வடக்கு மாகாண காணி ஆணையாளர் அ.சோதிநாதன், மன்னார் நகர் பிரதேச செயலர் ம.பிரதீப், மடுப் பிரதேச செயலர் கே.பீட் நிஜாகரன், மாந்தைமேற்கு பிரதேச செயலர் சி.அரவிந்தன், நானாட்டான் பிரதேச செயலர் திருமதி கே.சிவசம்பு, முசலி பிரதேச செயலர் எஸ்.ரஜீவ், நில அளவைத் திணைக்களத்தினர், வனவளத் திணைக்களத்தினர், வன உயிரிகள் திணைக்களத்தினர் ஆகியோர் பங்கேற்றனர்.

Details: 10views

2025 ஆம் ஆண்டுக்கான கடமைகளை வைபவ ரீதியாக ஆரம்பிக்கும் நிகழ்வானது இன்று (2025 -01-01) மாவட்ட செயலாளர் திரு க.கனகேஸ்வரன் தலைமையில் மாவட்ட செயலகத்தில் சிறப்பாக நடைபெற்றது.

முதலாவதாக தமது கடமைகளை ஆரம்பிக்கும் முகமாக காலை 8.30 மணிக்கு மாவட்ட அரசாங்க அதிபரால் தேசியக் கொடி ஏற்றி வைக்கப்பட்ட பின்னர், தேசிய கீதம் இசைக்கப்பட்டது.

தொடர்ந்து நாட்டுக்காக உயிர் நீத்தவர்களுக்காக இரண்டு நிமிட மௌன அஞ்சலி செலுத்தப்பட்டதைத் தொடர்ந்து, உத்தியோகத்தர்கள் அனைவரும் ‘தூய்மையான இலங்கை’ (Clean Sri Lanka) திட்டத்துடன் இணைக்கப்பட்ட உறுதிமொழியை எடுத்துக் கொண்டனர்.

மேலும் அதிமேதகு ஜனாதிபதி அவர்களின் தலைமையில் நடைபெற்ற "க்ளீன் ஸ்ரீலங்கா" தேசிய வேலைத் திட்ட நிகழ்வில் உத்தியோகத்தர்கள் நேரலை ஊடக இணைந்திருந்தனர்.

அரசாங்க அதிபர் அரசாங்கத்தின் புதுமையான திட்டங்களான வறுமையை தணித்தல், டிஜிற்றல் ஸ்ரீலங்கா, க்ளீன் ஸ்ரீலங்கா ஆகிய எண்ணக் கருத்துக்களை உள்ளடக்கிய சிறப்புரை ஆற்றி புத்தாண்டு வாழ்த்துக்களைத் தெரிவித்துக் கொண்டார்.

இதில் மேலதிக மாவட்ட செயலாளர்கள் , பதவிநிலை அலுவலர்கள், அலுவலர்கள் உட்பட அனைவரும் கலந்து கொண்டார்கள்.

Details: 21views

இடமாற்றலாகி செல்லும் மன்னார் மாவட்ட செயலகத்தில் பிரதம உள்ளக கணக்காய்வாளராக பணிபுரிந்த திரு திரு. சுரேஷ்குமார் மற்றும் மன்னார் மோட்டார் திணைக்கள Examiner ஆக பணிபுரிந்த திரு புத்திக அவர்களின் சேவை நலன் பாராட்டு நிகழ்வு இன்று மன்னர் மாவட்ட செயலகத்தில் அரசாங்க அதிபர் திரு க.கனகேஸ்வரன் அவர்களின் தலைமையில் இடம் பெற்றது.

tarin10 tarin11

tarin12 tarin13

tarin14

Details: 20views

மன்னார் மாவட்ட செயலாளர் க.கனகேஸ்வரன் அவர்களின் வழிகாட்டலில் மாவட்ட விதாதாப் பிரிவினரால் மன்னார் மாவட்டத்திலுள்ள தொழில் முயற்சியாளர்களுக்காக ஏற்பாடு செய்யப்பட்டிருந்த "உற்பத்தித்திறன்" தொடர்பான பயிற்சி நெறியானது நேற்றும்,இன்றும் (26,27.12.2024) மன்னார் மாவட்ட செயலகத்தில் சிறப்பாக நடைபெற்று நிறைவுற்றது.

இந்நிகழ்வின் வளவாளர்களாக பிரதி திட்டமிடல் பணிப்பாளர் திரு,R.கிருஷ்ணராஜன் அவர்களும்,உற்பத்திதிறன் அபிவிருத்தி உத்தியோகத்தர்களான திரு. R.றொபின் ஜெயரூபன், திருமதி. ஜுலி மரியா சோசை அவர்களும் கலந்து கொண்டு விரிவுரைகளையும்,செயல் முறைப்பயிற்சிகளையும் வழங்கியிருந்தார்கள்.இப்பயிற்சி நெறியில் 31 தொழில் முயற்சியாளர்களும், 07 விதாதா உத்தியோகத்தர்களும் கலந்துகொண்டிருந்தனர்.

Details: 20views

தேசிய பாதுகாப்பு தின நிகழ்வு மன்னார் மாவட்ட செயலகம், பிரதேச செயலகங்களிலும் அரச அலுவலகங்களிலும் நடைபெற்றது.
மன்னார் மாவட்ட தேசிய பாதுகாப்பு தின பிரதான நிகழ்வு மாவட்ட செயலகத்தில் இன்று காலை மாவட்ட அரசாங்க அதிபர் க.கனகேஸ்வரன் தலைமையில் இடம்பெற்றது.

இதன் முதல் நிகழ்வாக ஈகைச் சுடர் ஏற்றி உயிரிழந்த உறவுகளுக்காக ஆத்ம சாந்தி வேண்டி 2 நிமிடம் மௌன அஞ்சலி செலுத்தப்பட்டது
பின்னர் பௌத்த, இந்து, இஸ்லாமிய, கிறிஸ்தவ மத தலைவர்களின் ஆத்ம சாந்தி நினைவு உரைகளும், அனர்த்த முகாமைத்துவப் பிரிவின் உதவிப்பணிப்பாளரது விளக்கவுரையும் நடைபெற்றன. சிறப்புரையினை அரசாங்க அதிபர் நிகழ்த்தினார்.
இதன் போது, தேசிய பாதுகாப்பு தினத்தின் முக்கியத்துவம், சுனாமி பேரலையின் தாக்கம், அவ்வேளையிலான பாதுகாப்பு, முன்னேற்பாடுகள், மக்களிடம் ஏற்பட வெண்டிய அனர்த்தகால விழிப்புணர்வுகள் குறித்துக் கருத்துக்களைப் பகிர்ந்து கொண்டார். அத்துடன், சுனாமி அழிப்பேரலை ஏற்பட்டு 20 ஆண்டுகள் கடந்து விட்டநிலையில் அவ் அனர்த்தில் இலங்கையில் பலியான 35ஆயிரத்துக்கும் மேற்பட்ட உறவுகளின் ஆத்ம சாந்திக்கு அனைவரும் பிரார்த்திக்கும் படியும் கேட்டுக் கொண்டார்.
இன்றைய தேசிய பாதுகாப்பு தின நிகழ்வில், உதவி மாவட்ட செயலாளர், மாவட்ட திட்டமிடல் பணிப்பாளர், பதவிநிலை உத்தியோகத்தர்கள், மாவட்ட செயலக உத்தியோகத்தர்கள், மாவட்ட அனர்த்த முகாமைத்துவ அலுவலகத்தின் ஊழியர்கள் என பலரும் கலந்து கொண்டிருந்தனர்.

Details: 25views

"ஓரங்கட்டப்படும் சிறார்களின் உரிமைக்காய் எங்கள் குரல்" எனும் தனிப் பொருளில் பல ஆண்டு காலமாக பிறப்புச் சான்றிதழ் இல்லாத சிறுவர்கள் மற்றும் பெரியோருக்கான பிறப்புச் சான்றிதழ் பெற்றுக் கொடுக்கும் நிகழ்வு விழுதுகள் நிறுவனத்தின் அனுசரணையில் இன்று(19) காலை 9.30 மணி அளவில் மன்னார் மாவட்ட அரசாங்க அதிபர் திரு க.கனகேஸ்வரன் அவர்களின் தலைமையில் மாவட்ட செயலகத்தில் நடைபெற்றது.

mobile1 mobile2

mobile3 mobile4

mobile5 mobile6

Details: 21views

இலங்கையின் 34 வது தேசிய மத்தியஸ்த தின நிகழ்வானது மன்னார் மாவட்டச் செயலாளரின் தலைமையில் மாவட்ட மத்தியஸ்த பயிற்சி அதிகாரியும் இணைந்து 2024.12.12 ஆம் திகதி மன்னார் மாவட்டச் செயலகத்தில் வெகு விமரிசையாக கொண்டாடப்பட்டது.

இந் நிகழ்வுக்கு மன்னார் மாவட்ட மேலதிக மாவட்டச் செயலாளர், பிரதேச செயலாளர்கள், உதவிப் பிரதேச செயலாளர்கள், அபிவிருத்தி உத்தியோகத்தர்கள், மத்தியஸ்த சபையினுடைய தவிசாளர்கள் உப தவிசாளர்கள், மத்தியஸ்தர்கள், மற்றும் மாவட்டச் செயலக உத்தியோகத்தர்கள் எனப் பல்வேறு தரப்பினரும் பங்குபற்றியமை குறிப்பிடத்தக்கது.

Details: 15views

மன்னார் மாவட்ட செயலகத்தில் 2024ம் ஆண்டுக்கான ஒளி விழா இன்று (18) சிறப்புற இடம்பெற்றது.

இந்நிகழ்வு மாவட்ட அரசாங்க அதிபர் திரு க.கனகேஸ்வரன் அவர்களின் தலைமையில் நடைபெற்றதுடன் மாவட்ட அருட்தந்தையர், மேலதிக அரசாங்க அதிபர்கள் உட்பட
ஏனைய பதவிநிலை உத்தியோகத்தர்கள், மாவட்ட செயலக உத்தியோகத்தர்கள் இந்நிகழ்வில் கலந்து சிறப்பித்திருந்தனர்.

குறித்த விழா நிகழ்வில் கரோல் கீதம் இசைக்கப்பட்டு கலை நிகழ்வுகளும் பரிசளிப்பு நிகழ்வும் இடம்பெற்றன.

Details: 29views

வடக்கு மாகாண விளையாட்டு திணைக்களத்தின் மாகாண குறித்தொதுக்கப்பட்ட நிதியிலிருந்து (PSDG) கொள்வனவு செய்யப்பட்ட விளையாட்டு உபகரணங்கள் தெரிவுசெய்யப்பட்ட விளையாட்டு கழகங்களுக்கு மதிப்பிற்குரிய அரசாங்க அதிபர் திரு.க.கனகேஸ்வரன் அவர்களினால் வழங்கிவைக்கப்பட்டது. இந்நிகழ்வில் வட மாகாண விளையாட்டுத் தினைக்கள அலுவலர்கள் மற்றும் விளையாட்டு அலுவலர்கள் கலந்துகொண்டிருந்தனர்.

sports1 sports2

sports3 sports4

Details: 28views

வடமாகாண கல்வி, பண்பாட்டலுவல்கள், விளையாட்டுத்துறை மற்றும் இளைஞர் விவகார அமைச்சின் பண்பாட்டலுவல்கள் அலகு ஏற்பாடு செய்த மாகாண பண்பாட்டுப் பெருவிழா 17.12.2024 அன்று செவ்வாய்க்கிழமை காலை 8.30 மணியளவில் மன்னார் நகரசபை மண்டபத்தில் சிறப்பாக நடைபெற்றது. வடக்கு மாகாண கல்வி அமைச்சின் செயலாளர் ம.பற்றிக் டிரஞ்சன் தலைமையில் நடைபெற்ற இந்நிகழ்வில், பிரதம விருந்தினராக வடமாகாண ஆளுநர் நா.வேதநாயகன், சிறப்பு விருந்தினராக மன்னார் மாவட்ட அரசாங்க அதிபர் க.கனகேஸ்வரன் மற்றும் திணைக்கள தலைவர்கள், பிரதேச செயலாளர்கள் உள்ளிட்டோர் கலந்து கொண்டனர்.

மன்னார் பிரதான பாலத்தில் இருந்து பண்பாட்டு ஊர்திகள் மற்றும் கலை ஆற்றுகைகள் பண்பாட்டு பவனியாக நகரசபை மண்டபம் நோக்கி வருகை தந்ததுடன், விருந்தினர்களால் பாரம்பரிய பொருட்கள் கண்காட்சி தொடங்கி வைக்கப்பட்டு பார்வையிடப்பட்டது. அதன் பின்னர், கலைத் தவசி கலைஞர் (குழந்தை) செ.செபமாலை அரங்கில் தமிழ்த்தாய்க்கு வடமாகாண ஆளுநர் நா.வேதநாயகன் மலர் மாலை அணிவித்து பெருவிழாவை தொடங்கி வைத்தார்.

பெருவிழாவில் தமிழ் தாய் வாழ்த்து, மங்கள இசை, வரவேற்பு நடனம், இசை நிகழ்வு, கண்டிய நடனம், றபான் நடனம், உழவர் நடனம், வாழ் நடனம் உள்ளிட்ட கலை நிகழ்வுகள் இடம் பெற்றன. மேலும், "வடந்தை-2024" எனும் நூல் வைபவ ரீதியாக வெளியிடப்பட்டது. அதன் தொடர்ச்சியாக கலைக்குரிசில் விருது, 2023 ஆம் ஆண்டிற்கான வடக்கு மாகாண சிறந்த நூலுக்கான பரிசு மற்றும் இளங்கலைஞர் விருது உள்ளிட்டவை வழங்கப்பட்டன.

இந்த மாகாண பண்பாட்டுப் பெருவிழா மன்னாரின் பண்பாட்டு சிறப்பை வெளிப்படுத்திய நிகழ்வாக அமைந்தது.

cultural1 cultural2

cultural3 cultural4

cultural5 cultural6

cultural7 cultural8

cultural9 cultural10

cultural11

Details: 22views

08.12.2024 அன்று மன்னார் மாவட்ட த்திலுள்ள மன்னார் நகரம்,மாந்தை மேற்கு , நானாட்டான்,மடு ஆகிய பிரதேச செயலகப் பிரிவுகளிலிருந்து தெரிவு செய்யபட்ட 23 முதியோர் பயனாளிகளுக்கு பிரதேச செயலாளர்களின் வழிகாட்டுதலில் முதியோர்களுக்கான தேசிய செயலகத்தினால் வழங்கி வைக்கப்பட்ட செவிப்பறை உபகரணங்களை மாவட்டச் செயலாளர் அவர்களின் பங்குபற்றலில் உரிய முதியோர்களுக்கு வழங்கி வைக்கப்பட்டது.

IR6 IR7

IR8 IR9

Details: 13views

அண்மையில் பெய்த கடும் மழை காரணமாக ஏற்பட்ட வெள்ள அனர்த்தத்தினால் பாதிக்கப்பட்ட மக்களுக்குத் தேவையான நிவாரணங்களை பாராளுமன்ற உறுப்பினர் கௌரவ காதர் மஸ்தான் அவர்களின் ஏற்பாட்டில் மன்னார் மாவட்டத்தில் தெரிவு செய்யப்பட்ட 1655 பயனாளிகளில் முதற்கட்டமாக மன்னார் நகரப் பகுதிக்கு உட்பட்ட துள்ளுக்குடியிருப்பு கிராம சேவையாளர் பிரிவில் உள்ள 8 கிராமங்களை சேர்ந்த 461 பயனாளிகளுக்கும் மாந்தை மேற்கு பிரதேசச் செயலகப் பிரிவிற்குட்பட்ட பாலியாறு கிராம சேவையாளர் பிரிவில் உள்ள மூன்றாம்பிட்டி கிராமத்தைச் சேர்ந்த 255 பயனாளிகளுக்குமாக மொத்தம் 716 பயனாளிகளுக்கு இந்தியா அரசினால் முதற்கட்டமாக வழங்கி வைக்கப்பட்டது.

குறித்த நிகழ்வில் கௌரவ பாராளுன்ற உறுப்பினர் காதர் மஸ்தான் , யாழ் இந்திய துணைத் தூதர் ஸ்ரீ சாய் முரளி உட்பட யாழ் இந்திய துணை தூதரக அதிகாரி மற்றும் மன்னார் மாவட்ட மேலதிக அரசாங்க அதிபர் உட்பட குறித்த பகுதி கிராம சேவையாளர்கள் ஆகியோர் கலந்து கொண்டனர்.

Details: 22views

முள்ளந்தண்டு பாதிக்கப்பட்ட மாற்றுத் திறனாளிகளுக்காக அரச சார்பற்ற நிறுவனம் ஒன்றினால் தலா இரண்டரை லட்சம் ரூபாய் கொடுப்பனவாக மன்னார் மாவட்ட அரசாங்க அதிபர் திரு க.கனகேஸ்வரன் அவர்களினால் இன்று(4) மாவட்ட செயலகத்தில் வைத்து கையளிக்கப்பட்டது.

SE10 SE11

SE12 SE14

SE15 SE16

Details: 19views

நெஸ்ட்லே லங்கா நிறுவனத்தினால் மன்னார் மாவட்டத்தில் வெள்ளத்தினால் பாதிக்கப்பட்ட மக்களுக்காக சுமார் 33 லட்சம் ரூபாய் பெருமதியான மெகி மற்றும் பால்மா பொருட்கள் மன்னார் மாவட்ட அனர்த்த முகாமைத்துவ பிரிவின் ஊடாக மன்னார் மாவட்ட அரசாங்க அதிபர் திரு க.கனகேஸ்வரன் அவர்களினால் மக்களுக்காக கையளிக்கப்பட்டது.

SE7 SE8

SE9

Details: 16views

பன்முகப்படுத்தப்பட்ட நிதியிலிருந்து முன்னாள் பாராளுமன்ற உறுப்பினர் திரு. வினோ அவர்களுக்காக ஒதுக்கப்பட்ட சுமார் 2.5 மில்லியன் ரூபா பெறுமதியான விளையாட்டு உபகரணங்கள் இன்று(4) மாவட்ட செயலகத்தில் வைத்து மன்னார் மாவட்ட அரசாங்க அதிபர் க.கனகேஸ்வரன் அவர்களினால் விளையாட்டு கழகங்களுக்கு கையளிக்கப்பட்டது.

குறித்த நிகழ்வில் மேலதிக அரசாங்க அதிபர்கள் உட்பட மாவட்ட செயலக பதவி நிலை உத்தியோகத்தர்கள் மற்றும் விளையாட்டு உத்தியோகத்தர்கள் அனைவரும் கலந்து கொண்டனர்.

Details: 22views

அஸ்வெசும திட்டத்திற்கு புதிதாக விண்ணப்பங்களை சமர்ப்பிப்பதற்கும், ஏற்கனவே விண்ணப்பித்து கிடைக்காத பயனாளிகள் மேல்முறையீடு செய்வதற்கும் மற்றும் ஒரு சந்தர்ப்பம் வழங்கப்பட்டுள்ளது

1. முதலாம் கட்டமாக எண்ணீடுகளில் பதிவு செய்யப்பட்டு QR இனைப் பெற்றுக்கொண்ட போதும் கொடுப்பனவுகளினை பெற்றுக்கோள்ளாத பயனாளிகள் தங்களது மேன்முறையீடுகளினை 2024.12.15 ஆம் திகதி வரை பதிவுகளை மேற்கொள்ளவும்.

2. புதிதாக விண்ணப்பிக்கின்ற பயனாளிகள் தங்களது மேன்முறையீடுகளை 2024.12.09 ஆம் திகதி வரை பதிவுசெய்து கொள்ள முடியும்.
 

Details: 20views

மன்னார் மாவட்டத்தில் கடந்த சில நாட்களாக ஏற்பட்டுள்ள சீரற்ற காலநிலை தொடர்பாக ஆராய்வதற்கான விசேட ஒருங்கிணைப்பு குழு கூட்டம் இடம்பெற்றுள்ளது.

குறித்த கூட்டமானது 28.11.2024 அன்று காலை கூட்டுறவு பிரதி அமைச்சர் உபாலி சமரசிங்க தலைமையில் மன்னார் மாவட்டச் செயலகத்தில் இடம் பெற்றது.

இதன்போது, மாவட்டத்தின் ஐந்து பிரதேச செயலாளர் பிரிவுகளிலும் ஏற்பட்டுள்ள சீரற்ற காலநிலை பாதிப்புக்கள் தொடர்பாகவும், பாதிக்கப்பட்ட பகுதிகளில் முன்னெடுக்கப்பட வேண்டிய மேலதிக நடவடிக்கைகள் தொடர்பாகவும் கலந்துரையாடப்பட்டது.

குறித்த கூட்டத்தில் நாடாளுமன்ற உறுப்பினர்களான ரிசாட் பதியூதீன், காதர்மஸ்தான், செல்வம் அடைக்கலநாதன், ம.ஜெகதீஸ்வரன், து.ரவிகரன், செ.திலகநாதன், ப.சத்தியலிங்கம் மற்றும் அரசாங்க அதிபர் க.கனகேஸ்வரன், பிரதேச செயலாளர்கள், அனர்த்த முகாமைத்துவ அதிகாரிகள், வலயக் கல்விப்பணிப்பாளர்கள், பொலிஸார், இராணுவத் தரப்பு உட்பட பலர் கலந்து கொண்டிருந்தமை குறிப்பிடத்தக்கது.

Details: 19views

மன்னார் மாவட்டத்தில் தற்போது பெய்து வரும் தொடர் மழை காரணமாக பல பகுதிகள் வெள்ளத்தில் மூழ்கியுள்ளது.எனவே வெள்ளநீரை வெளியேற்ற நடவடிக்கை எடுக்கப்பட்டுள்ளதுடன் பாதிக்கப்பட்டவர்களினை பாதுகாப்பு மையங்ளில் வைத்து சமைத்த உணவும் வழங்கப்பட்டு வருகின்றது இதுவரை 3 நிலையங்களில் 107 குடும்பங்களினை சேர்ந்த 351பேர் தங்க வைக்கப்பட்டுள்ளனர். எனவே அனர்த்தம் சம்பந்தமாக உடனடியாக மாவட்ட செயலக அனத்த முகாமைத்துவ பிரிவு 0232117117 , பிரதேச செயலகம் அல்லது கிராம அலுவலகத்திற்கு தெரியப்படுத்துமாறு அன்பாக கேட்டுக் கொள்கிறோம்.

468033070 983214960511600 7565237090083151146 n 468039258 983215003844929 4160197535499757135 n

468306700 983214923844937 8390492590984647596 n 468146780 983215640511532 8077725047864413336 n

Details: 14views

மன்னார் மாவட்டத்தில் தற்போது பெய்து வரும் தொடர் மழை காரணமாக பல பகுதிகள் வெள்ளத்தில் மூழ்கியுள்ளதாக அறிவிக்கப்பட்டுள்ளது. எனவே அனர்த்தம் சம்பந்தமாக உடனடியாக மாவட்ட செயலக அனத்த முகாமைத்துவ பிரிவு 0232117117 , பிரதேச செயலகம் அல்லது கிராம அலுவலகத்திற்கு தெரியப்படுத்துமாறு அன்பாக கேட்டுக் கொள்கிறோம் கீழுள்ள புகைப்படம் எமில்நகர்,தாழ்வுப்பாடு மழைநிலமை.

467963298 982991350533961 4736183881765894594 n 467963332 982991550533941 7428536762274738910 n

468043751 982991423867287 2879290981553113412 n 468144932 982991277200635 2769019481229029040 n

Details: 24views

Mannar District Chess Association நடாத்திய junior National Chess Championship ன் பரிசளிப்பு நிகழ்வின் பிரதம விருந்தினராக எமது மாவட்ட செயலாளர் கலந்துகொண்டார்.

465893406 973898864776543 2804790523288384600 n

Details: 19views

மன்னார் மாவட்டத்தில் முதல்முறையாக Wushu விளையாட்டு அறிமுகமும் மூன்று நாள் பயிற்சி முகாமும் 08.11.2024 தொடக்கம் 10.11.2024 ம் திகதிவரை மன்னாரில் நடைபெற்றது. இதில் மாவட்டதிதின் அனைத்து பிரதேசங்களிலிருந்தும் 50 வீர வீராங்கனைகள் கலந்துகொண்டனர்.
இந்நிகழ்வானது அரசாங்க அதிபரின் வழிப்படுத்தலோடு மாகாண விளைய்ட்டு திணைக்களத்தின் நிதிபங்களிப்புடன் நடைபெற்றது.

WUSHU1 WUSHU2

Details: 16views

எதிர்வரும் டிசம்பர் மாதம் 5 ஆம் திகதி நடைபெறவிருக்கும் மாகாண கலாச்சார விழாவிற்கான முன்னாயத்த குழு கூட்டம் இன்று அரசாங்க அதிபர் க. கனகேஸ்வரன் அவர்களின் ஏற்பாட்டில் வடக்கு மாகாண கல்வி பண்பாட்டலுவல்கள், விளையாட்டுத்துறை மற்றும் இளைஞர் விவகார அமைச்சின் செயலாளர் ம.பற்றிக் டிறஞ்சன் அவர்களின் தலைமையில் மன்னார் மாவட்ட செயலக நெய்தல் மாநாட்டு மண்டபத்தில் இடம்பெற்றது.

குறித்த நிகழ்வில் பல்வேறு விடயங்கள் தொடர்பாக கலந்துரையாடப்பட்டு தீர்மானங்கள் மேற்கொள்ளப்பட்டது மேலும் இந்நிகழ்வில் மேலதிக அரசாங்க அதிபர், பிரதம உள்ளக கணக்காய்வாளர், பிரதேச செயலாளர்கள், மாகாண, மாவட்ட கலாச்சார உத்தியோகத்தர்கள், ஏனைய துறைசார் அரசாங்க உத்தியோகத்தர்கள் பலர் இந்நிகழ்வில் கலந்து கொண்டார்.

Details: 14views

மன்னார் மாவட்டத்தில் 2024 மற்றும் 2025 ஆம் ஆண்டிற்கான பெரும் போக பயிர்ச்செய்கைக்கான முதலாவது நீர் வினியோகமானது திங்கட்கிழமை(28)காலை 10.30 மணியளவில் வைபவ ரீதியாக ஆரம்பித்து வைக்கப்பட்டது.

பெரும் போகத்திற்கு 31 ஆயிரத்து 339 ஏக்கர் நிலப்பரப்பில் பயிர்ச்செய்கை மேற்கொள்ளப்பட உள்ள நிலையில் முதலாவது நீர் விநியோகம் ஆரம்பித்து வைக்கப்பட்டது.

வட மாகாணத்தில் 2 வது பெரிய குளமான முருகன் கட்டுக்கரை குளம் பெரிய உடைப்பு துருசு பகுதியில் இடம்பெற்ற நிகழ்வில் சர்வ மத தலைவர்களின் ஆசியுடன் நீர் திறந்து விடப்பட்டுள்ளது.

இதன் போது மன்னார் மாவட்ட அரசாங்க அதிபர் க.கனகேஸ்வரன் தலைமையில் நீர்ப்பாசன பணிப்பாளர் , முருங்கன் கட்டுக்கரை குளம் நீர்ப்பாசன பொறியியலாளர் , அரசாங்க திணைக்கள அதிகாரிகள் வாய்க்கால் அமைப்பு பிரதிநிதிகள் விவசாயிகள் ஆகியோர் கலந்து கொண்டிருந்தனர்.

-தற்போது கட்டுக்கரை குளத்தில் 8.3 அடி நீர் காணப்படுகிறது.மேலும் கட்டுக்கரை குளத்திற்கு நீர்வரத்து காணப்படுகின்றது.

இந்த நிலையில் கடந்த 18ஆம் திகதி மாவட்ட அரசாங்க அதிபர் தலைமையில் இடம்பெற்ற கூட்டத்தில் எடுக்கப்பட்ட தீர்மானத்திற்கு அமைய முதலாவது நீர் வினியோகமானது அன்று (28) இடம் பெற்றுள்ளது.

Details: 25views

மன்னார் மாவட்டத்தின் மிகவும் சிறப்பாக நடைபெற்ற கலாச்சார விழா
=====================================

மன்னார் மாவட்ட அரசாங்க அதிபர் க. கனகேஸ்வரன் அவர்களின் தலைமையில் (2024-10-29) காலை 10 மணி அளவில் மன்னார் நகர சபை மண்டபத்தில் கலாச்சார விழா நடைபெற்றது. வட மாகாண பண்பாட்டலுவல்கள் திணைக்களம் மற்றும் கலாசார அலுவல்கள் திணைக்களத்தின் அனுசரணையுடன், மன்னார் மாவட்டச் செயலகமும், கலாசார பேரவையும் இணைந்து இந்நிகழ்வை ஏற்பாடு செய்திருந்தனர். குறித்த நிகழ்வில் பிரதம விருந்தினராக மன்னார் மாவட்ட முன்னாள் அரசாங்க அதிபர் திருமதி ஏ.ஸ்ரான்லி டி மேல், சிறப்பு விருந்தினர்களாக மன்னார் பிரதேசச் செயலாளர் எம்.பிரதீப்,மாந்தை மேற்கு பிரதேச செயலாளர் டி.சி.அரவிந்தராஜ்,நானாட்டான் பிரதேசச் செயலாளர் கே.சிவசம்பு,வடமாகாண பண்பாட்டலுவல்கள் திணைக்கள பிரதி பணிப்பாளர் திருமதி லாகினி நிருபராஜ் மற்றும் கௌரவ விருந்தினர்களாக ஆங்கிலத்துறை பேராசிரியர் ஜெயசீலன் ஞானராஜ், பொருளியல் பேராசிரியர் நேவில் மொறாயஸ்,தாவரவியல் பேராசிரியர் சந்திரகாந்தா மகேந்திர நாதன் ஆகியோர் கலந்துகொண்டனர்.

விருந்தினர்களுக்கு மன்னர் மாவட்ட செயலக வளாகத் மாலை அணிவிக்கப்பட்டு நகர சபைக்கு அழைத்துச்செல்லப்பட்டனர். இ‌ந் நிகழ்வில் அனைத்து மத தலைவர்களும் மாவட்டத்தை சேர்ந்த கலைஞர்களும் கலந்து கொண்டனர்.

அதனை தொடர்ந்து களிகம்பு, கூத்து வழி நடனம், கிராமிய நடனம், வில்லுப்பாட்டு, நடனம், நாட்டுக்கூத்து உள்ளிட்ட நிகழ்வுகள் பிரதேசச் செயலாளர் பிரிவுகள் ஊடாக அரங்கேற்றப்பட்டது. இதில் மன்னார் மாவட்ட முன்னால் அரசாங்க அதிபர் கௌரவிக்கப்பட்டதுடன் 5 பிரதேச சபைகளையும் சேர்ந்த கலைஞர்களும் கௌரவிக்கப்பட்டனர்.

குறித்த நிகழ்வின் சிறப்பம்சமாக மன்னார் மாவட்டத்தைச் சேர்ந்த ஆங்கிலத்துறை பேராசிரியர் ஜெயசீலன் ஞானராஜ்,பொருளியல் பேராசிரியர் நேவில் மொறாயஸ்,தாவரவியல் பேராசிரியர் சந்திரகாந்தா மகேந்திர நாதன் ஆகிய பேராசிரியர்கள் மன்னார் மாவட்ட அரசாங்க அதிபர் க.கனகேஸ்வரன் அவர்களினால் நினைவுச் சின்னங்கள் வழங்கி கௌரவிக்கப்பட்டமையும் குறிப்பிடத்தக்கது.
 
 

Details: 17views

மன்னார் பிரதான பாலத்திற்கு அருகாமையில் இராணுவ சோதனைச்சாவடியாக இருந்த பகுதியில் மிக பிரம்மாண்டமாக உருவாக இருக்கின்ற அழகிய கடற்கரை பூங்கா அமைப்பதற்கான அங்குரார்ப்பண நிகழ்வு காலை 9.30 மணியளவில் மாவட்டச் செயலாளர் திரு க. கனகேஸ்வரன் அவர்களின் பங்குபற்றலுடன் சிறப்பாக இடம் பெற்றது.

sea01 sea03

sea04 sea02

sea04 sea06

Details: 37views

மன்னார் கட்டுக்கரை குளத்தின் கீழ் வருகின்ற வயல் நிலங்களுக்கான பெரும்போக பயிர்ச்செய்கைக்கான 2024-2025 கூட்டம் இன்றைய தினம் வெள்ளிக்கிழமை(2024-10-18) உயிலங்குளத்தில் இடம் பெற்றது.

மன்னார் மாவட்ட அரசாங்க அதிபர் க.கனகேஸ்வரன் தலைமையில் இடம்பெற்ற குறித்த கலந்துரையாடலில்,பிரதேச செயலாளர்கள்,அழைக்கப்பட்ட திணைக்கள தலைவர்களும் கலந்து கொண்டனர்.

இதன் போது விவசாய குழு,அதனுடன் இணைந்த 30 விவசாய அமைப்புகள் அழைக்கப்பட்டு,குறித்த கூட்டம் இடம் பெற்றது.

இதன் போது விவசாயத்துடன் தொடர்புடைய திணைக்கள அதிகாரிகளும் கலந்து கொண்டனர். இதன் போது முன்வைக்கப்பட்ட தீர்மானங்களுக்கு அமைவாக பயிர்ச் செய்கைக்கு உத்தேசிக்கப்பட்ட நிலப்பரப்பாக இவ்வருடம் 31 ஆயிரத்து 339 ஏக்கர் நிலம் இம்முறை பெரும்போக நெற்செய்கை காக பயன்படுத்தப்பட உள்ளது.

அதற்கு அமைவாக இவ்வருட பெரும்போக விவசாய தயார் படுத்தலுக்காக எதிர்வரும் 27ஆம் திகதி (27-10-2024) முதலாவது நீர் விநியோகம் செய்யப்பட உள்ளது.விதைப்பு இறுதித் திகதியாக 4-11-2024 திகதிக்கு அறிவிக்கப்பட்டுள்ளது.41/2 மாத நெற்களுக்கு விதைப்பினை 7-11-2024 திகதிக்கு முன்பாகவும், 3 தொடக்கம் 3 1/2 மாத நெல்லினங்கள் 26-11-2024 க்கு முன்பாகவும் 2 1/2 மாத நெல்லினத்தை விதைக்க விரும்புபவர்கள் 26-11-2024 க்கு முன்பாகவும் விதைப்பை மேற்கொள்ளுமாறு அறிவுறுத்தல் வழங்கப்பட்டுள்ளது.

மேலும் 27-11-2024 தொடக்கம் கட்டுக்கரை குளத்தின் கீழ் விவசாயம் செய்வோர் தேவைப்படுகிறவர்களுக்கு நீர் விநியோகம் செய்ய தீர்மானிக்கப்பட்டுள்ளது.அதே போன்று அறுவடை ஆரம்பிக்கப் படுகின்ற திகதியாக 11-03-2025 ஆண்டு ஆரம்பிக்கப்பட வேண்டும் என்கிற தீர்மானமும் எடுக்கப்பட்டுள்ளது.

பெரும்போக நெற் செய்கையை கருத்தில் கொண்டு கால் நடைகளை கட்டுப்படுத்தவும் தீர்மானிக்கப்பட்டுள்ளது.அதற்கு அமைவாக எதிர்வரும் 20 ஆம் திகதி (20-10-2024) தொடக்கம் 22-04-2025 வரையான காலப்பகுதிக்குள் பெரும்போக பயிர்ச்செய்கை மேற்கொள்ளப்படும் பகுதிக்குள் கால்நடைகளை விட வேண்டாம் என்று கால்நடை உரிமையாளர்களுக்கு அறிவுறுத்தல் வழங்கப்பட்டுள்ளது.

மேலும் பெரும்போக செய்கைக்கு ஒதுக்கப்பட்ட இடங்களை மீறி அத்துமீறி நீர்ப்பாசன குளங்களுக்கு சொந்தமான குளக்காணிகளில் அத்து மீறி விவசாய நடவடிக்கைகளை மேற்கொள்பவர்களுக்கு எதிராக கடந்த முறை அமுல் படுத்தப்பட்ட நடவடிக்கைகளுக்கு அமைய சட்ட நடவடிக்கைகள் எடுக்கப்படும்.

எனவே எடுக்கப்பட்ட தீர்மானங்களுக்கு அமைவாக கட்டுக்கரை குளத்தின் கீழ் உள்ள விவசாயிகள் தமது பெரும்போக நெற் செய்கையினை முன்னெடுக்குமாறு இதன்போது கோரிக்கை முன்வைக்கப்பட்டது.
 

Details: 26views

மன்னார் மாவட்ட அனர்த்த முகாமைத்துவ குழு கூட்டம் வெள்ளிக்கிழமை(2024-10-18) மாலை மாவட்ட அரசாங்க அதிபர் க.கனகேஸ்வரன் தலைமையில் இடம்பெற்றது.

குறித்த கலந்துரையாடலில் மன்னார் மாவட்ட அனைத்து முகாமைத்துவ உதவிப் பணிப்பாளர் கே. திலீபன் மற்றும் முப்படையினர், திணைக்கள தலைவர்கள் உத்தியோகத்தர்கள் கலந்து கொண்டிருந்தனர்.

மன்னார் மாவட்டத்தில் ஏற்பட உள்ள வட கீழ் பருவப் பெயர்ச்சி காலத்தில் ஏற்பட உள்ள அனர்த்தங்களை குறைப்பது தொடர்பாகவும் அதனை எவ்வாறு கட்டுப்படுத்துவது?அனர்த்தம் ஏற்பட்டால் எவ்வாறு தடுப்பது என்பது குறித்து கலந்துரையாடும் அவசர முன்னாயத்த கலந்துரையாடல் இடம்பெற்றது.

இதன் போது மன்னார் மாவட்டம் ஏனைய மாவட்டங்களுடன் ஒப்பிடுகின்ற போது இயற்கை அனர்த்தங்களின் போது பாதிப்புக்கு உள்ளாகும் ஓர் பகுதியாக காணப்படுகின்றமை யின் காரணமாக அதை எவ்வாறு எதிர்கொள்வது என்பது குறித்து கலந்துரையாடப்பட்டு தீர்மானங்கள் எடுக்கப்பட்டது.

மத்தி க்குச் சொந்தமான நீர்ப்பாசன திணைக்களம், பிரதான குளங்களில் நீர் அதிகமாக பெருக்கெடுக்கும் போது ஏற்படுகின்ற ஆபத்துக்களை குறைப்பது சம்மந்தமாகவும்,மாகாண சபைக்கு சொந்தமான நீர்ப்பாசன குளம்,ஆறுகளில் திடீரென ஏற்படுகின்ற வெள்ள நிலையை எவ்வாறு கட்டுப்படுத்துவது என்பது தொடர்பாகவும்,மன்னார் மாவட்டத்தில் 165 க்கும் மேற்பட்ட குளங்கள் கமநல அபிவிருத்தி திணைக்களங்களுக்குள் காணப்படுகின்றது.

அந்த குளங்களில் ஏற்படுகின்ற வெள்ள நிலமையை கட்டுப்படுத்துவது தொடர்பாகவும் குறித்த கலந்துரையாடலில் தீர்மானங்கள் எடுக்கப்பட்டது.

மேலும் மன்னார் மாவட்டத்தில் வெள்ள நிலைமையின் போது மக்கள் இடம் பெயர்ந்து தற்காலிக முகாம்களில் தங்குவதற்கு 30 க்கும் மேற்பட்ட தற்காலிக பாதுகாப்பு நிலையங்கள் அமைக்கப்பட உள்ளது.

அவ்வாறான பாதுகாப்பு நிலையங்களில் முன்னெடுக்கப்பட வேண்டிய ஏற்பாடுகள்,கலந்துரையாடப்பட்டது.

இதை விட மன்னார் மாவட்டத்தில் மன்னார் நகர பிரதேச செயலாளர் பிரிவில் வெள்ள நிலைமை ஏற்படுகின்ற போது அதை கடலுக்கு வெளியேற்று கின்ற சந்தர்ப்பங்களில் எதிர் நோக்குகின்ற பிரச்சினைகள் தொடர்பாகவும் கலந்துரையாடப்பட்டது.

இதன் போது மன்னார் நகரில் வெள்ளை நீரை கடலுக்குள் செலுத்துவது தொடர்பாகவும் தீர்மானங்கள் எடுக்கப்பட்டது.

Details: 20views

மன்னார் மாவட்டத்தில் சகல துறைகளிலும் சாதனை படைத்த மாணவர்களையும்,ஊக்குவித்த ஆசிரியர்களையும் கௌரவிக்கும் 'வர்ண இரவு' நிகழ்வு நேற்று புதன்கிழமை(09) மாலை மன்னார் நகரசபை மண்டபத்தில் இடம்பெற்றது.

-மன்னார் மாவட்டச் செயலகத்தின் ஏற்பாட்டில்,மேலதிக மாவட்ட செயலாளர் வை.பரந்தாமன் தலைமையில் குறித்த கௌரவிப்பு நிகழ்வுகள் இடம் பெற்றது.

குறித்த நிகழ்வில் பிரதம விருந்தினராக மன்னார் மாவட்ட அரசாங்க அதிபர் க.கனகேஸ்வரன் கலந்து கொண்டார்.

கௌரவ விருந்தினர்களாக பிரதேச செயலாளர்கள்,வலயக்கல்வி பணிப்பாளர்கள், திணைக்கள தலைவர்கள் ஆகியோர் கலந்துகொண்டனர்.

மன்னார் மாவட்டச் செயலகத்திற்கு முன் விருந்தினர்கள் மற்றும் சகல துறைகளிலும் சாதனை நிலைநாட்டிய மன்னார் மற்றும் மடு கல்வி வலயத்தை சேர்ந்த மாணவர்களும் வாத்திய இசையுடன் மன்னார் நகர மண்டபம் வரை அழைத்து வரப்பட்டனர்.

-பின்னர் மன்னார் மற்றும் மடு கல்வி வலயங்களில் உள்ள பாடசாலைகளில் கல்வி கற்று சகல துறைகளிலும் சாதனையை நிலை நாட்டிய மாணவர்கள் விருந்தினர்களினால் கௌரவிக்கப் பட்ட தோடு,அவர்களுக்கு சான்றிதழ் மற்றும் பரிசுகளும் வழங்கி கௌரவிக்கப்பட்டனர்.

குறித்த நிகழ்வில் மாணவர்கள்,பெற்றோர்,ஆசிரியர்கள் என பல நூற்றுக்கணக்கானவர்கள் இந் நிகழ்வில் கலந்து கொண்டமை குறிப்பிடத்தக்கது.

Details: 25views

முன்பள்ளி ஆசிரியர்களுக்கான நிரந்தர நியமனம்: வருத்தம் வெளியிட்ட அரச அதிபர் கனகேஸ்வரன்

நீண்டகாலமாகப் போராடியும் முன்பள்ளி ஆசிரியர்களுக்கான அங்கீகாரம் வழங்கப்படாமை வருந்தத்தக்க விடயமென மன்னார் அரச அதிபர் கனகேஸ்வரன் தெரிவித்துள்ளார்.

மன்னார் நகர மண்டபத்தில் (2024-10-06) நடைபெற்ற முன்பள்ளி ஆசிரியர்களின் சர்வதேச ஆசிரியர் தின கொண்டாட்ட நிகழ்வில் கலந்து கொண்டு உரையாற்றும் போதே அவர் இதனைத் தெரிவித்தார்.

இங்கு மேலும் கருத்து தெரிவிக்கையில்,

“சிறுகுழந்தைகளைக் கையாள்வது என்பது மிகவும் கடினமான ஒன்று. முன்பள்ளி ஆசிரியர்கள் குழந்தைகளை மிகவும் கவனமாகப் பராமரித்து கல்வி புகட்டுபவர்கள். அவ்வாறான மகத்துவமான வேலையைச் செய்கின்ற அவர்கள் போற்றப்பட வேண்டியவர்கள். ஆனால் மிக நீண்டகாலமாக நிரந்தர நியமனத்துக்காகப் போராடியும் அவர்களுக்கான அங்கீகாரம் கிடைக்கவில்லை. அவர்கள் கஷ்டப்பட்டு வேலை செய்கின்ற போதிலும் மிகக்குறைவான ஊதியத்தையே பெற்றுக் கொள்கிறார்கள்.

நீண்டகாலமாக ஆசிரிய சேவையாற்றி இறுதிவரை அங்கீகாரம் கிடைக்காமலே பல முன்பள்ளி ஆசிரியர்கள் ஓய்வு பெற்றுள்ளார்கள். எனவே இந்த நிலை மாறவேண்டும். எத்தனை உயர்கல்வி கற்று வந்தாலும் சிறு வயதில் கற்பித்த ஆரம்பப் பள்ளி ஆசிரியர்களை யாரும் இலகுவில் மறப்பதில்லை
அவ்வாறான ஆசிரியர்களுக்கு அங்கீகாரம் கிடைக்க நாமும் ஒத்துழைப்பு நல்க வேண்டும். இந்தப் புதிய அரசாங்கம் இதனைக் கருத்தில் கொள்ள வேண்டும்” என மன்னார் அரச அதிபர் கனகேஸ்வரன் தெரிவித்தார்.

குறித்த நிகழ்வில் பிரதம அதிதியாக மன்னார் மாவட்ட அரசாங்க அதிபர் க.கனகேஸ்வரன் கலந்து கொண்டதோடு, பிரதேச செயலாளர் முன்னாள் உதவிக் கல்விப் பணிப்பாளர்கள், கல்வி அபிவிருத்தி குழுக்கள், ஆசிரியர் ஆலோசகர்கள், மன்னார் மாவட்ட மாதர் சங்கத்தின் தலைவி, அரசு சார்பற்ற நிறுவனங்களின் பிரதிநிதிகள், நகர சபை செயலாளர், மதத் தலைவர்கள் மற்றும் இருநூறுக்கும் மேற்பட்ட முன்பள்ளி ஆசிரியர்கள் கலந்து கொண்டிருந்தனர்.

இதன்போது, முன்பள்ளி ஆசிரியர்கள் கலை நிகழ்வுகளைத் தயாரித்து வழங்கியதோடு, பிரதம அதிதிகள், முன்பள்ளி ஆசிரியர்கள், நீண்டகால சேவையாற்றிய முன்பள்ளி ஆசிரியர்கள் சின்னங்கள் வழங்கிக் கௌரவிக்கப்பட்டனர்.
 
 

Details: 16views

மன்னார் தள்ளாடி 54 ஆவது படைப் பிரிவின் 14 வது ஆண்டு நிறைவை முன்னிட்டு மக்களிடையே நல்லிணக்கத்தை மேம்படுத்தும் நோக்கில் முப்படையினர் இணைந்து ஏற்பாடு செய்த நிகழ்வுகளின் இறுதி நிகழ்வுகள் 07.09.2024 அன்று சனிக்கிழமை மதியம் மன்னார் பொது விளையாட்டு மைதானத்தில் இடம்பெற்றது.

மன்னார் தள்ளாடி இராணுவத்தின் 54 வது காலாட்படை பிரிவின் தளபதி மேஜர். R.P.A ராஜபக்‌ஷவின் வழிகாட்டுதலில், சிவில் சமூகத் தொடர்பு அதிகாரி மேஜர் ஆ.ஏ. பெர்னாண்டோவின் ஏற்பாட்டிலும் குறித்த நிகழ்வுகள் இடம் பெற்றது.

மன்னார் 54 வது காலாட்படை பிரிவினரின் ஏற்பாட்டில் 07.09.2024 அன்று காலை 9.00 மணியளவில் மன்னார் நகர பொது விளையாட்டரங்கில் மாபெரும் கிரிக்கெட் போட்டி இடம்பெற்றது.மேலும் மன்னார் மற்றும் மடு கல்வி வலயத்திற்குட்பட்ட 15 பாடசாலைகளுக்கிடையே நடாத்தப்பட்ட பாண்ட் இசை வாத்திய போட்டியில் வெற்றி பெற்று முதல் 3 இடங்களை பெற்றுக்கொண்ட பாடசாலைகள் தெரிவு செய்யப்பட்டன.

07.09.2024 அன்று சனிக்கிழமை மதியம் பரிசளிப்பு நிகழ்வு இடம்பெற்றது.இதன்போது பாண்ட் இசை வாத்திய போட்டியில் வெற்றி பெற்ற பாடசாலை மாணவர்களுக்கும் ,கிரிக்கட்ட சுற்றில் வெற்றி பெற்றவர்களுக்கும் வெற்றிக் கேடயம் மற்றும் சான்றிதழ்கள் வழங்கி வைக்கப்பட்டது.

மேலும் தெரிவு செய்யப்பட்ட கல்வியில் முதல் நிலை வகிக்கும் 60 மாணவர்களுக்கு புத்தகப்பை அடங்கலாக கற்றல் உபகரணப் பொதிகள் வழங்கி வைக்கப்பட்டதோடு, மாவட்ட ரீதியாக தெரிவு செய்யப்பட்ட 60 வறிய குடும்பங்களுக்கு உலருணவுப் பொதிகளும் வழங்கி வைக்கப்பட்டது.

நிகழ்வில் பிரதம விருந்தினர்களாக இராணுவத்தின் வன்னி பிராந்திய கட்டளையிடும் தளபதி மேஜர் ஜெனரல் . J.P.C பீரிஸ் , மன்னார் ஆயர். இம்மானுவல் பெர்னாண்டோ ஆண்டகை, மாவட்டச் செயலாளர். க. கனகேஸ்வரன் ஆகியோர் பங்கேற்றனர். சிறப்பு விருந்தினர்களாக பொலிஸ் அத்தியட்சகர் வை. சந்திரபால மற்றும் முப்படை அதிகாரிகள், மதத்தலைவர்கள் பொதுமக்கள் என பலரும் கலந்து கொண்டிருந்தனர்.

Details: 14views

இலங்கை அரச மருந்துக் கூட்டுத்தாபனத்தின் மன்னார் மாவட்டத்திற்கான கிளையை ஸ்தாபிப்பதற்கான முதல் கட்ட நடவடிக்கை 06.09.2024 வெள்ளிக்கிழமை அன்று முன்னெடுக்கப்பட்டுள்ளது.

மன்னார் மாவட்டத்தில் உள்ள தனியார் மருந்தகங்களில் மருந்துகள் அதிக விலையில் விற்பனை செய்யப்பட்டு வருகின்றமை தொடர்பில் மக்களால் முன்வைக்கப்பட்ட கோரிக்கைக்கு அமைவாக அரச மருந்து கூட்டுதாபனத்தின் கிளையை மன்னாரில் ஆரம்பிப்பதற்கான காணி இன்றைய தினம் (6) அடையாளப்படுத்தப்பட்டுள்ளது ,

மன்னார் நகர பகுதியில் பொதுமக்கள் மிக குறைந்த விலையில் மருந்துகளை பெற்று கொள்ளும் வகையில் மாவட்ட செயலக வளாகத்தில் குறித்த கிளை ஆரம்பிக்கப்படவுள்ளது.

குறித்த காணியை அளவிட்டு அடையாளப்படுத்தும் முகமாக 'ஒசுசல அதிகாரிகள் மற்றும் மன்னார் மாவட்ட அரசாங்க அதிபர் க.கனகேஸ்வரன் , மன்னார் பிரதேச செயலாளர் எம்.பிரதீப், மன்னார் வைத்தியசாலை பணிப்பாளர் அசாத் எம்.ஹனிபா, மன்னார் நகர சபை செயலாளர் எக்ஸ்.எல்.பிரிட்டோ உள்ளிட்ட குழுவினர் கலந்து கொண்டு காணி அடையாளப்படுத்தல் நடவடிக்கையில் ஈடுபட்டனர்.
 
 

Details: 15views

"எமது காலம்" எனும் எட்டு நாட்கள் நடைபெற இருக்கும் அருங்காட்சியகத்தின் முதல் நாளானது 04.09.2024 அன்று காலை 10 மணியளவில் மன்னார் மாவட்ட நகர சபை மண்டபத்தில் நடைபெற்றது. இந்நிகழ்வில் வட மாகாண பிரதம செயலாளர், மன்னார் மாவட்ட செயலாளர், முன்னாள் அரசாங்க அதிபர், அரச நிறுவன உத்தியோகத்தர்கள், அரச சார்பற்ற நிறுவன உத்தியோகத்தர்கள், பொதுமக்கள் என்போர் கலந்து கொண்டனர்.

exe1 exe2

exe3 exe4

exe5 exe6

exe7 exe8

Details: 16views

மன்னார் மாவட்டத்தில் தற்போது ஏற்பட்டுள்ள அசாதாரண காலநிலை மற்றும் மக்கள் வேறு இடங்களுக்கு சென்று வருகின்ற மையினால் கடந்த காலங்களை விட இம்முறை மன்னார் மாவட்டத்தில் டெங்கு பரவல் அதிகரித்த நிலையில் காணப்படுவதாகவும், மாவட்டத்தில் டெங்கு நுளம்பின் தாக்கத்தை கட்டுப்படுத்த துரித நடவடிக்கைகள் முன்னெடுக்கப்பட்டு வருவதாகவும் மன்னார் மாவட்ட அரசாங்க அதிபர் க.கனகேஸ்வரன் தெரிவித்தார்.

மன்னார் மாவட்டத்தில் டெங்கு நோயின் தாக்கம் அதிகரித்து வருகிற நிலையில் அவற்றை கட்டுப்படுத்துவது தொடர்பான அவசர கலந்துரையாடல் வெள்ளிக்கிழமை 23.08.2024 காலை மன்னார் மாவட்டச் செயலகத்தில் இடம்பெற்றது.

இதன் போது கலந்துகொண்டு கருத்து தெரிவிக்கையிலேயே அவர் இவ்வாறு தெரிவித்தார்.

அவர் மேலும் தெரிவிக்கையில்,

மன்னார் நகரம்,நானாட்டான் பிரதேச செயலாளர் பிரிவில் உள்ள சில கிராமங்களில் டெங்கு நோய் பரவல் அதிகரித்துக் காணப்படுகின்றது.

இந்த நிலையில் மன்னார் மாவட்டச் செயலகத்தில் திணைக்கள தலைவர்களை ஒன்றிணைத்து மாவட்ட டெங்கு கட்டுப்பாட்டு குழு கூட்டம் வெள்ளிக்கிழமை 23.08.2024 காலை முன்னெடுக்கப்பட்டது.

இதன் போது பல்வேறு விடையங்கள் குறித்து ஆராயப்பட்டது.மன்னார் மாவட்டத்தில் டெங்கு நோயை கட்டுப்படுத்துவது தொடர்பாக சில தீர்மானங்கள் எடுக்கப்பட்டுள்ளது.

கலந்துரையாடலுக்கு அமைவாக மக்களினால் வீடுகளில் வளர்க்க படுகின்ற அலங்கார பூ தாவரங்களில் நீர் காணப்படுவதனால் அவற்றில் அதிக அளவில் டெங்கு நுளம்பின் குடம்பிகள் காணப்படுகின்றமை அவதானிக்கப் பட்டுள்ளதாக தெரிவிக்கப்படுகின்றது.

அதற்கு அமைவாக நீர் நிற்கக்கூடிய அலங்கார பூ தாவரங்களை நீக்கி ஏனைய மாற்றீடான அலங்கார தாவரங்களை வளர்ப்பதற்கான அறிவுறுத்தல்கள் வழங்கப்பட்டுள்ளது.

மேலும் மன்னார் நகரம் நானாட்டான் பிரதேச செயலாளர் பிரிவுகளில் டெங்கு நுளம்பின் பரவல் அடையாளம் காணப்பட்டுள்ள இடங்களில் வீடு வீடாகச் சென்று டெங்கு பரிசோதனைகளை முன்னெடுத்து துரித நடவடிக்கைகளை மேற்கொள்ள தீர்மானிக்கப்பட்டுள்ளது.

தற்போது பாடசாலை விடுமுறை காலம் என்பதால் எதிர்வரும் வாரம் பாடசாலைகள் மீண்டும் ஆரம்பிக்கப்படவுள்ள நிலையில்,அனைத்து பாடசாலைகளிலும் டெங்கு நுளம்பு சிரமதான பணிகளை முன்னெடுத்து,நீர் தேங்கி நிற்கின்ற இடங்களைத் தவிர்த்து மாணவர்கள் எவ்வித அச்சமும் இன்றி கல்வியை தொடர உரிய நடவடிக்கைகளை மேற்கொள்ள வலயக்கல்வி பணிமனை ஊடாக உரிய அதிகாரிகளுக்கு கோரிக்கை விடுக்கப்பட்டுள்ளது.

மேலும் கிராம மட்டத்தில் இருக்கும் சுகாதார மேம்பாட்டுக் குழு ஊடாக கிராமங்களில் டெங்கு நுளம்பின் பரவல் காணப்படும் இடங்கள் அடையாளம் காணப்பட்டு,அதனை கட்டுப்படுத்த நடவடிக்கை எடுக்கப்பட்டுள்ளது.

மேலும் ஒவ்வொரு திணக்களங்களிலும் டெங்கு தொடர்பில் உத்தியோகத்தர்கள் நியமிக்கப்பட்டு, அவர்கள் ஊடாக விடையங்கள் அலுவலகங்களில் டெங்கு நுளம்பின் பரவலை கட்டுப்படுத்த நடவடிக்கை எடுக்கப்படும் .என அவர் மேலும் தெரிவித்தார்.

குறித்த கலந்துரையாடலில் பிரதேசச் செயலாளர்கள், சுகாதார வைத்திய அதிகாரிகள்,வைத்தியர்கள்,பொது சுகாதார பரிசோதர்கள்,பொலிஸார்,கடற்படை,மற்றும் அழைக்கப்பட்ட திணைக்கள தலைவர்களும் கலந்து கொண்டிருந்தமை குறிப்பிடத்தக்கது.

Details: 21views

மடு பிரதேசச் செயலகம் ஒழுங்கு செய்த வருடாந்த கலை பண்பாட்டுப் பெருவிழா 22.08.2024 வியாழக்கிழமை மடு பிரதேச செயலக மாநாட்டு மண்டபத்தில் மிகவும் சிறப்புற நடைபெற்றது.
மடு பிரதேசச் செயலாளர் கீ பீட் நிஜாகரன் தலைமையில் மடு பிரதேசச் செயலக மாநாட்டு மண்டபத்தில் நடைபெற்ற இந்த நிகழ்வில் மன்னார் மாவட்ட செயலாளர் க.கனகேஸ்வரன் பிரதம விருந்தினராகவும் வடக்கு மாகாண பண்பாட்டு அலுவல்கள் திணைக்களப் பணிப்பாளர் திருமதி லாகினி நிருபராஷ் சிறப்பு விருந்தினராகவும் மடு வலயக் கல்விப்பணிப்பாளர் திருமதி வொலன்ரைன் கௌரவ விருந்தினராகவும் கலந்து சிறப்பித்தனர்.
காலை 9.15 மணியளவில் விருந்தினர்கள் குடை கொடி ஆலவட்டம், கோலாட்டம், கும்மி, நடனம், பூரண கும்பம் தாங்கிய மகளிர் மற்றும் தமிழ் வளர்த்த சான்றோர்களின் வேடப்புனைவாளர்கள் சகிதம் சம்பிரதாய பூர்வமாக வரவேற்கப்பட்டனர்.
தொடர்ந்து அரங்க நிகழ்வுகள் மடு பிரதேசச் செயலாளர் தலைமையில்
அமரர் செல்லன் மாதவன் அரங்கில் கலைநிகழ்ச்சிகள் நடைபெற்றன. வரவேற்புரையை உதவி பிரதேச செயலாளர் செல்வி ஜம்யுதா பூவிலிங்கம் நிகழ்த்தினார்.
மூன்று கலைஞர்கள் நிகழ்வில் விருது வழங்கி கௌரவிக்கப்பட்டனர்.
பிரதம விருந்தினராக கலந்து கொண்ட மன்னார் மாவட்ட செயலாளர் க.கனகேஸ்வரன் அவர்கள் தமது உரையில் கலை நிகழ்வுகளின் சிறப்பு பற்றியும் அழைப்பிதழில் குறிப்பிட்டவாறு நேர முகாமைத்துவம் கடைப்பிடிக்கப்பட்டமை தொடர்பிலும் பாராட்டி உரையாற்றினார்.
கலைஞர்கள்,
பாடசாலை அதிபர்கள், ஆசிரியர்கள் கலைமன்ற உறுப்பினர்கள், மாணவர்கள் என பலர் இந்த நிகழ்வில் கலந்து கொண்டனர்.

நீண்ட கால இடைவெளிக்குப் பின்னர் இவ்வாறான சிறப்பானதும் ஒழுங்கமைக்கப்பட்டதுமான விழா ஒன்றை மடு பிரதேசத்தில் காணமுடிந்ததாக பலரும் கருத்து வெளியிட்டனர்.

Details: 19views

கட்டுக்கரை குளத்திற்கு கீழ் அமைந்துள்ள 162 குளங்கள் தொடர்பாக விவசாய அமைப்புகள், வாய்க்கால் அமைப்புகள், வாய்க்கால் சம்மேளனம் போன்றவற்றின் பதிவு நிதி, நிர்வாகம் மற்றும் ஏனைய நிர்வாகம் தொடர்பாக உள்ள சிறிய பிணக்குகளை தீர்ப்பது தொடர்பான விசேட கலந்துரையாடல் மன்னார் மாவட்ட அரசாங்க அதிபர் க.கணகேஸ்வரன் அவர்களின் தலைமையில் 2024.08.21 அன்று மன்னார் மாவட்ட செயலகத்தில் இடம்பெற்றது.

இந்நிகழ்வில் நீர்ப்பாசன அமைப்பின் மேலதிக செயலாளர், மேலதிக அரசாங்க அதிபர், திட்டமிடல் பணிப்பாளர் மற்றும் மாவட்ட செயலக அதிகாரிகள் கலந்து கொண்டனர்.

Details: 12views

இலங்கை ஜனநாயக சோசலிச குடியரசின் 15 வது குடிசேன வீட்டு வசதிகள் தொகை மதிப்பு-2024 இன் மூன்றாம் கட்டமாகிய மாவட்ட மட்ட பதவி நிலை உத்தியோகத்தர்களுக்கான விழிப்புணர்வு செயலமர்வு 20.08.2024 திகதி மன்னார் ஜூலி மண்டபத்தில் மன்னார் மாவட்ட புள்ளிவிபரவியலாளர் திரு S.B.மதுரநாயகம் அவர்களின் ஏற்பாட்டில் மாவட்ட செயலாளரின் தலைமையில் மாவட்ட மட்ட பதவி நிலை அலுவலர்களின் பங்கு பற்றுகளுடன் நடைபெற்றது.

stat1 stat2

stat3 stat4

Details: 24views

இலங்கை சமூகப் பாதுகாப்புச் சபையின் விருது வழங்கும் விழாவானது 15.08.2024 அன்று வவுனியா நோர்த்வே ஹோட்டலில் சிறப்பாக நடைபெற்றது.

இலங்கை சமூகப் பாதுகாப்புச் சபையின் ஓய்வூதியத் திட்டத்தில் பணம் சேகரிப்புத் திட்டத்தில் சாதனை மட்டத்தினை எய்திய மாவட்ட மற்றும் பிரதேச செயலகங்கள் மதிப்பளிக்கப்பட்டது.

இந் நிகழ்வானது இலங்கை சமூகப் பாதுகாப்புச் சபையின் வடக்கு , கிழக்கு சிரேஷ்ட இணைப்பாளர் திரு பா. பிரதீபன் தலைமையில் நடைபெற்றது.

பிரதம விருந்தினராக இலங்கை சமூகப் பாதுகாப்புச் சபையின் கெளரவத் தலைவர் திரு. பி. எஸ். எஸ். டிக்வெலா அவர்களும், சிறப்பு விருந்தினராக சபையின் பொது முகாமையாளர் திரு. கே. ஏ. எஸ். பி. களுராட்சி அவர்களும், கெளரவ விருந்தினராக சபையின் பிரதிப் பொது முகாமையாளரான திருமதி கல்ஹாரி டி. சில்வா அவர்களும், சிறப்பு அழைப்பாளராக சபையின் மேம்படுத்தல் உத்தியோகத்தர் திரு டி. எல். லக்மல் அவர்களும் பங்குபற்றினார்கள்.

வடக்கு , கிழக்கு மாகாணத்தினைச் சேர்ந்த அரசாங்க அதிபர்கள், மேலதிக அரசாங்க அதிபர்கள், பிரதேச செயலாளர்கள், திட்டமிடல் பணிப்பாளர்கள், சமுர்த்திப் பணிப்பாளர்கள் உட்பட உயர்மட்ட அதிகாரிகள் கலந்துகொண்டார்கள்.

Details: 26views

மன்னார் மாவட்ட அரசாங்க அதிபர் க.கனகேஸ்வரன் அவர்களின் 50 ஆவது ஆண்டு பிறந்த தின விழா இன்று(2024.08.14) மாவட்ட செயலக நலம்புரிச் சங்கத் தலைவர் திரு. செல்வகுமார் அவர்களின் தலைமையில் மன்னார் மாவட்ட செயலகத்தில் வெகு விமர்சையாக கொண்டாடப்பட்டது.

இந்த பொன்விழா நிகழ்வை முன்னிட்டு விவசாயிகளுக்கான காப்புறுதி சான்றிதழ் வழங்கி வைக்கப்பட்டதோடு ஒரு லட்சம் ரூபாய் பெறுமதியான காசோலையும் வழங்கி வைக்கப்பட்டது. மேலும் மாவட்ட செயலக வளாகத்தினுள் மோட்டார் வாகனங்கள் நிறுத்துமிடத்திற்கான அடிக்கல் வைக்கப்பட்டதோடு மரக்கன்றுகளும் நாட்டி வைக்கப்பட்டன.

இந்நிகழ்வில் மாவட்ட செயலக சிரேஷ்ட பதவி நிலை உத்தியோகத்தர்கள், பதவி நிலை உத்தியோகத்தர்கள் மற்றும் மாவட்ட செயலக அனைத்து உத்தியோகத்தர்களும் கலந்து சிறப்பித்தனர்.

மாவட்ட செயலக அனைத்து உத்தியோகத்தர்கள் சார்பாகவும் எங்கள் அரசாங்க அதிபருக்கு பிறந்தநாள் வாழ்த்துக்களை தெரிவித்துக் கொள்கிறோம்.

Details: 7views

மன்னார் மடு திருத்தலத்தின் ஆவணி மாத திருவிழா திருப்பலியில் இம்முறை நாட்டின் பல பாகங்களில் இருந்தும் பல லட்சக்கணக்கான பக்தர்கள் கலந்து கொள்வார்கள் என எதிர் பார்க்கப் பட்டுள்ள நிலையில் முன் ஆயத்த நடவடிக்கைகள் குறித்த விசேட கலந்துரையாடல் வெள்ளிக்கிழமை(9) காலை 11 மணியளவில் மடு திருத்தலத்தில் இடம்பெற்றது.

மன்னார் மருதமடு அன்னையின் ஆவணி மாத திருவிழா கடந்த 6ஆம் திகதி கொடியேற்றத்துடன் ஆரம்பமாகி 15 ஆம் திகதி விசேட திருவிழாவாக இடம்பெற உள்ளது.

இந்த நிலையில் மடு திருத்தலத்தின் ஆவணி மாத திருவிழாவுக்கான ஆயத்த கலந்துரையாடல் மன்னார் மாவட்ட அரசாங்க அதிபர் க.கனகேஸ்வரன் தலைமையில் மன்னார் மறைமாவட்ட ஆயர் இம்மானுவேல் பெர்னாண்டோ ஆண்டகையின் பங்குபற்றுதலுடன் வெள்ளிக்கிழமை(9) காலை மடு திருத்தல மண்டபத்தில் இடம் பெற்றுள்ளது.

வருடா வருடம் மடு அன்னையின் ஆவணித் திருவிழாவில் கலந்து கொள்ள நாட்டின் பல பாகங்களில் இருந்தும் புலம்பெயர் நாடுகளில் இருந்தும் லட்சக்கணக்கான பக்தர்கள் வந்து செல்வது வழமை.

இந்த நிலையில் வருகை தரும் பக்தர்களின் நலனை கருத்தில் கொண்டு முன்னெடுக்கப்பட வேண்டிய சகல விதமான ஏற்பாடுகள் குறித்து அழைக்கப்பட்ட திணைக்களங்களுடன் கலந்துரையாடப்பட்டது.

வருகை தரும் பக்தர்களின் நலனை கருத்தில் கொண்டு சுகாதாரம்,போக்குவரத்து,மருத்துவ வசதிகள் ,நீர் விநியோகம் ,உணவு விநியோகம் உள்ளிட்டவை குறித்து ஆராயப்பட்டது.

மேலும் சட்டம் ஒழுங்கை பின்பற்றும் வகையில் முப்படையினரின் பாதுகாப்பு நடவடிக்கைகள் முன் னெடுக்கப்பட்டது.

எதிர்வரும் 06 ஆம் மருத மடு அன்னையின் ஆவணி மாத திருவிழா கொடியேற்றத்துடன் ஆரம்பமாகி நவநாள் திருப்பலி ஒப்புக் கொடுக்கப்பட்டு,15 ஆம் திகதி திருவிழா திருப்பலி கூட்டுத்திரு பலியாக ஒப்புக் கொடுக்கப்படவுள்ளது.

மன்னார் மாவட்ட அரசாங்க அதிபர் தலைமையில் இடம்பெற்ற குறித்த முன்னாயத்த கலந்துரையாடலில் மன்னார் மறைமாவட்ட ஆயர் இம்மானுவேல் பெர்னாண்டோ ஆண்டகை ,குரு முதல்வர் அருட்தந்தை கிறிஸ்து நாயகம் அடிகளார் ,மடு திருத்தல பரிபாலகர் அருட்தந்தை ஞானப்பிரகாசம் அடிகளார், ராணுவம், காவல்துறையினர் ,கடற்படை அதிகாரிகள்,பிரதேச செயலாளர்கள், வைத்தியர்கள், மற்றும் அழைக்கப்பட்ட திணைக்கள தலைவர்களும் கலந்து கொண்டனர்.

Details: 8views

மன்னார் மாவட்டத்தின் விளையாட்டு துறையின் அபிவிருத்தி செயல்பாடுகளினை முன்னெடுப்பதற்காகவும், எதிர்காலத்தில் விளையாட்டுத்துறையினை மேம்படுத்தி சிறந்த முறையில் நடாத்தி செல்வதற்குமான கலந்துரையாடலானது மாவட்ட செயலாளர் தலைமையில் 2024.08.08 ஆம் திகதி மாவட்ட செயலகத்தின் மருதம் மாநாட்டு மண்டபத்தில் காலை 10 மணி அளவில் இடம்பெற்றது.

குறித்த கலந்துரையாடலில் மாவட்டத்தின் விளையாட்டு துறையின் பிரதிநிதித்துவம் வழங்கும் வகையில் பலரும் கலந்து சிறப்பித்துள்ளனர்.

மேலும் பல்வேறு விளையாட்டுத் துறையினை மேம்படுத்து முகமாக ஒவ்வொரு விளையாட்டுத்துறைக்குமான பொறுப்பான குழு உறுப்பினர்கள் அன்றைய தினம் தெரிவு செய்யப்பட்டமை குறிப்பிடத்தக்கது.

Details: 21views

மன்னார் மாவட்டத்தில் காடழிப்பானது சில இடங்களில் நடைபெற்று வருகின்றது. அண்மையில் ஆத்தி மோட்டை பகுதியில் ஒதுக்கு காட்டினுள் 30 ஏக்கர் நிலம் சட்டவிரோதமான முறையில் துப்பரவாக்கப்பட்டுள்ளது. அதே போன்று கட்டுகரை குளப்பகுதியில் வன ஜீவராசி திணைக்களத்துக்கு சொந்தமான மேய்ச்சல் தரை நிலத்துக்கு என அடையாளம் காணப்பட்ட பகுதியில் சட்டவிரோமான முறையில் துப்பரவாக்கப்பட்டுள்ளது. கிடைக்கப்பெற்ற தகவல்களின் பிரகாரம் சம்பந்தபட்ட திணைக்களங்களின் ஆசிர்வாதத்துடன் இடம் பெறுவதாக தெரிகின்றது. மேற்படி விடயம் தெரிந்தவுடனேயே சம்பந்தபட்ட இரு திணைக்களங்களுக்கும் அறிவிக்கப்பட்ட போதிலும் நடவடிக்கை எடுப்பதாக கூறினார்களே தவிர இதுவரை எந்தவிதமான முன்னேற்றமும் இல்லை. இவ்விடயம் தொடர்பாக மாவட்ட செயலகத்தின் மீது சிலர் குற்றஞ்சாட்டுகின்றனர். எம்மால் இவ்விடயங்கள் தொடர்பாக சம்பந்த பட்ட திணைக்களங்களுக்கு அறிவுறுத்தல் வழங்க முடியுமே தவிர சட்ட நடவடிக்கை எடுக்கும் அதிகாரம் மாவட்ட மற்றும் பிரதேச செயலகங்களுக்கு இல்லை. சட்ட நடவடிக்கை எடுக்கும் அதிகாரத்தினை மாவட்ட மற்றும் பிரதேச செயலகங்களுக்கு வழங்கும் வகையில் சட்ட ஏற்பாடுகளில் திருத்தம் கொண்டு வருமாறு கோரப்படவுள்ளது.

Details: 15views

வரலாற்று நிகழ்வுகளை இலகுவாக அறிந்து கொள்ளும் வகையில் 'எமது காலம்' எனும் கருப்பொருளில் 'பயணிக்கும் வரலாற்று' அருங்காட்சியகம் மன்னாரில் முன்னெடுக்கப்படவுள்ள தோடு, எதிர்கால தலைமுறையினர் தெரிந்து கொள்ள ஆவணப் படுத்தவும் நடவடிக்கை எடுக்கப்பட்டுள்ளது.

குறித்த நடவடிக்கைக்கான செயல்திட்ட நடவடிக்கை கூட்டம் இன்று செவ்வாய்க்கிழமை (30) காலை 10 மணி அளவில் மன்னார் அரசாங்க அதிபர் க. கனகேஸ்வரன் தலைமையில் மன்னார் மாவட்டச் செயலகத்தின் பழைய மாநாட்டு மண்டபத்தில் இடம்பெற்றது.

குறித்த திட்டத்தை நடைமுறைப்படுத்தும் SCOPE அமைப்பின் திட்ட ஆலோசகர் சுஜான் நாணயக்கார , தேசிய பணிப்பாளர் நவாஸ் முகமட்,குறித்த அமைப்பின் வரலாற்று கருத்தாடல் ஆலோசகர் தர்ஷிகா கதிர்வேல்,திட்ட ஒருங்கிணைப்பாளர் முகமட் சுஹைல், திட்ட ஒருங்கிணைப்பாளர் தரிந்த மல்லவராச்சி,திட்ட முகாமையாளர் சௌமியா அமரசிங்க மற்றும் மன்னார் பிரதேச செயலாளர் எம்.பிரதீப் உள்ளடங்களாக அழைக்கப்பட்ட திணைக்கள பிரதி நிதிகள் கலந்து கொண்டிருந்தனர்.

இதற்கான ஏற்பாடு திட்டம் மற்றும் மன்னார் மாவட்டம் தொடர்பான வரலாறு, மற்றும் மன்னார் மாவட்ட எல்லைகள், மன்னார் மாவட்டத்தின் சிறப்பு, சமயம், கலாச்சாரம்,பண்பாடுகள்,கலை, இன்னும் பல்வேறு வரலாற்று சிறப்புகள் தொடர்பான ஆய்வுகள் தரவுகள் மற்றும் பல்வேறு தரப்பினர் களையும் அறிந்து கொள்ளும் ஆலோசனைக் கூட்டத்தில் குறித்த விடயம் தொடர்பான ஆக்கபூர்வமான கருத்தாடல் இடம்பெற்றது.

மன்னார் மாவட்டத்தில் இதுவரை காலமும் வரலாற்று ரீதியான பதிவுகள் அறியப்படாத நிலையில் குறித்த நிகழ்வின் ஊடாக மக்கள் பயன் பெறும் விதத்தில் குறிப்பாக மாணவர்கள் இலகுவாக அறிந்து கொள்ளும் விதத்தில் பயணிக்கும் அருங்காட்சியகம் முன்னெடுக்கும் படி மன்னார் மாவட்டத்தை பிரதிநிதித்துவ படுத்தியவர்கள் வேண்டுகோள் விடுத்திருந்தனர்.

குறிப்பாக வளவாளர்கள் தமிழில் தமது கருத்துக்களை ஆவணப்படுத்தல்களை முன் வைக்கும்படியும் கேட்டுக் கொள்ளப்பட்டது.
மேலும் பயணிக்கும் அருங்காட்சியகம் திட்டத்தினூடாக பல்வேறு நிகழ்வுகளும் முன்னெடுக்கப்பட உள்ளது குறிப்பிடத்தக்கது.

Details: 20views

முசலி, கொண்டச்சி மு.ம.வித்தியாலய மாணவர்கள் எமது மாவட்ட செயலகத்தின் உற்பத்தித்திறன், சுற்றுச்சூழல் மற்றும் நிர்வாக செயற்பாடுகள் பற்றிய அறிவினைப் பெறுவதற்காக 24.07.2024 அன்று மாவட்ட செயலகத்திற்கு வருகை தந்திருந்தனர், முதலில் அரசாங்க அதிபர் அவர்களுடன் கலந்துரையாடியதுடன் அரச அதிபரால் மாணவர்களுக்கான நற்சிந்தனைக் கருத்துக்கள் மற்றும் எதிர்காலத்திற்காக இலச்சியங்களுக்கான தொடர்ந்து விடாமுயற்சியுடன் முன்னேற வேண்டும் என்ற கருத்துக்களை பகிர்ந்து கொண்டார். தொடர்ந்து வருகை தந்திருந்த 48 மாணவர்களும் 4 குழுக்களாக பிரிக்கப்பட்டு மாவட்ட செயலகத்தின் ஒவ்வொரு பிரிவுகளுக்கும் அழைத்துச் செல்லப்பட்டு , அப்பிரிவுகளால் மக்களுக்கு வழங்கப்படும் சேவைகள் பற்றி விளக்கங்கள் குறித்த பிரிவு உத்தியோத்தர்கள், தலைவர்களால் வழங்கப்பட்டது. மாணவர்கள் மிகுந்த ஆர்வத்துடன் கேட்டறிந்து கொண்டனர். குறிப்பாக கழிவுப் பொருட்களால் உருவாக்கப்பட்டிருந்த ஆக்கங்களும் அவை பயன்படுத்தப்பட்ட முறைகள், 5S செயற்பாடுகள் மாணவர்களை மிகவும் கவர்ந்திருந்ததுடன் தமது பாடசாலையிலும் வகுப்பறைகளிலும் அவற்றினை கட்டாயம் செயற்படுத்துவோம் என சகல மாணவர்களும் மகிழ்ச்சியுன் தமது கருத்துக்களை பகிர்ந்து கொண்டனர். இறுதியாக தேனிர் விருந்துடன், குழுப்படம் எடுத்துக்கொண்டு தாம் பெற்ற புதுமையான, சிறந்த அனுபவங்களுடன் பாடசாலைக்கு மீளவும் 12.30 க்கு புறப்பட்டு சென்றனர்.

st visit2 st visit1

st visit3 st visit4

st visit5 st visit6

st visit7

Details: 15views

ஆடிப்பிறப்பில் தமிழர் நாம் கூடிக் கொண்டாடி குதூகலிப்போம் எனும் தொனிப்பொருளில் ஆடிப்பிறப்பு கொண்டாட்டம் வடக்கு மாகாண பண்பாட்டலுவல்கள் திணைக்களத்தின் அனுசரணையிலும் வழிப்படுத்துதலிலும் மற்றும் மன்னார் மாவட்ட செயலகத்தின் ஒழுங்கமைப்பில் மன்னார் மாவட்ட அரசாங்க அதிபர் க.கனகேஸ்வரன் அவர்களின் தலைமையில் 2024.07.19 அன்று 9 மணி அளவில் மன்னார் மாவட்ட செயலகத்தில் ஆரம்பமானது.

நிகழ்வின் ஆரம்பமாக விளக்கேற்றலுடன் நவாலியூர் சோமசுந்தரப் புலவரின் உருவப்படத்திற்கு மாவட்ட அரசாங்க அதிபர் மாலை அணிவித்து மரியாதை செய்தார் அதனை தொடர்ந்து அலுவலர்கள் புலவரின் படத்திற்கு மலர் மரியாதை செய்தனர்.

மேலும் நிகழ்வின் வரவேற்புரை நலன்புரிச் சங்கத் தலைவரும் கணக்காளருமான திரு செல்வகுமார் அவர்களால் நிகழ்த்தப்பட்டது. இதனை தொடர்ந்து விசேட உரை மன்னார் மாவட்ட அரசாங்க அதிபர் க.கனகேஸ்வரன் அவர்களும், சித்தி விநாயகர் இந்து கல்லூரியில் சேர்ந்த ஆசிரியரினால் ஆடி பிறப்பு சம்பந்தமான விசேட உரை , ஆடிப்பிறப்பிற்கு நாளை விடுதலை எனும் பாடல் மாவட்ட செயலக அதிகாரிகளாலும் பாடப்பட்டது.

இந்நிகழ்வில் மாவட்டச் செயலக பதவிநிலை உத்தியோகத்தர்கள், மாவட்ட செயலகத்தின் உத்தியோகத்தர்கள் அனைவரும் கலந்துகொண்டனர்.

அத்துடன் விழாவில் கலந்து கொண்ட அனைவருக்கும் ஆடிக் கூழ் மற்றும் கொழுக்கட்டை என்பன பரிமாறப்பட்டன.

Details: 17views

இலங்கை ஜனநாயக சோசலிச குடியரசின் மாண்புமிகு ஜனாதிபதி ரணில் விக்கிரமசிங்க அவர்களின் எண்ணக்கருவிற்கு ஏற்ப ஜனாதிபதி நிதியத்தினால் நடைமுறைப்படுத்தப்படுகின்ற ஜனாதிபதி கல்விப் புலமைப்பரிசில் வழங்கும் நிகழ்வு மன்னார் மாவட்ட அரசாங்க அதிபர் திரு.க.கனகேஸ்வரன் அவர்களின் தலைமையில் இன்றைய தினம் (17) காலை 9 மணிக்கு மன்னார் நகர சபை மண்டபத்தில் இடம்பெற்றது.

இந் நிகழ்வில் பிரதம விருந்தினராக இராஜாங்க அமைச்சரும் மன்னார் மற்றும் முல்லைத்தீவு மாவட்ட ஒருங்கிணைப்புக்குழுத் தலைவருமான காதர் மஸ்தான் அவர்கள் கலந்து சிறப்பித்திருந்தார்.

இந்நிகழ்வில் இலங்கை ஜனநாயக சோசலிச குடியரசின் மாண்புமிகு ஜனாதிபதி ரணில் விக்கிரமசிங்க அவர்களது விசேட உரையானது காணொளி வாயிலாக காட்சிப்படுத்தப்பட்டிருந்தது.

அதனைத் தொடர்ந்து மன்னார் கல்வி வலயத்தைச் சேர்ந்த 428 மாணவர்ளும், மடு வலயத்தைச் சேர்ந்த 402 மாணவர்களுக்கான புலமைப்பரிசில்கள் வழங்கிவைக்கப்பட்டது.

மேலும் தெரிவு குடும்பங்களில் உயர்தர மாணவர்களுக்கு மாதம் ஒன்றுக்கு 6000 ரூபா வீதமும், தரம் ஒன்றுமுதல் 11 வரையான மாணவர்களுக்கு 3000 ரூபாவும் என 24 மாதங்களுக்கு வழங்கப்படவுள்ளது.

இந் நிகழ்வில் கௌரவ பாராளுமன்ற உறுப்பினர் செல்வம் அடைக்கலநாதன், வடக்குமாகாண ஆளுநரின் செயலாளர், ஜனாதிபதி செயலக உலக உணவு திட்ட ஒத்துழைப்பிற்க்கான கூட்டாண்மை பணிப்பாளர், மேலதிக அரசாங்க அதிபர்(நிர்வாகம்), மாகாண கல்விப்பணிப்பாளர், திட்டமிடல் பணிப்பாளர், பிரதேச செயலாளர்கள், அபிவிருத்தி லொத்தர் சபையின் பிரதி முகாமையாளர்,வலயக்கல்வி பணிப்பாளர்கள்,மாவட்ட செயலக பதவி நிலை உத்தியோகத்தர்கள், மாவட்ட செயலக உத்தியோகத்தர்கள் உள்ளிட்ட பலர் கலந்து கொண்டனர்.

Details: 12views

மன்னார் மாவட்ட செயலாளர் தலைமையில் 10.07.2024 அன்று பி.ப 02.00 மணிக்கு மாவட்ட செயலக கேட்போர் கூடத்தில் நடைபெற்றது.

இக் கலந்துரையாடலில் மாவட்டத்தில் அடையாளபடுத்தபட்ட சிறுவர்கள் மற்றும் பெண்கள் எதிர்நோக்கும் சமுக ,பொருளாதார உளநலம் சார்ந்த பிரச்சினைகள், அபிவிருத்தி செயற்பாடுகள் எதிர்கால செயற்பாடுகளுடன் முன்னோக்கி செல்லுதல் சம்பந்தமாகவும் கலந்துரையாடப்பட்டது.

இதில் பிரதேச செயலாளர்கள் , உதவி பிரதேச செயலாளர்கள் , பல் துறை சார் அரச உயர் அலுவலர்கள் ,அரச சார்பற்ற அலுவலர்களும் பெண்கள் மற்றும் சிறுவர் பிரிவு பொலிஸ் அதிகாரிகள்,
மன்னார் மாவட்ட செயலக மற்றும் பிரதேச செயலக உத்தியோகத்தர்கள் உள்ளிட்ட பலர் கலந்துகொண்டனர்.

Details: 15views

வடக்கு மாகாண மகளிர் விவகார அமைச்சு மற்றும் மன்னார் மாவட்ட செயலகத்தின் ஏற்பாட்டில் மன்னார் மாவட்ட ஊராட்சி முற்றக் கலந்துரையாடல் நிகழ்வானது கிறிசலிஸ் நிறுவனத்தின் அனுசரணையுடன் இன்றைய தினம் (09) காலை 09.00 மணிக்கு மாவட்ட செயலக கேட்போர் கூடத்தில் நடைபெற்றது.

இக் கலந்துரையாடலில் மாவட்டத்தில் அடையாளபடுத்தபட்ட பெண்கள் மற்றும் சிறுவர்கள் எதிர்நோக்கும் சவால்கள் , அதற்கு உள்ளடங்கலான தீர்வுகள் மற்றும் எதிர்கால செயற்பாடுகளுடன் முன்னோக்கி செல்லுதல் சம்பந்தமாகவும் கலந்துரையாடப்பட்டது.

இதில் வடக்கு மாகண மகளிர் விவகார அமைச்சின் செயலாளர் , மன்னார் மாவட்ட அரச அதிபர் , பிரதேச செயலர்கள் , உதவி பிரதேச செயலர்கள் , பல் துறை சார் அரச உயர் அலுவலர்கள் ,கிறிசலிஸ் நிறுவன சிரேஷ்ட திட்ட இணைப்பாளர், பால்நிலை கண்காணிப்பு மற்றும் மேற்பார்வை ஆலோசகர் , மாவட்ட மற்றும் பிரதேச பெண்கள் அபிவிருத்தி உத்தியோகத்தர்கள் , மாவட்ட அரச சார்பற்ற நிறுவனங்களின் இணைப்பாளர் ,மாவட்ட மற்றும் பிரதேச கிராம அபிவிருத்தி உத்தியோகத்தர்கள், பிராந்திய உள்ளூராட்சி திணைக்கள அலுவலர்கள் , பெண்கள் மற்றும் சிறுவர் பிரிவு பொலிஸ் அதிகாரிகள்,மன்னார் மாவட்ட உள்ளூராட்சி மன்ற பெண் உறுப்பினர் ஒன்றியத்தின் உறுப்பினர்கள் , மன்னார் மாவட்ட குடிசார் அமைப்புக்களின் பிரதிநிதிகள் மற்றும் மாவட்ட செயலக உத்தியோகத்தர்கள் உள்ளிட்ட பலர் கலந்துகொண்டனர்.

2024 07 09 at 2 2024 07 09 at 1

2024 07 09 at 3 2024 07 09 at 4

2024 07 09 at 5

Details: 23views

மன்னார் மடுமாதாவின் திருச்சொரூபத்திற்கு மணிமுடி சூடிய நூற்றாண்டு விழாவையொட்டி நினைவு தபால் முத்திரை இன்று திங்கட்கிழமை (2024/07/01) காலை வெளியீடு செய்யப்பட்டது.

மடு அன்னையின் திரு உருவம் பொறிக்கப்பட்ட முத்திரை இவ்வாறு வெளியீடு செய்யப்பட்டது.

மன்னார் மடு அன்னையின் ஆடி மாதம் திருவிழா நாளை(02) கொண்டாடப்படவுள்ளது.

இந்நிலையில் மடு அன்னை அரசியாக முடி சூட்டப் பட்டதன் நூற்றாண்டு விழாவை முன்னிட்டு மடு அன்னையின் திரு உருவம் பொறிக்கப்பட்ட முத்திரை இன்று(01) மடு திருத்தலத்தில் வைத்து வௌியிட்டு வைக்கப்பட்டுள்ளது.

மடு திருத்தலத்தின் பரிபாலகர் அருட்தந்தை எஸ்.அன்ரனி ஞானப்பிரகாசம் அடிகளாரின் ஏற்பாட்டில் இன்று(01) முற்பகல் இந்த நிகழ்வு நடைபெற்றது.

தபால் மா அதிபர் ரூவன் சத்குமாரவினால் விசேட முத்திரை மன்னார் மறைமாவட்ட ஆயர் கலாநிதி இம்மானுவேல் பெர்னாண்டோ ஆண்டகையிடம் வழங்கி வைக்கப்பட்டது.

குறித்த நிகழ்வில் மன்னார் மாவட்ட அரசாங்க அதிபர் க.கனகேஸ்வரன், தபால் திணைக்கள அதிகாரிகள், கிறிஸ்தவ மத அலுவல்கள் திணைக்களத்தின் பணிப்பாளர் சத்துரி பிந்து உள்ளிட்ட பலர் கலந்து கொண்டிருந்தமை குறிப்பிடத்தக்கது.

Details: 19views

அடுத்த ஐந்து வருடங்களில் செயற்படுத்தப்படும் பொருளாதாரக் கொள்கைகளே இலங்கையின் எதிர்காலத்தை தீர்மானிக்கும்

அரசியல் தீர்வுகளைத் தேடும் இந்நாட்டு மக்கள் பொருளாதாரத் தீர்வுகள் குறித்து கவனம் செலுத்தவில்லை – மன்னாரில் இளையோர் மற்றும் வர்த்தகர்களுடனான சந்திப்பில் ஜனாதிபதி.

அடுத்த ஐந்து வருடங்களில் செயற்படுத்தப்படும் பொருளாதாரக் கொள்கைகளே இலங்கையின் எதிர்காலத்தைத் தீர்மானிக்கும் என ஜனாதிபதி ரணில் விக்ரமசிங்க தெரிவித்தார்.

மன்னாரில் நேற்று (16) இடம்பெற்ற இளையோர் மற்றும் வர்த்தகர்களுடனான சந்திப்பிலேயே ஜனாதிபதி ரணில் விக்ரமசிங்க இதனைத் தெரிவித்தார்.

“சுபீட்சமான எதிர்காலத்திற்கான பயணம்” என்ற பெயரில் இளைஞர் அமைப்பு ஏற்பாடு ஏற்பாடு செய்த இந்நிகழ்வு, மன்னார் நகரசபை மண்டபத்தில் நடைபெற்றது. இங்கு, 2023/2024 உயர்தரப் பரீட்சைக்கு தெரிவான மாணவர்களுக்கு ஜனாதிபதியால் சான்றிதழ்களும் பரிசில்களும் வழங்கப்பட்டன. இந்நிகழ்வு வட மாகாண கல்வி அமைச்சினால் ஏற்பாடு செய்யப்பட்டிருந்தது.

இதன்போது இளைஞர் மத்தியில் சென்று அவர்களின் பிரச்சினைகளை கேட்டறிந்த ஜனாதிபதி, அவர்களின் கேள்விகளுக்கும் சாதகமான பதில்களை வழங்கினார்.

கொவிட் – பொருளாதார நெருக்கடியின் காரணமாக 4 வருடங்களாக தொழில்களை வழங்க முடியாமற்போனதோடு, தொழில் கிடைத்த பலரும் அவற்றை இழந்து நிற்கும் நிலைமையும் ஏற்பட்டது. இந்தப் பிரச்சினைக்கு தீர்வு காண வேண்டியுள்ளதாக ஜனாதிபதி தெரிவித்தார்.

அதனால் புதிய பாதையில் சென்று தொழில் வாய்ப்புக்களை உருவாக்க வேண்டுமா, இல்லாவிட்டால் பழைய முறையில் சென்று வீழ்ச்சியடைவதா என்பதைத் தீர்மானிக்க வேண்டும் என ஜனாதிபதி வலியுறுத்தினார்.

அதனையடுத்து மன்னார் மாவட்ட வர்த்தர்களுடன் நேற்று (16) இடம்பெற்ற சந்திப்பில், அரசாங்கம் முன்மொழிந்திருக்கும் வேலைத்திட்டங்களுடன் முன்னோக்கிப் பயணிக்கும் பட்சத்தில், எதிர்காலத்தில் பெருமளவான முதலீட்டாளர்கள் நாட்டுக்கு வருகைத் தருவர் என்றும் ஜனாதிபதி சுட்டிக்காட்டினார்.

காலத்துக்குக் காலம் பொருளாதாரக் கொள்கைகளை மாற்றிக்கொள்ளாமல், சரியான பொருளாதாரக் கொள்கையைத் தொடர்ச்சியாகப் பின்பற்றினால் நாடு முன்னேற்றமடையும் என்றும் ஜனாதிபதி தெரிவித்தார்.

அதற்காகவே பொருளாதார மறுசீரமைப்புச் சட்டமூலத்தைச் சமர்பித்திருப்பதாகத் தெரிவித்த ஜனாதிபதி, அதனை எந்தவொரு அரசாங்கமும் முன்னோக்கிக் கொண்டு செல்ல முடியும் என்றும் கூறினார்.

நீண்டகாலமாக அரசியல் ரீதியான தீர்வைத் தேடும் இந்நாட்டு மக்கள், ஒருபோதும் பொருளாதாரத்தின் பக்கமாக தீர்வைத் தேடவில்லை என்றும், சரியான பொருளாதாரக் கொள்கையின் ஊடாக மாத்திரமே நாட்டைக் கட்டியெழுப்ப முடியும் என்றும் சுட்டிக்காட்டினார்.

சரிவடைந்திருந்த பொருளாதாரத்தை குறுகிய காலத்தில் கட்டியெழுப்ப தன்னால் முடிந்ததெனத் தெரிவித்த ஜனாதிபதி, பொருளாதாரம் வலுவடையும்போது, அதன் பலன்கள் சகல தரப்பினருக்கும் கிடைக்கும் என்றும் குறிப்பிட்டார்.

மேலும் மன்னார் மாவட்டத்தில் மேற்கொள்ளப்படவிருக்கும் பரந்தளவான அபிவிருத்திச் செயற்பாடுகள் குறித்தும் ஜனாதிபதி விளக்கமளித்தார்.

இராஜாங்க அமைச்சர் காதர் மஸ்தான், பாராளுமன்ற உறுப்பினர் செல்வம் அடைக்கலநாதன், வடக்கு மாகாண ஆளுநர். பீ.எஸ்.எம்.சார்ள்ஸ், மாவட்ட அரசாங்க அதிபர் திரு க.கனகேஸ்வரன் உள்ளிட்டவர்களும் அரசியல் பிரதிநிதிகள் பலரும் இந்நிகழ்வில் கலந்துகொண்டிருந்தனர்.

Details: 17views

மடு தேவாலய நுழைவு வீதியின் இரு புறங்களும் விரைவில் அபிவிருத்திச் செய்யப்படும்.

மன்னாருக்கு கிடைக்காமல் போன அபிவிருத்தி விரைவில் கிட்டும்.

மன்னார் வைத்தியாசாலைக்கு மிக விரைவில் CT ஸ்கேன் இயந்திரம் வழங்கப்படும்.

அரசியல் தேவைகளுக்குள் சிக்கிகொள்ளாமல் அனைவரும் ஒன்றுபட்டு நாட்டை முன்னேற்றுவோம்.

மன்னார் மாவட்ட விசேட அபிவிருத்தி குழுக் கூட்டத்தில் ஜனாதிபதி தெரிவிப்பு.

பல வருடங்களுக்கு பின்னர் மன்னார் அபிவிருத்திக்கு அதிகூடிய தொகையை ஒதுக்கியுள்ளமைக்காக ஜனாதிபதிக்கு பாராளுமன்ற உறுப்பினர் ரிஷாட் பதியுதீன் பாராட்டு.

மன்னார் – மடு ​தேவாலயத்திற்கு வருவோர் இடையூறின்றி வழிபாடுகளில் ஈடுபடுவாற்கான வசதிகள் ஏற்படுத்திக் கொடுக்கப்படும் என ஜனாதிபதி ரணில் விக்ரமசிங்க உறுதியளித்தார்.

மடு மற்றும் சிவனொலிபாத மலை போன்ற புனித தளங்களுக்கான நுழைவு வீதிகள் அவற்றை வழிப்பட வருவோருக்காகவே அமைக்கப்பட்டுள்ளதாகவும், அவர்களை கைது செய்து தண்டப்பணம் அறவிடுவது நியாமற்றதெனவும் ஜனாதிபதி சுட்டிக்காட்டினார். மடு தேவாலயத்தில் வழிபாட்டுக்காக வருவோர் கைது செய்யப்படும் பட்சத்தில் உடனடியாக அது குறித்து ஜனாதிபதி அலுவலகத்திற்கு அறிவிக்கும்படியும் ஜனாதிபதி இதன்போது அறிவித்தார்.

மன்னார் மாவட்டச் செலயகத்தில் இன்று (16) நடைபெற்ற விசேட மாவட்ட அபிவிருத்திக் குழு கூட்டத்திலேயே ஜனாதிபதி இதனைத் தெரிவித்தார்.

மடு தேவாலயத்தை வழிபட வருவோருக்காக தேவாலய நுழைவு வீதியின் இரு புறங்களையும் தூய்மைப்படுத்தி அபிவிருத்தி பணிகளை செய்யுமாறு இராணுவத்தினருக்கு அறிவுறுத்தல் வழங்கிய ஜனாதிபதி, அந்த பணிகளுக்காக மன்னார் மறை மாவட்ட ஆயரின் பிரதிநிதி ஒருவர், வனஜீவராசிகள் பாதுகாப்பு திணைக்களத்தினர், வீதி அபிவிருத்தி அதிகார சபையினர் மற்றும் பொலிஸாரை தொடர்பு படுத்திக்கொண்டு செயற்படுமாறும் அறிவுறுத்தினார்.

எதிர்வரும் நாட்களில் நடக்கவிருக்கும் மடு தேவாலயத்தின் உற்சவத்திற்கு முன்னதாக தூய்மைப்படுத்தல் பணிகளை நிறைவு செய்யுமாறும் ஜனாதிபதி பணிப்புரை விடுத்தார்.

மன்னாரின் அபிவிருத்திச் செயற்பாடுகள் குறித்து ஆராய்வதற்கான விசேட மாவட்ட அபிவிருத்திக் குழு கூட்டத்தில், பிரதேச அரசியல் பிரதிநிதிகள், அரசாங்க அதிகாரிகளும் கலந்துகொண்டனர்.

மாவட்ட சுகாதார,கல்வி,நீர்ப்பாசனம் உள்ளிட்ட அனைத்து துறைகளிலும் காணப்படும் பிரச்சினைகள் இதன்போது ஜனாதிபதியிடம் நேரடியாகச் சுட்டிக்காட்டப்பட்டதோடு, அந்த பிரச்சினைகளுக்கான தீர்வுகளையும் ஜனாதிபதி அவ்வப்போதே வலியுறுத்தினார்.

அதேபோல் மன்னார் வைத்தியசாலையில் குறைப்பாடாக காணப்படும் CT ஸ்கேன் இயந்திரத்தை பெற்றுத்தருமாறு வைத்தியசாலை பணிப்பாளர் விடுத்த கோரிக்கை தொடர்பில் கவனமெடுத்து விரைவில் அதனை பெற்றுத்தருவதாகவும் ஜனாதிபதி உறுதியளித்தார்.

மேலும் மன்னார் மாவட்டத்திற்கு கிடைக்காமல் போன் அபிவிருத்தியை மீண்டும் பெற்றுக் கொடுப்பதற்கான வேலைத்திட்டம் இவ்வருடத்திலேயே ஆரம்பிக்கப்படும் என்றும் ஜனாதிபதி உறுதியளித்தார்.

எதிர்வரும் ஐந்து தசாப்தங்களில் ஏற்படப்போகும் காலநிலை மாற்றங்களுக்கான தீர்வுகளை முன்கூட்டியே இலங்கை அறிந்துகொள்ள வேண்டியிருப்பதன் அவசியத்தை வலியுறுத்திய ஜனாதிபதி, அடுத்த ஐம்பது வருட காலத்திற்கு உலர் வலயத்திற்கு மழைவீழ்ச்சி அதிகரிக்கும் அதேநேரம் வெப்ப வலயங்களுக்குள் மழைவீழ்ச்சி பதிவாகாத நிலைமை ஏற்படக்கூடுமென கணிக்கப்பட்டிருப்பதாகவும் தெரிவித்தார்.

அதேபோல், மாற்றம் கண்டுவரும் உலகத்தின் நகர்வுகளுக்கமைய பொருளாதார, சமூக, கல்வி மற்றும் விவசாய துறையாக மாற்றங்களை ஏற்படுத்த வேண்டியதன் அவசியத்தையும் ஜனாதிபதி வலியுறுத்தினார்.

இங்கு மேலும் கருத்து தெரிவித்த ஜனாதிபதி ரணில் விக்ரமசிங்க,

மூன்று தசாப்த கால யுத்தத்திற்கு முகம் கொடுத்த மன்னார் மாவட்டம் இன்று வளர்ச்சி கண்டு வருகிறது. இம் மாவட்டத்தின் விரிவான அபிவிருத்தி மூலம் இலங்கையின் பொருளாதாரத்திற்கு பாரிய பங்களிப்பை வழங்கும். இம்மாவட்டத்தில் சுற்றுலா, மீன்பிடித் தொழில் மற்றும் புதுப்பிக்கத்தக்க வலுசக்தியை பெற்றுகொள்வதற்கான வாய்ப்புக்களும் அதிகம் உள்ளன.

அதேபோல் இப்பகுதிகளில் காற்றாலை மற்றும் சூரிய ஒளி மின் உற்பத்திக்கான சாத்தியக்கூறுகள் மிக அதிகமாகவே உள்ளன. தேவை மிகுதியான வலுசக்தியை இந்தியாவுக்கு விற்பனை செய்வது குறித்து அந்நாட்டு அரசாங்கத்துடன் பேச்சுவார்த்தை நடத்தப்படுகிறது.

வடமாகாணமானது பசுமை சக்தியை பெருமளவில் கொண்டுள்ளது. குளங்கள் மற்றும் காற்றாலைகள் மற்றும் சூரிய சக்தி மூலம் மின் உற்பத்தி செய்யும் நிலையங்களை அமைப்பதன் மூலம் அதிகளவு மின்சாரத்தை உற்பத்தி செய்ய முடியும். அந்த சக்தியை இந்தியாவிற்கும் ஏனைய நாடுகளுக்கும் விற்பனை செய்வதன் மூலம் இலங்கையின் பொருளாதாரத்திற்கு பெரும் பங்களிப்பை பெற்றுக்கொள்ளவும் முடியும். பசுமை வலுசக்தி மற்றும் பச்சை ஹைட்ரஜன் என்பவற்றை கொண்டு பசுமை பொருளாதாரத்தையும் உருவாக்க முடியும்.

மன்னாரில் புதிய நீதிமன்ற கட்டடத் தொகுதியை நிர்மாணிப்பதற்குத் தேவையான நிதி எதிர்காலத்தில் வழங்கப்படும். புத்தளம் – மன்னார் வீதியை திறப்பது குறித்தும் கலந்துரையாடி தீர்மானம் எடுக்க முடியும்.

மன்னார் வைத்தியசாலைக்கு CT ஸ்கேன் இயந்திரம் வழங்குவதற்கும் ஏற்பாடுகள் மேற்கொள்ளப்பட்டு வருகின்றன. நவீன விவசாயத்தை உருவாக்குவதற்கான முறையான திட்டத்தை ஆரம்பித்துள்ளோம். அதற்குத் தேவையான வசதிகளைப் பெற்றுக்கொள்வதற்கு அபிவிருத்திக் குழு கூடி கலந்துரையாடி ஆலோசனைகளை வழங்குமாறு அறிவுறுத்துகிறேன். இந்தப் பிரதேசத்தில் உள்ள குளங்களைப் பாதுகாப்பதற்கும் மல்வத்து ஓயா திட்டத்தில் இருந்து மன்னாருக்கு வரும் நீரைப் பாதுகாப்பதற்கும் முறையான வேலைத்திட்டமொன்று விரைவாக தேவைப்படுகிறது.

அடுத்த ஐந்து தசாப்தங்களுக்குள், உலர் வலய பகுதிகள் மழை அதிகரிக்கும் என்றும், வறண்ட பகுதிகளுக்கு மழை கிடைக்காமல் போகும் என்றும் கணிக்கப்பட்டுள்ளது. அதற்கான தீர்வுகளை இப்போதிருந்தே தேட ஆரம்பிக்க வேண்டும்.

மடு மற்றும் சிவனொலிபாத மலை போன்ற புனித தளங்களின் நுழைவு வீதிகள் அவற்றை வழிப்பட வருவோருக்காகவே அமைக்கப்பட்டுள்ளன. எனவே, அங்கு வரும் யாத்ரீகர்களை கைது செய்து நீதிமன்றத்தில் ஆஜர்படுத்தி முப்பது லட்சம் அபராதம் விதிப்பது நியாயமான செயலாக இருக்காது.

மன்னார் மறை மாவட்ட ஆயரின் பிரதிநிதி ஒருவர், வனஜீவராசிகள் பாதுகாப்பு திணைக்களத்தினர், வீதி அபிவிருத்தி அதிகார சபையினர் மற்றும் பொலிஸாரை தொடர்பு படுத்திக்கொண்டு மடு தேவாலயத்தை வழிபட வருவோருக்கான தேவாலய வீதியின் இரு புறங்களையும் தூய்மைப்படுத்தி அபிவிருத்தி பணிகளை மேற்கொள்ள வேண்டும். எதிர்வரும் மடு தேவாலய உற்சவத்திற்கு முன்னதாக அந்த பணிகள் முன்னெடுக்கப்பட வேண்டும்.

எனவே, மன்னார் மறைமாவட்டம், வன பாதுகாப்பு திணைக்களம், வீதி அபிவிருத்தி அதிகார சபை, இலங்கை பொலிஸ் மற்றும் இராணுவத்தின் பிரதிநிதிகள் இணைந்து இந்த வீதியை சுத்தம் செய்து அபிவிருத்தி செய்ய வேண்டும். இந்த நடவடிக்கைகள் மடு தேவாலயத்தின் வருடாந்த திருவிழாவிற்கு முன்னதாக நிறைவுபெற வேண்டும் என்பதை தெரிவித்துக்கொள்கின்றேன்.

மேலும், மன்னார் நகர நுழைவாயிலில் உள்ள சோதனைச் சாவடியை ஒரேயடியாக அகற்ற முடியாது. பாதுகாப்புப் படையினருடன் கலந்துரையாடி அதற்குரிய நடவடிக்கைகள் எடுக்கப்படும். மன்னார் மாவட்டத்திற்கு தேவையான அபிவிருத்திகளை வழங்குவோம். இந்த ஆண்டு அதற்கான அடிப்படைச் செயற்பாடுகள் ஆரம்பிக்கப்படும்.

மன்னாரைச் சுற்றி முன்னெடுக்கப்படவிருக்கும் விரிவான அபிவிருத்தி தொடர்பில் உங்களை தெரியப்படுத்த வேண்டியிருந்தது. அதனால் எவரிடத்திலும் நீங்கள் சிக்கிக்கொள்ள வேண்டிய அவசியம் இருக்காது. இப்பிரதேசத்தில் விரிவான அபிவிருத்திகளை மேற்கொண்டு நாட்டின் பொருளாதாரத்திற்கு பாரிய பங்களிப்பை வழங்கும் மாவட்டமாக மன்னார் மாவட்டத்தை கட்டியெழுப்புவோம்” எனவும் ஜனாதிபதி தெரிவித்தார்.

பாராளுமன்ற உறுப்பினர் ரிஷாட் பதியூதீன்,

ஜனாதிபதி இன்று மன்னாருக்கு வந்து இங்குள்ள மக்களின் பல பிரச்சினைகளுக்கு தீர்வுகளை வழங்கினார். மன்னார் மாவட்டத்தில் முழுமையான அபிவிருத்தியை ஏற்படுத்துவதற்கு தேவையான திட்டங்களை அவர் வகுத்துள்ளார். அதற்காக மன்னார் மாவட்ட பாராளுமன்ற உறுப்பினர்கள் சார்பாக ஜனாதிபதிக்கு நன்றி தெரிவிகிறேன்.

நல்லாட்சி அரசாங்கத்தின் போது மன்னார் மாவட்டத்தின் அபிவிருத்திக்கு பணம் ஒதுக்கப்பட்டது. ஆனால் வளர்ச்சி பணிகள் செயல்படுத்தப்படாமல் தவிர்க்கப்பட்டது. மேலும், கடந்த 4 ஆண்டுகளாக மாவட்டத்தின் வளர்ச்சிக்கு எந்த வித நிதியும் ஒதுக்கப்படவில்லை. மன்னார் மாவட்டத்தின் அபிவிருத்தியில் விசேட கவனம் செலுத்தி இவ்வருடம் மாவட்டத்தின் அபிவிருத்திக்காக பெருமளவு நிதியை ஒதுக்கியமைக்காகவும் ஜனாதிபதிக்கு நன்றி தெரிவிக்கின்றேன்.” என்று அவர் மேலும் தெரிவித்தார்.

இராஜாங்க அமைச்சர் காதர் மஸ்தான், பாராளுமன்ற உறுப்பினர்களான செல்வம் அடைக்கலநாதன், சாள்ஸ் நிர்மலநாதன், குலசிங்கம் லீதிபன், வடமாகாண ஆளுநர் பி.எஸ்.எம்.சார்ள்ஸ், மாவட்ட அரசாங்க அதிபர் திரு க.கனகேஸ்வரன் மற்றும் மாகாண அரசியல் பிரதிநிதிகள் மற்றும் அரச அதிகாரிகளும் இந்நிகழ்வில் கலந்துகொண்டனர்.

Details: 57views

உறுமய திட்டத்தினால் மக்களின் காணி உரிமையை உறுதிப்படுத்தி, சொத்துப் பெறுமதியையும் உயர்த்த முடிந்துள்ளது – ஜனாதிபதி.
உறுமய திட்டத்தினால் மக்களின் காணி உரிமையை உறுதிப்படுத்தி, சொத்துப் பெறுமதியையும் உயர்த்த முடிந்துள்ளதாக ஜனாதிபதி ரணில் விக்ரமசிங்க தெரிவித்தார்.

கொவிட் தொற்று – பொருளாதார நெருக்கடியினால் சரிவடைந்த சொத்துக்களின் பெறுமதி “உறுமய” திட்டத்தின் ஊடாக வலுவடைந்திருப்பதால், அதனூடாக நாட்டின் பொருளாதாரத்தைப் பலப்படுத்த முடியும் என்றும் ஜனாதிபதி சுட்டிக்காட்டினார்.

“உறுமய” தேசிய வேலைத்திட்டத்தின் கீழ், மன்னார் மாவட்ட மக்களுக்கு காணி உறுதிகளை வழங்கும் நிகழ்வு மன்னார் நகர சபை மண்டபத்தில் இன்று (16) நடைபெற்ற போதே ஜனாதிபதி ரணில் விக்ரமசிங்க இதனைத் தெரிவித்தார்.

இத்திட்டத்தின் கீழ் மன்னார் மாவட்டத்திற்கு 5000 காணி உறுதிகள் வழங்கப்படவுள்ள நிலையில், அவற்றில் 442 உறுதிகள் ஜனாதிபதியினால் வழங்கப்பட்டன.

இங்கு மேலும் உரையாற்றிய ஜனாதிபதி ரணில் விக்ரமசிங்க,

“கடந்த முறை வடக்கிற்கு வந்தபோது மன்னாருக்கு வருமாறு பாராளுமன்ற உறுப்பினர்களால் அழைப்பு விடுக்கப்பட்டது. மாத இறுத்திக்குள் வருவதாக சொன்னேன். இன்று வந்துவிட்டேன். செல்வம் அடைக்கலநாதன் எம்.பி. அபிவிருத்தி தொடர்பில் கூறிய பிரச்சினைகள் தொடர்பில் ஆராய்வோம்.

இங்கு வவுனியா – மன்னார் மக்கள் வந்துள்ளனர். இங்கிருந்து செல்லும்போது காணி உரிமையுடன் செல்வீர்கள். வரும்போது உரிமை இருக்கவில்லை. செல்லும் போது உரிமை இருக்கும். இந்த காணிகளை இனி உங்கள் விருப்பப்படி பயன்படுத்தலாம். வடக்கில் 90 ஆயிரம் உறுதிகள் வழங்க வேண்டியுள்ளது. அவற்றில் 40 ஆயிரம் உறுதிகள் எந்த பிரச்சினைகளும் இல்லாதவையாகும்.

கிராமங்களுக்கே சென்று அதற்குரிய பணிகளை செய்யுமாறு ஆளுநர்களுக்கு அறிவுறுத்தியுள்ளேன். 1935 ஆம் ஆண்டிலிருந்து இன்று வரை பருத்தித்துறையிலிருந்து தேவேந்திர முனை வரையில் காணி அனுமதி பத்திரங்கள் மட்டுமே வழங்கப்பட்டன. அவற்றை எந்த நேரத்திலும் இரத்துச் செய்ய முடியும் என்பதால், காணி உறுதி குறித்து மக்களுக்கு பாதுகாப்பு இருக்கவில்லை. காணியை சுத்தம் செய்து அதற்குள் விளைச்சல் செய்து அபிவிருத்தி செய்த பின்பும் அதற்கான உரிமை மக்களுக்கு கிடைக்கவில்லை.

சிலர் 85 வருடங்களாக இந்நிலையில் இருந்தனர். 20 இலட்சம் பேர் இப்படியாக உரிமை இல்லாமல் இருக்கிறார்கள். அதனை மாற்றியமைக்க வேண்டுமென நான் தீர்மானித்தேன். கொவிட் – பொருளாதார நெருக்கடி காலங்களில் மக்கள் மிகவும் பாதிக்கப்பட்டனர். ஒட்டுமொத்தமாக சொத்துக்களையும் இழந்தனர். சொத்துப் பெறுமதி வீழ்ச்சி கண்டது. நாம் இப்போது வங்குரோத்து நிலையிலிருந்து மீண்டு வரும்போது அதன் நன்மைகளை சாதாரண மக்களுக்குப் பெற்றுக்கொடுக்க எம்மால் முடிந்த முயற்சிகளை முன்னெடுத்து வருகிறோம்.

சாதாரண மக்கள், பொருளாதார நெருக்கடியால், காணிகள், சொத்துகள், செல்வங்களை இழந்தனர். அதனால் காணி அனுமதி பத்திரம் கொண்டவர்களுக்கு காணி உறுதிகளை வழங்க தீர்மானித்தேன். இந்த வேலைத்திட்டத்திற்கு முன்பாக கொவிட் – பொருளாதார நெருக்கடி காரணமாக இழக்கப்பட்டட சொத்துப் பெறுமதி உறுமய திட்டத்தினால் மீண்டும் வலுவடையும்.

ஆசியாவில் எந்தவொரு நாடும் காணி உறுதிகளை மக்களுக்கு வழங்கவில்லை. அதனால் நாம் பெரும் புரட்சி செய்திருக்கிறோம். மேல் மாகாணத்தில் அடுக்குமாடிக் குடியிருப்புக்களில் வசிக்கும் 2 இலட்சத்து 50 ஆயிரம் பேருக்கு வீட்டு உரிமைகளை வழங்கியுள்ளோம். சாதாரண மக்கள் பட்ட கஷ்டங்களுக்கு நியாயம் செய்திருக்கிறோம். காணி உறுதிகளின் பெறுமதிகளை வடக்கு மக்களே அதிகமாக அறிவர். யுத்தத்தில் பாதிக்கப்பட்ட மக்களின் காணிகள் புலிகளால் அபகரிக்கப்பட்டன. இராணுவம் முகாம்களுக்காக கையகப்படுத்தப்பட்டன.

தற்போது மக்களுக்கு காணிகளுக்கான நிரந்த உரிமை கிடைப்பதால் மக்கள் மகிழ்ச்சியாக வாழ கூடிய சூழல் உருவாகும். உங்களுக்கு கிடைத்த காணிகளை விற்றுவிடாமல். அபிவிருத்தி செய்து இதிலிருந்து நல்ல பயன்களைப் பெறுமாறு கூறி வாழ்த்துகிறேன்.” என்று ஜனாதிபதி மேலும் தெரிவித்தார்.

கிராமியப் பொருளாதார இராஜாங்க அமைச்சர் காதர் மஸ்தான்,

“மக்களின் வாழ்வாதார பிரச்சினைகளில் ஒன்றாக கருதப்படும் காணி உறுதி பிரச்சினைக்குத் தீர்வு வழங்க வருகை தந்திருக்கும் ஜனாதிபதிக்கு நன்றி. நிரந்த காணி உறுதிகள் என்பது மக்களுக்கு கனவாகவே இருந்து வந்தது. அதனால் நாட்டில் பல பிரச்சினைகள் ஏற்பட்டன. அதற்கான தீர்வுகளை வழங்க ஆளணியை அதிகரிப்பதற்கான முயற்சிகளையும் ஜனாதிபதி முன்னெடுத்துள்ளார்.

ஜனாதிபதி அனைத்து திட்டங்களையும் தூரநோக்குடன் செய்கிறார். நாட்டின் பொருளாதாரத்தை மீட்டெடுக்க கூடியவராகவும் ஜனாதிபதி ரணில் விக்ரமசிங்க மட்டுமே உள்ளார். வனக் காணிகளாக வர்தமானியில் அறிவிக்கப்பட்ட காணிகளும் மீட்டெடுக்கப்பட்டு, ஜனாதிபதியால் மக்களுக்கு வழங்கப்பட்டிருக்கிறது. அதனால் ஜனாதிபதிக்கு நன்றி தெரிவிக்கிறோம்.

ஜனாதிபதி அரசியல் நோக்கங்களை விட்டுவிட்டு நாட்டு மக்களின் நலனுக்கான செயற்படுகிறார். எனவே ஜனாதிபதிக்கு உரிய விதத்தில் நன்றி கடனை செலுத்த வேண்டியது அவசியமாகும். மீண்டும் அவருக்கு அதிகாரத்தை பெற்றுக்கொடுக்க வேண்டியது அவசியமாகும்.

பாராளுமன்ற உறுப்பினர் குலசிங்கம் திலீபன்,

”நாடு இருள் யுகத்திற்கு சென்றுக்கொண்டிருந்தது. அவ்வாறான நாட்டை மீட்டு தமிழ் மக்களின் காணி மற்றும் ஏனைய பிரச்சினைகள் தொடர்பில் மக்கள் பிரதிநிதிகளுடன் கலந்துரையாடி தீர்வு தரக்கூடிய ஜனாதிபதி ஒருவர் கிடைத்திருக்கிறார்.

இவ்வாறு மக்களின் பிரச்சினைகளுக்கு தீர்வு வழங்க முன்வந்திருக்கும் ஜனாதிபதிக்கு மன்னார் மக்கள் சார்பில் நன்றி தெரிவிக்கிறேன். ஜனாதிபதியின் திட்டங்களை செயற்படுத்த அரசாங்க அதிகாரிகள் உள்ளிட்ட சகல தரப்பினரும் ஒன்றுபட்டுச் செயற்பட வேண்டியது அவசியம்.

வன ஜீவராசிகள் திணைக்களத்தின் கையகப்படுத்தல் தொடர்பில் எவரும் தலையிடாத பிரச்சினைகளில் தலையிட்டு ஜனாதிபதி முழுமையான தீர்வுகளைப் பெற்றுத்தர வேண்டும் என்று கேட்டுக்கொள்கிறோம்.” என்று அவர் மேலும் தெரிவித்தார்.

பாராளுமன்ற உறுப்பினர் செல்வம் அடைக்கலநாதன்,

“மன்னார் மாவட்ட வைத்தியசாலை மிக மோசமாக உள்ளது. எந்தவொரு வளர்ச்சியும் இல்லாமல் இருக்கிறது. அதேபோல் முல்லைத்தீவு மாவட்ட வைத்தியசாலையினையும் அபிவிருத்தி செய்வதற்கான வசதிகளை வழங்குமாறு கேட்டுக்கொள்கிறோம்.

அதேபோல் மன்னார் மாவட்டத்தில் பல காணிகள் வன ஜீவராசிகள் திணைக்களத்தின் அழுத்தங்களை எதிர்கொள்கின்றன. இங்கு வந்திருக்கின்ற ஜனாதிபதிக்கு நன்றி தெரிவிப்பதோடு, இப்பகுதி மக்களின் பிரச்சினைகளுக்குத் தீர்வு வழங்குமாறு கேட்டுக்கொள்கிறோம். மன்னார் மாவட்டத்திற்கு ஒரு கலாச்சார மண்டபத்தை அமைத்துத் தருமாறும் கேட்டுக்கொள்கிறோம்.” என்று அவர் மேலும் தெரிவித்தார்.

வடக்கு மாகாண ஆளுநர் பீ.எஸ்.எம்.சார்ள்ஸ்,

“கடந்த காலங்களில் மன்னார் மாவட்டத்தில் போதிய அபிவிருத்தி ஏற்படுத்தப்படவில்லை என மக்கள் அரசியல் பிரதிநிதிகளை சாடினர். A9 வீதியை அண்மித்திருக்கும் ஏனைய மாவட்டங்களுடன் ஒப்பிடுகையில் மன்னார் – முல்லைத்தீவு மாவட்டங்களுக்கு போதிய அபிவிருத்தி கிட்டவில்லை. அது குறித்து ஆராய்வதற்காக இங்கு வருகை தந்த ஜனாதிபதிக்கு நன்றி.

அதேபோல் வடக்கு மக்களின் பிரச்சினைகள் குறித்து ஆராய தொடர்ச்சியாக ஜனாதிபதி இங்கு வருகின்றமை வடக்கு மக்களுக்கும், அரசாங்க அதிகாரிகளுக்கும் வலுவாக அமைந்திருக்கிறது.

மக்களுக்கு சேவையாற்றுவதே அரச ஊழியர்களின் நோக்கமாகும். அதற்கு அணுகுமுறை அடிப்படையிலான மாற்றம் தேவைப்படுகிறது. அபிவிருத்தியின் பலன்களை இப்பகுதி மக்களுக்குப் பெற்றுக்கொடுக்க நாம் அனைவரும் ஒன்றிணைந்து அர்ப்பணிப்புடன் செயற்பட வேண்டுமென கேட்டுக்கொள்கின்றேன்.” என்று அவர் மேலும் தெரிவித்தார்.

மன்னார், வவவுனியா மாவட்டத்தில் வருகை தந்த மக்கள், மன்னார் மாவட்ட அரசாங்க பிரதிநிதிகள், அரசாங்க அதிகாரிகள் உள்ளிட்ட பலரும் இந்நிகழ்வில் கலந்துகொண்டிருந்தனர்.

Details: 27views

மன்னார் மாவட்ட பாடசாலைகளில் காணப்படுகின்ற ஆசிரியர் வெற்றிடங்கள், தளபாட பற்றாக்குறை, மாணவர்கள் கற்றலுக்கு ஏதுவான கட்டிடங்கள் இல்லாமை போன்ற பல்வேறு தரப்பட்ட பிரச்சனைகள் தொடர்பான கலந்துரையாடல் மன்னார் மாவட்ட அரசாங்க அதிபர் திரு க.கனகேஸ்வரன் அவர்களின் ஒழுங்கமைப்பின் கீழ் கிராமியப் பொருளாதார இராஜாங்க அமைச்சரும் மாவட்ட அபிவிருத்திக் குழுத் தலைவருமான கௌரவ காதர் மஸ்தான் மற்றும் கௌரவ பாராளுமன்ற உறுப்பினர் செல்வம் அடைக்கலநாதன் அவர்களின் முன்னிலையில் 12.06.2024 அன்று மாலை 2 மணி அளவில் மாவட்ட செயலகத்தில் இடம்பெற்றது.

குறித்த நிகழ்வில் வலயக்கல்வி பணிப்பாளர், திட்டமிடல் பணிப்பாளர், பாடசாலை அதிபர்கள், மாவட்ட செயலக உத்தியோகத்தர் என பலர் கலந்து கொண்டனர்.

Details: 24views

மாவட்ட அபிவிருத்தி குழுக் கூட்டம் மன்னார் மாவட்ட அரசாங்க அதிபர் திரு க.கனகேஸ்வரன் அவர்களின் ஒழுங்கமைப்பின் கீழ் கிராமியப் பொருளாதார இராஜாங்க அமைச்சரும் மாவட்ட அபிவிருத்திக் குழுத் தலைவருமான கௌரவ காதர் மஸ்தான் அவர்களின் தலைமையில் பாராளுமன்ற உறுப்பினர்களான கௌரவ குலசிங்கம் திலீபன், சார்ள்ஸ் நிர்மலநாதன், செல்வம் அடைக்கலநாதன் ஆகியோரின் பங்கேற்போடு 12.06.2024 அன்று மன்னார் மாவட்டச் செயலக பிரதான மாநாட்டு மண்டபத்தில் இடம்பெற்றது.

குறித்த அபிவிருத்தி குழுக் கூட்டத்தில் காற்றாலை செயற்றிட்டம், கனிய மணல் அகழ்வு, பூரணப்படுத்தப்படாமல் உள்ள வீதிகள், காணிப் பிரச்சினைக்கான தீர்வினைப் பெற்றுக் கொடுப்பது சம்பந்தமாகவும், வீதி அபிவிருத்தி சம்பந்தமாகவும், போக்குவரத்து, கால்நடைகளுக்கான மேய்ச்சல் தரை, கல்வி, சுகாதாரம், மீன்பிடி, நீர்ப்பாசனம் தொடர்பிலும் இன்றைய தினம் விரிவாக ஆராயப்பட்டு தீர்வுகளும் எட்டப்பட்டன .

மேலும் இக் கலந்துரையாடலில் வட மாகாண அமைச்சுக்களின் செயலாளர்கள், வடமாகாணசபை மற்றும் மன்னார்மாவட்ட திணைக்களத்தலைவர்கள , வடமாகாண அமைச்சு சார்ந்த திணைக்களங்களின் பணிப்பாளர்கள், இராணுவ உயரதிகாரிகள், பொலிஸ் உயரதிகாரிகள், மேலதிக அரசாங்க அதிபர், திட்டமிடல் பணிப்பாளர், மாவட்ட செயலக பதவிநிலை உத்தியோகத்தர்கள், பிரதேச செயலாளர்கள், பிரதேச சபைகளின் செயலாளர்கள், முப்படை மற்றும் பொலிஸ் உயரதிகாரிகள், மாவட்ட திணைக்களங்கள் சார் அதிகாரிகள், உத்தியோகத்தர்கள், கிராம மட்ட அமைப்புக்களின் பிரதிநிதிகள், ஊடகவியலாளர்கள் என பல்வேறு தரப்பினரும் கலந்து கொண்டனர்.

Details: 23views

மடு அன்னையின் ஆடி மாத திருவிழா தொடர்பான விசேட கலந்துரையாடல் (2024-06-11) செவ்வாய்க்கிழமை மாலை 2 மணி அளவில் மாவட்டச் செயலகத்தில் மன்னார் மாவட்ட அரசாங்க அதிபர் திரு க.கனகேஸ்வரன் அவர்களின் தலைமையில் இடம்பெற்றது.

இதன் போது மன்னார் மறைமாவட்ட ஆயர் மேதகு இம்மானுவேல் பெர்னாண்டோ ஆண்டகை , மன்னார் மறைமாவட்ட குரு முதல்வர் அருட்தந்தை கிறிஸ்து நாயகம் அடிகளார், மடு பரிபாலகர் அருட்தந்தை ஞானப்பிரகாசம் அடிகளார் உற்பட அழைக்கப்பட திணைக்கள அதிகாரிகள் கலந்து கொண்டிருந்தனர்.

குறிப்பாக இராணுவம்,பொலிஸ் அதிகாரிகள் உள்ளடங்களாக அழைக்கப்பட்ட திணைக்களங்களின் அதிகாரிகளும் கலந்து கொண்டிருந்தனர்.

குறிப்பாக குடி நீர், போக்குவரத்து, சுகாதாரம்,வைத்திய உதவிகள் உள்ளிட்ட பல்வேறு விடயங்கள் தொடர்பாக ஆராயப்பட்டது.

Details: 22views

கிராம அலுவலர்களுக்கான பயிற்சிகள் 10.06.2024 அன்று மன்னார் மாவட்ட செயலகத்தில் மன்னார் மாவட்ட அரசாங்க அதிபர் திரு க.கனகேஸ்வரன் அவர்களின் தலைமையில் ஆரம்பமானது.

மன்னார் மாவட்டத்தின் 5 பிரதேச செயலகங்களுக்கும் புதிதாக நியமிக்கப்பட்டுள்ள 35 கிராம அலுவலர்களுக்கான 03 மாதகால பயிற்சி இன்றிலிருந்து ஆரம்பிக்கப்பட்டுள்ளது.

இதில் மன்னார் பிரதேச செயலகத்துக்கு 12 பேரும், நானாட்டான் பிரதேச செயலகத்துக்கு 12 பேரும், முசலி பிரதேச செயலத்துக்கு 7பேரும், மடு பிரதேச செயலகத்துக்கு 2 பேரும், மாந்தை மேற்கு பிரதேச செயலகத்துக்கு 2 பேரும் நியமிக்கப்பட்டுள்ளமை குறிப்பிடத்தக்கது.

ஆரம்ப நாள் நிகழ்வில் மன்னார் மாவட்ட மேலதிக அதிபர்கள்( நிர்வாகம் மற்றும் காணி), பிரதம உள்ளக கணக்காய்வாளர், திட்டமிடல் பணிப்பாளர் உதவி மாவட்ட செயலாளர், நிர்வாக உத்தியோகத்தர், சமுர்த்தி முகாமையாளர், மாவட்டச் செயலக உத்தியோகத்தர்கள், பயிலுனர் கிராம அலுவலர்கள் என அனைவரும் கலந்து கொண்டிருந்தனர்.

Details: 22views

முதியோர்களுக்கான தேசிய சபை மற்றும் தேசிய செயலக நிதி அனுசரணையில் 3.5 மில்லியன் பெருமதியான முதியோர் பகல் பராமரிப்பு நிலையம் மாந்தை மேற்கு பிரதேச செயலகத்துக்கு உட்பட்ட பாலை பெருமாள் கட்டு கிராம சேவகப்பிரிவில் 07.06.2024 அன்றுவெள்ளிக்கிழமை காலை 9.30 மணி அளவில் பிரதம விருந்தினராக கலந்து கொண்ட மன்னார் மாவட்ட அரசாங்க அதிபர் திரு க.கனகேஸ்வரன் அவர்களால் வைபவ ரீதியாக திறந்து வைக்கப்பட்டது.

மாந்தை மேற்கு பிரதேச செயலாளர் திரு டெ.க அரவிந்தராஜ் தலைமையில் நடைபெற்ற குறித்த நிகழ்வில் அரசாங்க அதிபர், முன்னாள் அரசாங்க அதிபர், மாந்தை மேற்கு பிரதேச செயலாளர் மற்றும் மாவட்ட பொறியியலாளர் உட்பட அனைவரும் கௌரவிக்கப்பட்டனர்.

மேலும் இந்நிகழ்வில் வரவேற்பு நடனம், முதியோர்களின் ஆடல், பாடல், பிரதேச செயலாளரின் உரை, சிறப்பு விருந்தினரின் உரை, பிரதமர் விருந்தினரின் உரை இடம்பெற்றது.

மேலும் இந்நிகழ்வில் அருட்தந்தை, முன்னாள் மாவட்ட செயலாளர் திருமதி.அ.ஸ்ரான்லி டிமெல், மாவட்டச் செயலக பொறியாளர், கிராம அலுவலர், மாந்தை மேற்கு பிரதேச செயலக உத்தியோகத்தர்கள், மாவட்டச் செயலக உத்தியோகத்தர்கள், முதியோர் சங்க உறுப்பினர்கள், பொதுமக்கள் என பலர் கலந்து கொண்டிருந்தனர்.

Details: 11views

ஜீன் 5 சர்வதேச சுற்றுச்சூழல் தினத்தை முன்னிட்டு மன்னார் பெரிய பாலம் மற்றும் தள்ளாடி இடை நடுவில் காணப்படும் கரையோரப் பகுதிகளில் இன்று (5-6-2023)காலை எட்டு மணியளவில் கண்டல் தாவரங்கள் மீள் நடுகை செய்யப்பட்டது.

மன்னார் மாவட்ட அனர்த்த முகாமைத்துவ நிலையம் மற்றும் மன்னார் நகர பிரதேச செயலகம் இணைந்து ஏற்பாடு செய்த இந்த நிகழ்வில் மன்னார் மாவட்டச் செயலாளர் க.கனகேஸ்வரன் அவர்கள் சிறப்பு அதிதியாக கலந்து கொண்டு மரம் நடுகைகளை ஆரம்பித்து வைத்தார்.

இன்றைய நிகழ்வுக்கான 300 கண்டல் தாவரங்களை டினோஸா கண்டல் தாவரப் பள்ளி வழங்கியிருந்தனர்.

இந்த நிகழ்வில் மன்னார் நகர பிரதேச செயலாளர் ம.பிரதீப் மன்னார் மாவட்ட அனர்த்த முகாமைத்துவ அதிகாரி கனகரெத்தினம் திலீபன் சுற்றுச்சூழல் கரையோர பாதுகாப்பு உத்தியோகத்தர்கள் மன்னார் மாவட்டச் செயலகம் மற்றும் பிரதேச செயலகத்தின் பதவி நிலை உத்தியோகத்தர்கள் போன்றவர்கள் கலந்து கொண்டார்கள் என்பது குறிப்பிடத்தக்கது.

Details: 14views

2024 ஆம் ஆண்டிற்கான மன்னார் மாவட்ட விளையாட்டு விழாவில் நடப்பு ஆண்டிற்கான சம்பியனாக 229 புள்ளிகளை பெற்று மன்னார் பிரதேச செயலகம் தெரிவு செய்யப்பட்டது. அதனைத் தொடர்ந்து 127 புள்ளிகளைப் பெற்று நானாட்டான் பிரதேச செயலகம் இரண்டாம் இடத்துக்கு தெரிவு செய்யப்பட்டது.

sports festi2

sports festi3 sports festi4

sports festi5 sports festi6

Details: 21views

sports festi2

sports festi3 sports festi4

sports festi5 sports festi6

Details: 17views

"நண்பா ! போதைக்கும் புகைத்தலிற்கும் முற்றுப்புள்ளி வைப்போம் வலுவான தேசம் ஒன்றினை நிதமும் கட்டியெழுப்புவோம்" எனும் தொனிப்பொருளில் சர்வதேச புகைத்தல் மற்றும் போதை எதிர்ப்பு தினத்தை முன்னிட்டு மன்னார் மாவட்ட சமுர்த்தி அபிவிருத்தி திணைக்களம் நடத்தும் மாபெரும் மரதன்னோட்டப்போட்டி இன்று(31) காலை 7 மணி அளவில் மன்னர் மாவட்ட செயலகத்தில் ஆரம்பித்து தாராபுரம், கீரி ஊடாக சென்று மாவட்ட செயலகத்தை வந்தடைந்தனர்.

குறித்த நிகழ்வில் பிரதம அதிதியாக மன்னார் மாவட்டச் செயலக அரசாங்க அதிபர் க.கனகேஸ்வரன் அவர்கள் கலந்து கொண்டிருந்தார்.

மரதன்னோட்டப்போட்டியில் முதல் 10 இடங்களுக்குள் வந்த வீரர்களுக்கு சான்றிதழ்களும் பணப்பரிசீல்கள் அரசாங்க அதிபர் அவர்களினால் வழங்கி வைக்கப்பட்டது.

மேலும் இந்நிகழ்வில் பிரதம உள்ளக கணக்காய்வாளர், திட்டமிடல் பணிப்பாளர், சமுர்த்தி திணைக்கள முகாமையாளர், சமுர்த்தி திணைக்கள உத்தியோகத்தர்கள், மாவட்ட செயலக உத்தியோகத்தர்கள் என பலர் கலந்து கொண்டிருந்தனர்
.
 

Details: 14views

பள்ளிமுனை இறங்கு துறையினை ஆழப்படுத்துவதற்கான செயற் கூட்டம் ( 17.05.2024 )மாவட்டச் செயலகத்தின் கேட்போர் கூடத்தில் காலை 9.30 மணியளவில் மேலதிக அரசாங்க அதிபர் காணி அவர்களின் தலைமையில் , கடற்றொழில் அமைச்சின் மேலதிக செயலாளர்,உதவி பணிப்பாளர் கடற்றொழில் திணைக்களம், திட்ட பொறியியலாளர், கரையோரம் பேணல் திணைக்களத்தின் உதவி பணிப்பாளர் மற்றும் பொறியியலாளர், சுற்றுச் சூழல் அதிகார சபையின் உத்தியோகத்தர்கள், கடல் சார் சூழல் பாதுகாப்பு அதிகார சபையின் உத்தியோகத்தர்கள், வன வள பாதுகாப்பு திணைக்கள அதிகாரிகள், வன ஜீவராசிகள் திணைக்கள அதிகாரிகள், மன்னார் நகர சபையின் செயலாளர் மற்றும் பள்ளிமுனை மீனவர் சங்க பிரதிநிதிகள் ஆகியோரின் பங்கேற்றலுடன் நடைபெற்றது.

கூட்டத்தின் பின் பள்ளிமுனை கடற்கரைப் பகுதிக்கு இணைந்த கள விஜயமும் மேற்கொள்ளப்பட்டது.

Details: 36views

மன்னார் மாவட்டத்தில் அவுஸ்திரேலியாவை தளமாகக் கொண்டு இயங்கும் டைட்டானியம் சான் லிமிடெட் நிறுவனத்தினரால் மேற்கொள்ளப்படவுள்ள கனிய மணல் அகழ்வு தொடர்பாக பொது மக்களின் விருப்பத்தை பெற்றுக்கொள்வதற்கான கூட்டம் மன்னார் மாவட்டச் செயலகத்தில் இடம்பெற்றது.
ஜனாதிபதி செயலகத்தின் வேண்டுகோளுக்கு அமைய,பொதுமக்களுக்கு விழிப்புணர்வை ஏற்படுத்தும் முகமாக குறித்த கூட்டம் ஏற்பாடு செய்யப்பட்டது.

-மன்னார் மாவட்ட அரசாங்க அதிபர் க.கனகேஸ்வரன் தலைமையில் இடம்பெற்ற குறித்த கூட்டத்தில் மன்னார் பிரஜைகள் குழு, மத குருமார்கள், பொது அமைப்புகளின் பிரதிநிதிகள்,மீனவ அமைப்புகள்,சமூக மட்ட அமைப்புகள் திணைக்கள தலைவர்கள், கலந்து கொண்டிருந்தார்கள்.
 

Details: 22views

மன்னார் மாவட்டத்தில் தொடர்ச்சியாக தேசிய பாடசாலைகளில் ஆசிரியர் பற்றாக்குறை நிலவி வருகின்ற நிலையில் உயர்தர பாடங்கள் கற்பிக்க ஆசிரியர்கள் இன்மையால் உயர்தர கல்வி நடவடிக்கை பாதிப்படைந்துள்ளதாக மன்/புனித சவேரியார் ஆண்கள் மற்றும் பெண்கள் கல்லூரி அதிபர்கள் தெரிவித்துள்ளனர்.

குறித்த விடயம் தொடர்பில் விரைவில் நடவடிக்கை மேற்கொண்டு தேசிய பாடசாலைகளில் காணப்படும் ஆசிரியர் வெற்றிடங்களை நிவர்த்தி செய்து தருமாறு கோரி இன்றைய தினம் (6) திங்கட்கிழமை குறித்த பாடசாலை அதிபர்கள் மற்றும் பழைய மாணவர்கள் இணைந்து வன்னி பாராளுமன்ற உறுப்பினர்கள் மற்றும் மாவட்ட அரசாங்க அதிபரிடம் மகஜர் ஒன்றை கையளித்துள்ளனர்.

குறிப்பாக நீண்டகாலமாக நிலவும் ஆசிரியர் வெற்றிடம் காரணமாக உயர்கல்வி பிரிவுகளை நடத்த முடியாத நிலை காணப்படுவதாகவும் சில கற்கைகளுக்கான முழுமையான ஆசிரியர் பற்றாக்குறை காரணமாக பாட நெறியை நிறுத்த வேண்டிய நிலையும் காணப்படுவதாகவும் குறித்த மகஜரில் தெரிவித்துள்ளனர்.

அதே நேரத்தில் மாணவர்களின் எண்ணிக்கைக்கு ஏற்ற வகையில் தளபாடங்கள் இல்லை எனவும் தற்காலிகமாக பலகைகளை இணைத்தே சில வகுப்பினருக்கு கற்பித்தல் செயற்பாடுகள் இடம்பெறுவதாகவும் தெரிவித்துள்ளனர்.

அத்துடன் மாணவர்களுக்கான கட்டிட தேவைகள் அதிகமாக காணப்படுவதாகவும் சில கட்டிடங்கள் அமைச்சுக்களின் நிதி ஒதுக்கப்பட்டு பகுதி அளவில் மாத்திரம் கட்டப்பட்டு அரைகுறை நிலையில் காணப்படுவதாகவும், இதனால் பாடசாலை நிர்வாகம் பல சவால்களை எதிர்கொள்வதாக வும் தெரிவித்து குறித்த விடயங்களில் பாராளுமன்ற உறுப்பினர்கள் மற்றும் அரசாங்க அதிபர் இணைந்து தீர்வை பெற்றுத் தர கோரி குறித்த மகஜரை கையளித்துள்ளனர்.

வடமாகாணத்தில் நிர்வாக ரீதியாக காணப்படுகின்ற குறைபாடுகள்,இட மாற்றங்களில் காணப்படும் குறைபாடுகள்,கல்வி நிர்வாக நடவடிக்கையில் காணப்படும் அரசியல் தலையீடுகள் மற்றும் மத்திய அமைச்சின் கீழ் காணப்படும் பாடசாலைகள் மற்றும் மாகாண சபையின் கீழ் காணப்படும் பாடசாலைகள் என காணப்படும் பாகுபாட்டால் பல பாடசாலைகளில் இவ்வாறான ஆசிரியர் பற்றாக்குறை,தளபாட பிரச்சனை,கட்டி தேவைகள் என்பவற்றை தொடர்ச்சியாக எதிர்கொண்டு வருகின்றமை குறிப்பிடத்தக்கது

Details: 14views

கிராம அபிவிருத்தி நிறுவனத்தின் ஏற்பாட்டில் சமூக அபிவிருத்திக்கான பல் கலாச்சார இளையோரின் ஒன்றிணைவு எனும் தொனிப்பொருளில் நிகழ்வு 02.05.2024 வியாழக்கிழமை மாந்தை மேற்கு பிரதேச சபை மைதானத்தில் இடம்பெற்றது .

குறித்த நிகழ்வில் பிரதம விருந்தினராக மன்னார் மாவட்ட அரசாங்க அதிபர் க.கனகேஸ்வரன் ,சிறப்பு விருந்தினர்களாக மாந்தை மேற்கு உதவி பிரதேச செயலாளர் ,அரச சார்பற்ற நிறுவனங்களின் இணைப்பாளர் ,நிறுவன உத்தியோகத்தர்கள் மற்றும் இளைஞர் யுவதிகள் கலந்து கொண்டிருந்தனர்.

இதன் போது இளைஞர்,யுவதிகளின் பல்வேறு நிகழ்வுகள் இடம் பெற்ற தோடு,வெற்றி பெற்றவர்களுக்கு பரிசில்கள் வழங்கி வைக்கப்பட்டது.

Details: 13views

நானாட்டான் கமநல சேவைகள் வஞ்சியன்குளம் கமக்காரர் அமைப்பிற்குட்பட்ட வஞ்சியக்குளக்கண்டத்தில் இன்று 26-04-2024 காலை 9:30மணியளவில் டிரோன் மூலம் இரசாயனம் விசுரல்,MI 07 பயறுச்செய்கை,மஞ்சல் நோய்க்கு எதிர்ப்பு இனமான உழுந்து முன்மாதிரி துண்டச்செய்கை போன்ற நிகழ்வுகள் இடம்பெற்றது.இந்நிகழ்வில் மதிப்பிற்குரிய அரசாங்க அதிபர்,கமநல அபிவிருத்தி உதவி ஆணையர்,விவசாய மாகாண பிரதிப்பணிப்பாளர்,கமநல அபிவிருத்தி உத்தியோகத்தர் மற்றும் கமநல,விவசாய திணைக்கள உத்தியோகத்தர்கள் விவசாயிகள் கலந்து சிறப்பித்தனர்.

field fes 1 field fes 2

field fes 3 field fes 4

field fes 5

Details: 21views

மன்னார் மாவட்ட அரசாங்க அதிபர் உயர் திரு. கனகசாபாபதி .கனகேஸ்வரன் அவர்கள் ஜோசப்வாஸ் நகருக்கு விஜயம்.

இன்றைய தினம் 25/4/2024/வியாழக்கிழமை கிராமமக்களது கோரிக்கைக்கு அமைய ஜோசப்வாஸ்நகருக்கான தமது விஜயத்தை எமது மன்னார் மாவட்ட அரச அதிபர் உயர் திரு .கனகசபாபதி. கனகேஸ்வரன் அவர்கள் மேற்கொண்டுள்ளார்.

வருகைதந்த அரச அதிபர் அவர்களை பங்குத்தந்தை அருட்பணி இராஜநாயகம் அடிகளார் கைலாகை கொடுத்து வரவேற்றதை தொடர்ந்து புனித வின்சன்றி போல் முன்பள்ளி சிறார்கள் மலர்களை தூவி வரவேற்றனர்.

மேற்படி நிகழ்வில் மன்னார் மாவட்ட உதவி செயலாளர் திரு.டிலுசன் பயஸ் அவர்களும், மன்னார் மறைமாவட்ட இளையோர் ஆணைக்குழுவின் இயக்குணர் அருட்பணி விக்டர் சோசை அடிகளாரும், பள்ளிமுனை பங்குத்தந்தை அருட்பணி #டெனிக்கலிஸ்ரஸ் அடிகளாரும், கற்கடந்தகுளம் பங்குத்தை அருட்பணி #டெஸ்மன் #அஞ்சலோ அடிகளாரும், மன்னார் மாவட்ட உதவி திட்டமிடல் பணிப்பாளர் திவாகரி அவர்களும், கிராமத்தில் பணியாற்றுகின்ற அரச உத்தியோகஸ்தர்களான கிராம அலுவலர் ,சமூர்த்தி உத்தியோகஸ்தர், அபிவிருத்தி அலுவலர் மற்றும் ஊடகவியலாளர் றோஜினி அவர்களும் வருகைதந்திருந்தமை குறிப்பிடத்தக்கது.

#மேலும் வருகை தந்திருந்த அரச அதிபரினால் எமது கிராமத்தின் ஆயர் இராயப்பு யோசப்பு விளையாட்டு மைதானம் ,ஆலய வளாகம் ,கிராமத்தின் வீதிகள், உள்ளக வீதிகள், முதியோர் சங்கம் போன்றவை பார்வையிடப்பட்டன.
 

Details: 23views

மன்னார் துயர்துடைப்பு மறுவாழ்வு சங்கம்( ம.து.ம.ச)MARR இன்றைய தினம் தாய் தந்தையர் இல்லாத, தந்தை இல்லாத மற்றும் கல்விகற்பதில் இடர் பாடுகளினை எதிர்நோக்கும் மாணவர்களுக்கான உணவு பொதி மற்றும் பணவுதவியினை வழங்கும் நிகழ்வு அவர்களது அலுவலகத்தில் இடம் பெற்றது. அந்திகழ்வில் மாவட்ட செயலாளர் அவர்களும் கலந்து சிறப்பித்தார்.

01v 02v

03v 04v

Details: 21views

மன்னாரில் ஜனாதிபதியின் வழிகாட்டலில் தொழில் மற்றும் வெளிநாட்டு வேலைவாய்ப்பு அமைச்சர் மனுஷ நாணயக்கார தலைமையில் ஸ்மார்ட் (SMART) எதிர்காலம் நடமாடும் சேவை மன்னார் நகரசபை மைதானத்தில் நடைபெற்றது.

குறித்த நடமாடும் சேவை மன்னார் மாவட்ட அரசாங்க அதிபர் க.கனகேஸ்வரன் ஏற்பாட்டில் 20.04.2024ம் திகதி இடம்பெற்றது.

நடமாடும் சேவையில் 36 வெளிநாட்டு வேலைவாய்ப்பு நிறுவனங்கள் கலந்து கொண்டுள்ளதுடன் பின்தங்கிய மாணவர்கள் மற்றும் உள்நாட்டு தொழில் முறைமையிலான வேலை வாய்ப்புகளும் குறித்த நடமாடும் சேவையின் ஊடாக வழங்க நடவடிக்கைகள் முன்னெடுக்கப்பட்டுள்ளது.

இந்நிலையில், தெரிவு செய்யப்பட்டுள்ள பாடசாலை மாணவர்களுக்கு கற்றல் உபகரணங்கள் மற்றும் பாடசாலைகளுக்கான உபகரணங்கள் வழங்கி வைக்கப்பட்டுள்ளது.

இந்த நிகழ்வில் இராஜாங்க அமைச்சர் காதர் மஸ்தான் உட்பட திணைக்கள தலைவர்கள், பிரதேச செயலாளர்கள், பாடசாலை மாணவர்கள், இளைஞர் யுவதிகள் என பல ஆயிரக்கணக்கானவர்கள் கலந்து கொண்டுள்ளனர்.

Details: 17views

ஸ்மார்ட் (SMART) எதிர்காலம் நடமாடும் சேவை மூலம் தொழில் வாய்ப்பு உட்பட பல்வேறு உதவித் திட்டங்களை பெற்றுக்கொள்வதற்கான சந்தர்ப்பத்தை மக்கள் பயன்படுத்திக்கொள்ள வேண்டும் என மன்னார் மாவட்ட அரசாங்க அதிபர் க.கனகேஸ்வரன் (K.Kanakeswaran) கோரிக்கை விடுத்துள்ளார்.

மன்னார் மாவட்ட அதிபர் தலைமையில் நேற்றைய தினம் (17.04.2024) மாவட்டச் செயலகத்தில் விசேட ஊடக சந்திப்பொன்று இடம்பெற்றுள்ளது.

இந்த சந்திப்பில் உரையாற்றும் போதே அவர் மேற்கண்டவாறு தெரிவித்துள்ளார்.

நடமாடும் சேவை

அவர் மேலும் தெரிவிக்கையில், “இந்த நடமாடும் சேவையில் 36 வெளிநாட்டு வேலைவாய்ப்பு நிறுவனங்கள் கலந்துகொள்வதுடன் பின்தங்கிய மாணவர்கள் மற்றும் உள்நாட்டு தொழில் முறைமையிலான வேலை வாய்ப்புகளும் குறித்த நடமாடும் சேவையுடாக வழங்கப்பட உள்ளன. ஜனாதிபதியின் வழிகாட்டலில் தொழில் மற்றும் வெளிநாட்டு வேலைவாய்ப்பு அமைச்சர் மனுஷ நாணயக்காரவின் எண்ணக்கருவில், இராஜாங்க அமைச்சர் ஜகத் புஸ்பகுமாரின் ஒத்துழைப்போடு, இராஜாங்க அமைச்சர் காதர் மஸ்தமானின் பங்கு பெற்றுதலுடன் எதிர்வரும் 20ஆம் திகதி மற்றும் 21 ஆம் திகதி மன்னார் நகர பொது விளையாட்டு மைதானத்தில் இடம்பெறவுள்ளது.எனவே மக்கள் மற்றும் இளைஞர் யுவதிகளை குறித்த நடமாடும் சேவையில் கலந்துகொண்டு பயன் பெற்றுக்கொள்ளுங்கள்” என அவர் வேண்டுகோள் விடுத்துள்ளார்.

SMART

Details: 8views

லைகாவின் ஞானம் அறக்கட்டளை யின் நிதி உதவியுடன் மன்னார் மாவட்டம் முசலி பிரதேச செயலாளர் பிரிவில் உள்ள எஸ்.பி பொற்கேணி கிராமத்தில் மக்களின் குடிநீர் தேவையை கருத்தில் கொண்டு அமைக்கப்பட்ட மூன்று குழாய் நீர் கிணறுகள் நேற்றைய தினம் புதன்கிழமை (17) காலை வைபவ ரீதியாக திறந்து வைக்கப்பட்டு மக்களின் பாவனைக்கு கையளிக்கப்பட்டுள்ளது.

மன்னாரில் அமைந்துள்ள லைக்காவின் ஞானம் அறக்கட்டளை யின் ஏற்பாட்டில் குறித்த கிராம மக்களின் நலனை கருத்தில் கொண்டு குறித்த கிராமத்தில் குடி நீருக்காக மூன்று குழாய் நீர் கிணறுகள் அமைக்கப்பட்டு வைபவ ரீதியாக திறந்து வைக்கப்பட்டது.

மன்னார் மாவட்ட அரசாங்க அதிபர் க.கனகேஸ்வரன்,மத தலைவர்கள்,பொது அமைப்புகளின் பிரதிநிதிகள் மற்றும் லைக்காவின் ஞானம் அறக்கட்டளை பணியாளர்கள் இணைந்து வைபவ ரீதியாக திறந்து வைத்தனர்.

இதன் போது தமது கிராமத்தை அண்டிய ஏனைய கிராமங்களில் குடிநீர் வசதிகளை ஏற்படுத்தி கொடுக்கப்பட்ட போதும்,தமது கிராமத்தில் இது வரை குடிநீர் வசதிகள் ஏற்படுத்தி கொடுக்கப்பட வில்லை எனவும் இதனால் தாம் பல வருடங்களாக குடி நீர் வசதி இன்றி பல்வேறு துயரங்களுக்கு முகம் கொடுத்து வந்ததாகவும் தற்போது லைக்காவின் ஞானம் அறக்கட்டளை இன் உதவியுடன் முன்னெடுக்கப்பட்டுள்ள இவ உதவி தமக்கு பாரிய பேருதவியாக அமைந்துள்ளதாக அக்கிராம மக்கள் மகிழ்ச்சி தெரிவித்துள்ளனர்.

Details: 29views

மண் அகழ்வுக்கு அனுமதி பத்திரங்கள் அனைத்தும் அரசாங்க அதிபர் தலைமையில் குழுவினால் மேற்பார்வை செய்யப்பட்டதன் பின் மண் அகழ்வு செய்ய அனுமதி வழங்க தீர்மானம்.

மன்னார் மாவட்டத்தில் இடம் பெறும் மணல் அகழ்வு சம்பந்தமான விசேட கலந்துரையாடல் 10.04.2024 அன்று மாலை மன்னார் மாவட்ட அரசாங்க அதிபர் கனகசபாபதி கனகேஸ்வரன் தலைமையில் மாவட்ட செயலக கேட்போர் கூடத்தில் இடம்பெற்றது.

குறித்த கலந்துரையாடலில் மன்னார் மாவட்டத்தில் உள்ள ஐந்து பிரதேச செயலகங்களின் பிரதேச செயலாளர்கள், சுற்றுச்சூழல் தொடர்பான அமைப்புகளின் பிரதிநிதிகள், திணைக்கள தலைவர்கள், மன்னார் மாவட்ட பொது அமைப்புக்களின் ஒன்றிய தலைவர் மற்றும் பிரஜைகள் குழுவின் தலைவர், கடற்படையினர் ,பொலிசார் மற்றும் மாவட்ட செயலக உத்தியோகத்தர்கள் பலரும் கலந்து கொண்டிருந்தனர்.

இக் கலந்துரையாடலில் மாவட்டத்தில் முன்னெடுக்கப்படுகின்ற சட்டபூர்வமான மற்றும் சட்ட விரோதமான மணல் அகழ்வு சம்பந்தமாக விரிவாக கலந்துரையாடப்பட்டது.

குறிப்பாக மாவட்டத்தில் தற்போது நடைமுறையில் இருக்கும் மணல் அகழ்வு அனுமதி பத்திரங்கள் சிலவற்றை தற்காலிகமாக இடை நிறுத்துவது என்றும் மன்னார் மாவட்ட அரசாங்க அதிபர் தலைமையில் மணல் அகழ்வு செய்யப்படுகின்ற இடங்களை கள விஜயம் மேற்கொண்டதன் பின்னர் அனுமதி வழங்குவது என்றும் தீர்மானிக்கப்பட்டது.

அத்தோடு மாவட்டத்தில் தொடர்ச்சியாக சட்டவிரோதமான மண்அகழ்வு இடம்பெற்று வருவதாகவும் இச் சட்டவிரோத மண் அகழ்வு மக்களுக்கு பாரிய இடையூறாக இருப்பதாகவும் பொது மக்களின் குற்றசாட்டுகள் தொடர்பாகவும் கலந்துரையாடப்பட்டது.

அதே நேரம் வெளி மாவட்டங்களில் இருந்து தனி நபர்களால் மன்னார் மாவட்டத்தில் சட்டவிரோத மண் அகழ்வு இடம்பெறுவதாகவும் இதனை தடுப்பதற்காக சில திணைக்களங்களுக்கு எழுத்து மூலம் அறிவிப்பதாகவும் அத்தோடு அவர்களுக்கான அனுமதி பத்திரங்களை உடனடியாக ரத்து செய்வதாகவும் மாவட்ட அரசாங்க அதிபரினால் தெரிவிக்கப்பட்டது.

அத்தோடு வேறு திணைக்களங்களால் வழங்கப்படுகின்ற அனுமதி பத்திரங்கள் அனைத்தும் மன்னார் மாவட்ட அரசாங்க அதிபர் தலைமையில் குழுவினால் மேற்பார்வை செய்யப்பட்டதன் பின்னரே அவ்விடங்களில் அனுமதி வழங்க முடியும் எனவும் அரசாங்க அதிபரால் தெரிவிக்கப்பட்டது.

மேலும் மண்அகழ்வு போக்குவரத்து அனுமதிப் பத்திரங்களை வேறு மாவட்டத்தில் இருந்து வழங்கும் போது A32 பாதையில் அனுமத்திரம் வழங்க முடியாது எனவும் இவ்வாறு வழங்குவதால் சட்டவிரோத மணல் அகழ்வு அதிகரிப்பதாகவும் சுட்டிக்காட்டப்பட்டுள்ளது.

அத்துடன் சட்டவிரோத மண் அகழ்வை தடுப்பதற்கு பொலிசார் மற்றும் புவிச்சரிதவியல் திணைக்களமும் உரிய நடவடிக்கைகளை மேற்கொள்ள வேண்டும் எனவும் கோரிக்கை முன்வைக்கப்பட்டது.

Details: 5views

மிக வேகமாக கடல் அரிப்புக்கு உள்ளாகிவருகின்ற வங்காலை கடற்கரையோரத்திற்கு நேரடியாக விஜயம் செய்த மாவட்ட அரசாங்க அதிபர் அவர்கள் கடற்றொழில் அமைப்புக்களுடன் கலந்துரையாடி எடுக்க வேண்டிய நடவடிக்கைகள் தொடர்பாக ஆராய்ந்தார்.

vankalai visit vankalai visit2

vankalai visit3 vankalai visit4

vankalai visit5

Details: 4views

மேற்படி நிகழ்வானது இன்று காலை 11.00 மணிக்கு பிரதேச செயலாளர் தலைமையில் ஆரம்பமானது. திட்டத்திற்கென தெரிவுசெய்யப்பட்ட சொர்ணபுரி கிராம அலுவலர் பிரிவின் திருமதி.M.F.F.பஸ்லா அவர்களிடம் மதிப்பிற்குரிய மாவட்ட செயாலாளர் திரு.க.கனகேஸ்வரன் அவர்களால் புதிய வீடு கையளிக்கப்பட்டது.

மேலும் இந் நிகழ்வில் திட்டமிடல் பணிப்பாளர், பிரதி திட்டமிடல் பணிப்பாளர், மாவட்ட சமுர்த்தி பணிப்பாளராக பதில் கடமையாற்றும் எமது உதவிப் பிரதேச செயலாளர், அபிவிருத்தி அலுவலர்கள், சமுர்த்தி அபிவிருத்தி அலுவலர் மற்றும் கிராம அலுவலர் கலந்துகொண்டிருந்தனர்.

Details: 15views

உலக உணவுத்திட்டத்தின் நிதிப் பங்களிப்புடன் நன்னீர் புகைக் கருவாட்டு உற்பத்தியினை மேம்படுத்தும் நோக்கில் குருவில் கிராமத்தில் நன்னீர் புகைக்கருவாடு உற்பத்தியில் ஈடுபடும் தொழில் முயற்சியாளரினால் அமைக்கப்பட்ட நன்னீர் புகைக் கருவாடு பதனிடும் உற்பத்தி நிலையம் மன்னார் மாவட்ட அரசாங்க அதிபர் திரு.க.கனகேஸ்வரன் அவர்களினால் இன்று (03.04.2024 )திறந்து வைக்கப்பட்டது.இந்நிகழ்வில் மாந்தை மேற்கு பிரதேச செயலர்,மன்னார் மாவட்ட செயலக திட்டமிடல் பணிப்பாளர்,மாவட்ட உலக உணவுத் முகாமைத்துவ அலகின் தலைமை அதிகாரி , பிரதேச செயலக உத்தியோகத்தர்கள் மற்றும் கிராம மக்கள் ஆகியோர் கலந்துகொண்டனர்.

dryfish3 dryfish1

dryfish2 dryfish4

Details: 16views

மன்னார் மாவட்ட அபிவிருத்தி சபையின் புலம்பெயர்ந்த உறவுகளின் நிதி அனுசரணையில் மன்னார் மாவட்ட கைத்தொழிலாளர்கள் சங்கத்தின் உள்ளூர் உணவு உற்பத்திகளின் விற்பனை நிலையம் மற்றும் வறிய மாணவர்களுக்கான கற்றல் உபகரண நிலைய திறப்பு விழா மன்னார் மாவட்ட கைத்தொழிலாளர்கள் சங்கத்தின் ஏற்பாட்டில் 21.03.2024 காலை 8:30 மணியளவில் மன்னார் மாவட்டச் செயலக தரைத்தளத்தில் இடம் பெற்றது.

குறித்த நிகழ்வில் பிரதம விருந்தினராக கலந்து கொண்ட மன்னார் மாவட்ட அரசாங்க அதிபர் திரு க.கனகேஸ்வரன் அவர்கள் கைத்தொழிலாளர்கள் சங்கத்தின் உள்ளூர் உணவு உற்பத்திகளின் விற்பனை நிலையத்தையும் மற்றும் வரிய மாணவர்களுக்கான கற்றல் உபகரண நிலையத்தையும் திறந்து வைத்தார்.

மேலும் இந்நிகழ்வில் அருட்தந்தை அவர்கள், மேலதிக அரசாங்க அதிபர், பிரதம உள்ளக கணக்காய்வாளர், புலம்பெயர் உறவுகளின் அமைப்புகளின் பிரதிநிதிகள், உதவி மாவட்ட அரசாங்க அதிபர், கைத்தொழில் அபிவிருத்தி சபையின் பணிப்பாளர், மாவட்ட செயலக உத்தியோகத்தர்கள், உள்ளூர் கைத்தொழில் சங்கத்தின் உறுப்பினர்கள் என பலர் கலந்து கொண்டனர்.

மேற்குறிப்பிட்ட இரு விற்பனை நிலையங்களும் மன்னார் மாவட்டச் செயலக வளாகத்தில் அமைந்துள்ளது என்பது குறிப்பிடத்தக்கது.

Details: 16views

மன்னார் மாந்தை மேற்கு பிரதேச செயலாளர் பிரிவில் மிகவும் பின்தங்கிய கிராமங்களான கூராய் சீதுவிநாயகர்புரம் கிராமத்திற்கு மன்னார் அரசாங்க அதிபரும் மாவட்டச் செயலாளருமான க.கனகேஸ்வரன் அவர்கள் தனது அதிகாரிகள் குழுவினர்களுடன் நேரடியாக சென்று கிராமத்தை சுற்றி பார்வையிட்டு அந்த கிராமத்து மக்களின் தேவைகளை கேட்டறிந்தார்

இந்த நிகழ்வானது மாந்தை மேற்கு பிரதேச செயலாளர் திரு டெ.அரவிந்தராஜ் அவர்களின் ஏற்பாட்டில் குறித்த கிராமங்களின் கிராம சேவையாளரான சி.ஸ்ரீஸ்கந்தராஜா அவர்களின் தலைமையில் இன்று மதியம் 12.30 மணியளவில் நடைபெற்றது

இதன் போது கருத்து தெரிவித்த பொதுமக்கள் தங்களது கிராமத்தில் உள்ள வீதிகள் மற்றும் குடிநீர் பிரச்சினைகள் நீண்டகாலமாக தீர்க்கப்படாமல் உள்ளது மேலும் அவர்களது கிராமத்தில் இருந்து 20 கிலோமீற்றர் தூரம் சென்றே மருத்துவம், கல்வி மற்றும் அன்றாட தேவைகளை பூர்த்தி செய்ய வேண்டிய சூழ்நிலை உள்ளது

பிரதான வீதிக்கு செல்வதற்கு முன்னதாக உள்ள சுமார் நான்கு கிலோமீற்றர் தூரமான வீதியானது பாரிய குன்றும், குழியுமாக காணப்படுகிறது மழைகாலங்களில் குறித்த குளக்கட்டு வீதி முற்றிலும் பாவிக்க முடியாதவாறு காணப்படும் இரவு நேரங்களில் விஷப் பூச்சிகள் கடித்தாலோ அல்லது கர்ப்பிணி தாய்மார்களுக்கு ஏற்படும் பிரசவ வலி போன்ற அவசர தேவைகளுக்கு இந்த வீதிகள் பயன்படுத்த முடியாத நிலை காணப்படுகிறது

மேலும் இங்குள்ள மக்கள் அனைவரும் விவசாயத்தையும் தோட்டப் பயிர்ச்செய்கையையும் நம்பி வாழ்பவர்கள் அவர்களால் உற்பத்தி செய்யப்படும் பொருட்களை வியாபாரம் செய்வதற்கான போக்குவரத்து வசதிகள் இல்லை இதனால் மிகவும் பாடுபட்டு உற்பத்தி செய்யப்படும் மரக்கறி வகைகளை லாபம் எதுவும் இல்லாமல் குறைந்த விலைகளுக்கு கொடுக்க வேண்டிய துர்ப்பாக்கிய நிலைக்கு தள்ளப்பட்டுள்ளார்கள்

அத்துடன் தோட்டங்கள் செய்யும் இடங்களில் வனவளப் பிரிவினரின் பிரச்சனை இருக்கிறது இதையும் மாவட்டச் செயலாளரின் கவனத்திற்கு கொண்டு வருகிறோம் எனவே எமது கிராமத்திற்கு மிகவும் அவசர தேவையாக உள்ள வீதியினை செப்பனிட்டு, போக்குவரத்து மற்று குடிநீர் பிரச்சனைகளை தீர்த்து வைப்பீர்களானால் விவசாயம் மற்றும் தோட்டப் பயிர் செய்கைகள் மூலம் எமது வாழ்வாதாரத்தை சிறந்த முறையில் கொண்டு செல்ல முடியும் என்று தெரிவித்தார்கள்

கிராமத்து மக்களின் குறைகளை கேட்டறிந்த மாவட்டச் செயளாளர் அவர்கள் குழுவினர்களுடன் பாடசாலை, வீதிகள், குளங்கள், தோட்டக்காணிகள், போன்றவற்றை பார்வையிட்டு இவற்றிற்கான தீர்வுகளை விரைவில் பெற்றுத் தருவதாக தெரிவித்துள்ளளார்

இந்த நிகழ்வில் மன்னார் உதவி மாவட்ட செயலாளர், பிரதி திட்டமிடல்பணிப்பாளர், சிரேஸ்ட நிலளவையாளர் மாந்தை மேற்கு பிரதேச செயலாளர் டெ.சி.அரவிந்தராஜ் மாவட்டச் செயலக உத்தியோகத்தர்கள் குறித்த கிராமங்களின் பொதுமக்கள் மற்றும் இளைஞர் யுவதிகளும் கலந்து கொண்டார்கள் என்பது குறிப்பிடத்தக்கது.

Details: 35views

வடக்கு மாகாணத்தில் தென்னை மரங்களில் ஏற்பட்டுள்ள 'வெண் ஈ நோய் தாக்கம் மன்னார் மாவட்டத்திலும் குறிப்பாக மன்னார் தீவுப் பகுதியில் அதிகரித்து காணப்படுகிறது. இந்த நிலையில் பயிர் பாதுகாப்பு சேவை நிலைய அதிகாரிகள் வெள்ளிக்கிழமை (15) மன்னாருக்கு வருகை தந்து மன்னாரிலும் குறித்த நோய் தாக்கம் தொடர்பாக தெளிவு படுத்தி கட்டுப்படுத்துவதற்கான நடவடிக்கையை முன்னெடுத்தனர்.

வெள்ளிக்கிழமை காலை மன்னார் மாவட்டச் செயலகத்தின் வளாகத்திலும் நோய் தாக்கத்திற்கு உள்ளான தென்னை மரங்களில் நோய் தாக்கத்தை கட்டுப்படுத்தும் ஒட்டுண்ணிகள் விடப்பட்டது. மன்னார் மாவட்ட செயலகத்தில் குறித்த நோயின் தாக்கம் தொடர்பிலும் வருகை தந்த அதிகாரிகளினால் விளக்கமளிக்கப்பட்டு குறித்த நோயை கட்டுப்படுத்துவதற்கான தீவிர நடவடிக்கை முன்னெடுக்கப்பட்டது .

cocu1 cocu

Details: 7views

01d

Details: 18views

01c

Page 3 of 4

FaLang translation system by Faboba